話說諗住買樓，點知律師去council查到想買嗰間屋冇building completion certificate ….
屋主有入則但冇報完工，仲住咗喺度幾年
呢個咩玩法？
有冇人有類似經歷？
1個讚
曾經都聽過啲都奇奇怪怪嘅嘢….不過詳細唔記得
最緊要搵律師check清楚晒先好買
有興趣想知多啲…諗住買樓自住
唔知應該買定先,定係先租後買
想買house 定apartment/ town house?
Apartment / town house 啲管理費係好Q貴㗎。
睇過好多以前係租盤嘅house, 租客冇好好打理，又冇每年滅白蟻，搞到地台木樓板開始腐化，要好多錢執手。
唉,所以都唔知點著手,對當地文化,買樓完全冇認識
但又想有個自己地方住
其實我唔介意住apartment,但大部分人都叫唔好,冇升值潛力,管理費又貴
但house又普遍貴好多
所以都會考慮townhouse…但我都唔知管理費嗰度有幾貴
管理費Section 32有寫，亦可以問agent。
業主自己管理（即係⼀個門牌得三間個啲）會合理啲，但遇到麻煩鄰居就gg了。
Apartment 就真係唔建議，
除咗貴，質素遠不及香港。
我冇建築知識，睇住佢起嘅方式，都覺得唔longlasting，五六年後有排維修。
1個讚
我地而家都睇緊樓
都幾唔慣 AUCTION 或者 BEST OFFER 呢種方式
追下呢個 POST 學下野 
1個讚
Auction 冇cool off period.
冇得做building and pest inspection 風險好大。唔知會唔會有機會auction 完先發覺間屋冇completion certificate ？咁就gg. 可能買唔到保險，嚴重啲可能唔借mortgage 俾你。你自己伸請返可能要洗好多錢。再嚴重啲(如危樓，結構有問題)可能council 會叫你拆咗佢- 不過council 唔會企到咁前，都係信licenced building certifier 張certificate。
我只係想講香港啲建築factor of safety 高好多，呢度啲結構奀豬豬
我都係上網睇Reddit 學吓本地人喜歡咩屋、咩座向、啲agent 有咩奸招等。睇中文嗰啲網站係唔講㗎！要睇英文嗰啲。
1個讚
Auction前可以要求做inspection。
呢度啲屋令我明白三隻小豬故事嘅由來。
呢邊我見到過有人真係係 AUCTION 係咁舉手
估計似係為左個校網對間屋係志在必得咁
佢舉手好似唔駛諗咁
我有時都諗, 唔好講到話無 CERT 咁大問題, 淨係講話間屋得個樣但入面好多野要執都煩, 真係失哂預算
唔係好知值唔值得做。做個inspection 成$2000,如果bid唔到咪好蝕底？
我睇過間校網好嘅屋，個殼唔錯但冇人買因為有白蟻痕跡，地枱板腐爛等問題。agent 叫我開個價，預埋要執嘅費用。但點開價啫？搵人報價如果高過屋主接受範圍佢梗係唔賣㗎。
其實我都十五十六諗緊搵唔搵 AGENT
我之前都睇中左間屋, 出左 OFFER, 係佢個 PRICE RANGE 入面最高個個價
根據以往經驗, D AGENT 都會打來同我地傾下, 問下係咪 FINAL OFFER, 睇下我地仲有無 BUFFER 可以添D
點知個次就直接出話賣左, 個價只係爭幾千蚊
後來問到個人識個 AGENT, 佢話其實內定左賣比邊個, 只係睇下會唔會有其他人可以 OFFER 得再高D
值！⼀定做
每間屋都有自己嘅問題/defect，除非買豪宅。
做inspection係俾自己知有咩defect出咩價。
另外，如果唔做，萬一買咗間真係有結構性問題嘅屋就大鑊。
我唔會所有屋都去拍買，所以真係好認真唸住買先做。
有次遇到有間屋開價比巿價平⼀成，（個陣仲係sellers’ market，基本上都會開巿價）
一驗就大鑊，車房漏水漏到要搵支架承托住
佢個支架整得好靚，以為係雜物架，完全唔會留意到係要承托住間屋嘅結構。
有幾台客有機會係冇驗到樓，出價出得好進取，最後以市價貴少少賣出咗。
買咗嗰個應該可以喊三聲，慳左驗樓都唔夠維修費。
另外，驗完大家知間屋咩事，
啲agent都唔會夠膽吹得就吹；
同埋下次有未放出巿場嘅盤都大啲機會call你去睇樓。
呢啲盤有時有好嘢，未化妝可以睇清楚又少啲人爭，仲有時間摸底慢慢傾。
另外好嘅broker同律師係好幫到手。
佢哋睇樓同地契睇得多，⼀睇就估到大概咩盤有咩問題。
1個讚
Buyer’s agent?
Next 啦，
嚟到人生路不熟，呢度啲tradies 又咁有性格，啲人做嘢又可以咁冇下限，制唔過。
又唔係得佢⼀間屋。
1個讚
我聽澳洲朋友講，澳洲有專業賣樓化妝師，應該係服務交吉樓，負責簡單執漏加全套傢俬電器用嚟化妝遮醜，間屋所有瑕疵都會用傢俬/地氈遮住。佢話有心買嘅一定要去多幾次inspection 盡量睇清楚。至於price guide 有時開價好低引有興趣買家搵人檢查，有冇回佣佢就話唔知。
又有個朋友都係做同起屋有關，佢話近年新起嘅apartment 千祈唔好買，分分鐘有結構問題。獨立屋又係唔好買近幾年新屋，話因為呢幾年成本升咗好多好多，大部份起得成都係將貨就價，料實差。
以上都係聽朋友講，最好自己查證。
1個讚
睇過一間全新屋。入咗EOI, agent 打嚟問我可唔可以加300k。我話唔值呢個價(我當然做足功課，以估計地價同建造價得出嘅結論)。個agent 好不禮貌地話你好估起樓平㗎？你估起泳池平㗎？你估搵人做landscaping 平㗎？
隔咗兩個月今日終於見到間屋賣出咗，係佢想要嘅價錢。等我遲啲買完樓去佢公司投訴吓佢先
有性格係真。但講裝修，啲做tier 1 contractor 起商業建築嘅tradies真心好過香港嗰啲好多。香港啲判頭可以更求其更冇底線(近排同翁女俠大戰嗰條友正係人辦)
1個讚