我父母喺大陸有間屋，依家年紀大，大陸親人開晒口叫香港嘅仔女唔好爭，他日由佢哋承繼大陸間屋，父母覺得間屋係佢哋嘅財產，唔想俾有血源關係嘅陌生人。
請教如果喺香港立咗遺囑，當中有境外物業包括大陸，大陸係咪唔承認? 一定要返大陸搵大陸律師立遺囑?
快啲搞，大陸啲人一定想盡辦法搶
2個讚
間屋有冇屋契？屋契係米只有你父母名？
都係架，但睇區。有屋契又市中心就覇唔到嘅
1個讚
香港立遺囑同你可以拎得內地間屋係兩回事，最好搵埋內地律師處理
參考下
香港和大陸兩邊都要搵律師搞的。（包括遺囑）
1個讚
即刻賣左佢拎返錢唔使煩
4個讚
到時承繼後快速賣出，唔好再同班所謂親戚聯絡好了 !
睇你啲大陸親戚貪成咁，你老豆未死已經吼住間屋，真係趁老人家仲健在賣咗間屋好過為間大陸祖屋搞遺囑。
5個讚
屋契清楚，比地址地產幫你賣就可以，返上去兩次簽名，前後大半個月搞掂收錢。冇乜好擔心，好文明。
但有d區太差，地產都費事搞
間屋係類似香港丁屋咁樣，有地契，係我爸名，只可以賣番俾同村居民，唔可以賣俾其他人，亦唔可以轉名。
我爸仲蠢蠢哋咁俾大陸親戚呃咗張地契正本，我要同佢返大陸追討番。
原來大陸政府收地，難怪好日無聯絡嘅親戚舊年突然好熱心咁話幫我爸收租金，原來想 鵲巢鳩佔。真係好過份。
如內地房產的戶主有訂立遺囑，一般會按照遺囑指示，將其遺產由指定人承繼。如沒有訂立遺囑，則會按照繼承法所列明，以法定繼承人的先後順序處理遺產承繼事宜。根據相關法例，法定繼承人的順序排列為：
法定第一順位繼承人: 配偶、父母及子女
法定第二順位繼承人: 兄弟姊妹、祖父母或外祖父母
我爸喺大陸出世，但無同兄弟姐妹一齊生活，亦無出世紙，佢哋呃咗我爸去驗DNA，真係為錢乜都做得出。
如果偏遠地區 / 租屋我真係唔識，但如果市中心嘅屋有契係手都好易搞好文明
你可以試下問下上面地產可以點做，反正唔使收錢，比返佢賣就 ok
屋契放親戚到我地都試過，唯有叫你爸媽問佢拎返。上面d人唔比臉仔女的，你開口好難拎
而家如果市中心 / 位置好嘅屋跟市價賣都好易放
搞繼承先賣好麻煩
如果收地，可能同村會掙住買
我要同爸返大陸追討地契正本，順便去條村問吓係咪收地，係嘅話即刻簽名等收錢，仲同班大陸親戚搞咁多喎。
間屋係我爸自己買地起嘅，同啲兄弟姐妹有乜關係? 你哋賺到盤滿砵滿有錢又唔見俾啲我爸使? 嚟香港玩我包食包玩仲唔夠，好意思開口叫我俾幾千蚊佢買哋買藥!!! 依家見到我爸有少少利益就即刻 “喉” 住晒。食相真係好核突?!
好心寒
問題係而家仲邊有收地，大陸房地產都搞唔掂，有冇得即刻賣出去收返錢
咁你唔駛諗，間屋一定無
可能佢地係好鄉下冇乜錢，大城市好少咁。
幅地值唔值錢？值錢嘅話佢地同你死過。茂茂然兩條友上去都危險
利字當頭，全世界一樣