移民就好似打機咁。
你有豐富經驗同實戰，但去到一個新遊戲新SERVER，你始終都係一個新手level ０。
如果時間可以累積本地工作經驗又能接近番同香港職位同薪，咁就捱一段時間再睇睇吧！
2個讚
我嘅處境係
工種嘅原故，人工低⼀半，除非升三級。
當新人計，原本都唔甘心，
但到有升職位自己都唔敢應承，就知自己未夠班。
如果仲有事業心，
就俾幾年時間自己，建立返本地要嘅network同portfolio；
冇事業心就專注生活。
我唔係倫敦/紐約/新加坡，
雖然話本地人覺得係大城市，
事實係呢度嘅首府城市遠遠都未達國際城市級數，所以冇得比。
宜家入藉係目標，
之後嘅事之後再算。
或者之後會搬返亞洲，如果真係再搬，咁就更要好好珍惜/享受呢度嘅優點（例如慢活、空間感、做事放鬆啲等等）
3個讚
有同感，但做人有返好多尊嚴。
係香港住個幾百尺鞋盒，死後又冇錢買山地，連狗都不如
1個讚
你形容得好好 
之前見工個 HR 好直接咁話本地經驗好重要, 無本地經驗一律當無經驗
2個讚
點解係都要同香港嘅人工比？唔同嘅地方，唔同嘅生活，比嚟有乜意思？
如果仲係後生/事業心重，咪由底做起。雖然話佢哋唔睇香港嘅工作經驗，但係做落去後，點都會顯示在工作表現上，到時咪可以快啲升職加人工。
如果係要專業資格嘅，咁咪考返本地資格。
返工，有乜嘢所謂高級/低級工呀
4個讚
其實人生唔應該淨係睇錢，係整體生活，不過香港人揾得錢多嘅都無乜生活可言，價值觀唔適合套用移民。
2個讚
當比自己fresh start新人起碼揹少d飛？
另外除左人工生活各方面都有難適應，都會令到自己更加focus響人地呢個point。有冇人可以傾下？特別老公supportive
欣賞你用心時間湊大小朋友已經係好大一個成就，始終冇左幾年人地請人都要再觀察你，唔係本地人都真係食得咸魚要抵得渴，諗下響度賺左其他d咩野。
加油，你並不孤單 
你識咁諗已經無問題
移民有得就有失
不如放大自己宜家得到既野…
唔好著重過去
睇樓主情況還好
最慘果批一家幾口養全家，冇車牌，又住得遠，仲要英文唔好，但佢地都好努力咁撐
真心，講返我香港份工，香港呢個moment唔減人工都偷笑
開頭返part time食飯得半個鐘仲要係廚房食；又要去後巷整紙皮掉垃圾都真係要用左一段時間心理上先接受到。不過知自己為乜過嚟，又要照顧家頭細務，覺得有份工返下可以賺到錢已經算好。同埋日常生活開支真係比香港時低，不過就真係冇乜儲到錢。
成日諗住要去日本，食日本嘢，落樓下有商場，出門口就地鐵站，呢啲嘢要放低架啦
平時鬧人死冇葬身之地，apply響全部香港人丫，頂！
英國人工差距冇咁大就真
高一級可能都係多 £1／hr
1個讚
或者咁講：移民本身係包埋過第二種生活，係全方位嘅改變，你有人工職位低嘅失，一定有其他方面嘅得
要embrace晒所有嘢，對一個中年人嚟講一啲都唔易，所以比多啲時間自己：一諗到失，就迫自己諗埋得，久而久之就明白
呢啲心態調節work㗎，你試下
但當香港人以為自己好勁咩，佢又唔請丫
入鄉隨俗，香港果套呢度唔啱駛
manager應該稅後都係二三萬，所以高低級冇所謂
所以人人都係咁，有乜所謂
驚比香港啲人睇唔起？
come on 英國有嘅藍天白雲涼浸浸，香港冇架
1個讚
好心唔好鬥慘啦
1個讚
把口超賤！
2024年仲執著土葬？