雖則移民前已有心理準備，但都係好唔開心。
本身喺香港有專業工作。移民後，外國唔承認香港既工作經驗同資格。 前幾年為咗照顧小朋友，一路冇搵工做。慶幸老公有工返，又有積蓄cash buy 買樓，經濟尚算生活到 (要慳過移民前）。 呢兩年冇返工，又冇咩識到本地人，英文一路冇進步。而且感覺自己同社會格格不入。
而家小朋友大少少就心思思，apply 本地公司低一級既工作， 不過對方點都唔肯計我香港經驗，只當我新人計。而家份工比我香港返工低人工一半有多。思前想後我都accept offer, 但個心好唔開心，有種感覺人離鄉賤，讀書多年都係要做「低級工」
大家點睇？ 可唔可以分享下你地點？
真心建議接受唔到就番香港
或者移去一個唔洗你屈就既地方
香港係點，點解我要移民，我冇忘記。就算返香港，人工唔駛屈就，都有其他方面要屈
究竟世界上有邊個國家係完美？我諗唔到
我而家搵緊一條路想喺呢個國家好好生活過日子
我不嬲都冇當返工係我嘅全部
返工係搵食啫
得閒諗吓去歐洲邊度玩啦，香港仲未做夠咩
我屋企情況
老公喺香港係專業人士，嚟到搵返同行（呢邊承認佢的專業資格，但同你一樣無本地工作經驗）
職級同香港差不多，但人工只係香港的1/3
話無比較就假
但呢度的生活水平同居住環境，係佢喺香港俾多一倍人工都換唔到，小朋友開心快樂，work life balance
咁樣就已經足夠啦
既然決定喺度長遠生活，就唔會再睇返香港人工幾多
係真係會唔開心 一開頭係
黎到交完稅同我fresh grad時人工一樣
樣樣要勁慳
唯有當儲下呢度工作經驗再轉
做下先
講真就算你以前幾top都都好
喺英國做嘢點都有唔同
你都話自己英文兩年冇進步
咁我估你本身英文都唔係十分好
如果俾個senior位你其實真係未必適合
做下先再騎牛搵馬
唔駛急
我覺得唔應該loop個金額，畢竟生活水平同習慣唔一樣，物價亦唔一樣。
如果要比較，就比較曬全部嘢，唔好只比較人工
如果大家中年，都算有舊積蓄嘅，唔駛迫得太緊啦
香港地人工連2-3年經驗都叫2萬幾，但生活成本又唔一樣
我搵嘅人工只係香港嘅1/4, 但喺呢度洗費係我香港嘅1/10，有賺
拿就咁，我而家一來唔係好想洗錢，已經過晒個shopping階段，二來我認真地諗：中Lotto我都唔知買乜好：食物難食、衫又得嗰十個八個牌子、而家又唔使見人（起碼唔使做presentation唔使見客）；但以前喺香港好多錢倒水咁倒，好似發場夢咁
我賺咗嘅：
1）健康，特別係平靜嘅心境（除非睇新聞我就激心）
2）自由，人身安全
3) 國籍同政治權利
4) 開闊十倍嘅國際視野同本地經驗，千金難買
5）廉價甚至免費嘅優質生活，例如靚肉唔使下下去CitySuper買，免費嘅公園設施，清新空氣等等
6）慢活及work-life balance，多啲空間諗下自己人生，同自己對話，同家人相處
7）平價歐遊
樓主，咁會唔會好啲？
我就已經中年，依家做緊嘅PT工係以前從未想像過。我當自己退咗休，過另一種人生。以前份糧要包埋焦慮症，脾氣暴躁，精神緊張，失眠。 依家份工拍拍籮柚拍拍手放工bye bye你條尾
搵下都應該有野食嘅
真係要focus其他嘢
金錢以外嘅嘢
我頭先超無聊，平時我聽嫁華同Sony Chan做節目有估歌仔環節，我又同老公玩，有病嘅，喺香港邊有空間
任何事情有兩面，轉個角度就海闊天空一啲
啱聽！
至理名言！
樓主有呢種心態, 個個講唔好睇錢/職級都冇用, 有事業心嘅人過唔到呢個心理關口就係關唔到, 人之常情。
我分享朋友經驗, 同樓主一樣係專業人士, 係香港MNC做中高層, 移民後當地半承認佢個牌, 但唔認經驗,
佢好彩返入同行junior post, 邊做邊補考paper,
大約1-2年後係當地chartered返, 亦因為係當地做緊野, 所以亦可以升返職, 同返香港同一grade, 稅後人工就唔駛問, 一定冇香港高。
結論, 唔駛調節心態, 既然仲有事業心, 就睇返當地公會點樣考返個牌, 既然份新工都係同行, 即可以計落你local professional experience
不過我都有啲明白：佢哋啲所謂manager如果喺香港應該唔知點生存，嗰種工作態度, 效率同專業呢… under佢哋係要啲時間適應嘅
我朋友直情笑啲officer係呼吸posts，有呼吸就叫officer
咁多人話得返人工1/3, 1/4.稅後冇得比因為稅制唔同但係稅前英國人工真係咁低定香港overpay?
一黎香港公務員或者跟point跳嘅工根本overpay 30%以上
二黎好似樓主咁, 要英國公司承認返香港嘅工作經驗比較難. 英文溝通差D亦會俾人打節扣
三黎睇你睇開咩group, 40-50歲嗰D本身有舊錢, 好多人唔會想再搏, 打份風流工仲正. 如果仲想搏應該會住近London, 同埋真係搏緊都唔會咁得閒成日上網留言.
至於稅方面其實大家差唔多, 香港高地價, 間接地買樓/交租而俾貴稅