本來都想用，但費用太高昂，成功買屋後收2.5-3%?
Afford 唔起，唯有自己做多啲功課搭夠。如果幫手搵inspector 就冇必要啦。都係信自己搵嗰個。
係呀! 我有睇 YOUTUBE 有D人就話無後悔搵
話慳左唔少時間
但我都唔係太清楚D收費, 同屋企人傾, 佢地就覺得再觀望下先決定
真係睇吓袋口有幾深同有幾急買。。。
2.5-3%都唔少。。。
澳洲資訊都好透明，
d seller agent又唔會好aggressive 纏住啲客，
宜家開左關可以親身睇樓/suburb，同埋Covid 後agent對網上處理睇樓拍賣接受度高左，
又有咁多group可以問住落咗嘅人，
Buyer agent唔係必須。
另外，YouTube參考吓無妨，
認真信晒就三思，好少人拍片純為興趣/資訊分享。
之前啲xx老屍同會計屍，跟佢哋死咗都唔知咩事。
女人嗰個老屍？肥仔嗰個會計？
我就係睇完某個中介 KOL 先打去問收費。我覺得就算佢估價好準suggest 我出一個合理價錢，但喺buyer’s market 係冇用，價高者得，認錢唔認人。
所以自己去core logic extract data 去excel自己分析
1個讚
係呀，
女人個個劣屍兼老屍，
會計唔記得係咪肥仔，肯定係食兩家茶禮有廣普片。
有次佢聲稱幫朋友私人拍片，獨家賣townhouse ，講到幾天花龍鳳。
同⼀個盤real estate同domain 都搵到，仲要平⼀成，真係益同鄉/youtube 客𠺢啫。
見到滷屍就已經覺得想食天龍人條水。
我對嚟咗只係幾年嘅香港人中介特別有介心。嚟咗咁短時間，你又可以幫到我啲乜？仲有華人推介嗰啲盤我通常走相反方向，始終呢度白人係大多數，要選一間屋可以迎合大眾口味未來先至可以容易甩手。
呢個好真，
香港人yt 推介多數house and land，仲要好遠新市鎮咁，講緊六七十年代屯門咁沙塵滾滾。
講到好近，⼀小時到巿區，其實咪等於由南區去堔圳、龍鼓灘去西貢咁遠。
我第一份工就係其中一個YouTuber h&l熱門區個頭。
如果由香港繁華鬧市搬去呢啲區，我唸真係要少少時間適應。
投資冇所謂，百貨應百客，平有平賣。
自住就值得花少少時間心機，畢竟呢度唔似香港換樓換得咁密。
Buyer 同seller agent都好，
聽過唔少為咗快脆了事未必幫client爭取到best price，大概合格收貨就算。
與其做多10%effort先賺多5%錢，仲要分賬俾同事，落袋得個1-2%，不如快快脆脆close case接下⼀個job實際啲。
我發覺喺昆士蘭啲本地人好鐘意傳統昆士蘭高腳屋，因為有文化氣息、有歷史、有古典美、涼爽等。但亞洲人就唔會識欣賞。睇裝修咗嘅昆士蘭屋大多是啲有錢上咗年紀嘅爸媽代子女睇樓。睇新式non Queenslander房屋大多數係亞洲同印度人多。昆州人唔喜歡磚屋，唔知點解。
本地人喜歡屋企有草地同樹，亞洲人喜歡fully paved garden 因為唔使剪草執樹葉。
1個讚
竟然！
的確呢邊啲人有心機同心情慢活啲欣賞古典美同大自然。
我啲鄰居都打理到花園好靚。
有啲大量綠化環境，搞到門口好似森林咁
但到秋天，啲落葉吹晒過嚟，做左執葉仔，成個green bin都係佢哋啲葉
1個讚
個市咁紅但會見到啲磚屋三個月至半年都賣唔出.
話說我因為不滿building and pest inspection 完咗約， 嗰個中介寫電郵俾我話我個原因虛假同埋可笑。仲想keep住我個deposit !
下次見到owner builder賣樓 要Run!
爛仔，
係度搵tradies/裝修/建築相關嘅人係好麻煩，可能未識搵，俾咗錢都未必有質素。
有時炆起上嚟好想轉行做藍領，起碼解決到屋企難題先。
sydney 佢大部份樓放出嚟都有好多人爭，我暫即時只見過一間叫價11m 嘅apartment賣唔出
?? 咁天價？
我只係驚建築公司執笠所以唔敢買地起樓。
其實睇樓時我地兩公婆都著晒工衣都知道我地係建築界！仲話我哋不滿個building and pest report 係虛假原因。
試問一個香港做咗咁多年斜坡工程嘅點會接受到擋土牆冇防水？個擋土牆仲係間屋嘅一塊結構牆，如果漏水會直接入屋。
做工程界如果冇完工紙即係未起完，咁我做乜要買一間未起完嘅屋？虧自己自稱builder! 因為自己係builder 就走精面行捷徑。
Sydney 貴區，呢啲價錢好普通
靚區apartment 4m 起
當然，仍然有啲新起嘅apartment complex 1M (2房）去到hills area 或者好北面嘅會平啲
完全唔知Sydney 啲價，但係11M 買apartment 我寜願喺London 買。
Agent傾向想賣比投資者(幫佢放租, 買賣貨如輪轉), 或者同區熟客(幫佢管理埋其他盤), 其次係同區換樓客(幫佢賣舊居).
有D客會直接跟agent講, 如果你賣比我, 我比埋你放租, 或者比埋邊個盤你做.
賣高少少價對Agent利益不大.
所以我喜歡auction, 較公平.
我地見過有個 CASE, 間屋做 AUCTION, 睇反應大家都唔係好熱烈
有人叫到最後一口價, AGENT 入去同個業主傾, 加下加下要加到 OVER 1M先賣出
仲有D CASE 係最後傾唔掂, 業主最後唔肯賣
AUCTION 係公平D, 不過好似都係業主話幾多就幾多咁