正確呀、我都攪緊爸爸大陸間屋（遺產），都問過律師相關資料
果班貪錢親戚個如意算盤唔係咁易打得響架，因為你阿爸攞香港身份證，如果佢走咗，一定要攞香港嘅死亡證去辦手續，大陸果邊啲親戚無憑無據冇得自己去攪遺產架，所以佢哋先出口術叫你哋放棄承繼
但就算你哋要放棄承繼，都要你媽媽+你兄弟姊妹，每人各簽一份放棄承繼聲明書，證明法定第一順位冇人繼承，先會落入法定第二順位，即係你阿爸嘅兄弟姊妹，而呢份聲明書你哋都唔會簽啦
大陸有樣野好煩，先人過身後，其他有份繼承嘅人，即佢兄弟姊妹，要簽署放棄繼承，先人仔女先可以繼承。
你哋而家最好搵大陸律師搞，趁父母仲行得走得，拎返間屋
我阿爸有啲大陸朋友都係咁，見香港人有錢就成日喉住
有次返去同阿爸啲朋友嘅屋企人一齊食飯，一見到我哋就話要去邊間邊間西餐廳飲奶茶，因為我阿爸一定會埋單，我哋向度先會去呢啲貴價餐廳
同佢啲細路行街，睇中嘢會開口叫我送比佢，雖然少少錢幾十蚊嘅嘢我都會送，但覺得咁樣開口好似搵我哋香港人笨咁，我都係比面我阿爸先唔出聲
我覺得你最好問下大陸相熟專業人士，除左律師，例如同村可信賴嘅人，係唔係真係必須同村人、唔可轉名，會唔會只係你親戚點你。
我阿爸係大陸有間祖屋，講緊間祖屋由清朝佢阿爺已經存在。過左咁多年由幾房男丁繼承，去到我呢代，唔係男丁、唔係村民都有繼承權（當然我地都係同一個阿爺），不過亦可想而知有幾多人有權繼承。
所以可以問下地產先，如果真係賣到又值錢，地產都卜去賣。可能教埋你點追契
最方便可以去香港中原介紹內地中原比你
大陸啲細路係咪真係興咁？
好多好多年前，我11、12歲左右跟我媽返大陸探啲「哎呀」親戚，同個細路行街，個𡃁仔順手拎起盒玩具話佢堂妹好鍾意叫我買，我睬佢都傻
Btw，我男家都仲有間祖屋喺鄉下，到依家都仲懶懶閒唔想處理，第日都唔知點搞
1個讚
大陸親戚好鍾意帶個九唔搭八嘅朋友出嚟要你請埋佢哋食飯
佢哋黎香港我哋請、我哋返大陸都係我哋請、以前就話香港有錢、到佢哋都富貴咪又一樣、以前多口出過聲俾人鬧計較、上一代既陋習、就係要面既俾唔要面食住
咁好煩複、早日上去補返張契賣走算啦、你哋又唔係當地好多野難處理
我阿爸間屋我都唔想攪架，我成日話大家都唔攪第時咪國家收返囉，無所謂架
最後我向香港律師樓簽咗放棄繼承聲明，唔洗我煩
我都係我媽話搞先搞，否則真係冇人理。拎返幾百萬養老米好，仔女又唔使擔心。送比阿爺又唔會有勳章
賣得就快快賣掉.
我外公本來有間四合院, 上世紀八十年代有發展商想買黎起商場,大陸親戚成日虎視眈眈, 有日一向空置的四合院突然大火燒曬, 燒左之後有好多手尾要跟, 我外公在香港無時間處理, 大陸親戚就跳出來話幫我外公處理, 咁就唔知點樣業權被轉了手.
咩都有可能發生㗎上面
話說我老豆之前返鄉下又係比人說將祖屋裝修乜裝修物，其實間祖屋好削，賣同租都唔值，好彩我老豆孤寒得濟，覺得都係比人昆多，就唔理班親戚，返去住都只係住酒店就算，佢話祖屋冧就一鑊熟
鄉下嘅屋真係冇外人買
自己返去都寧願住酒店
趁仲在生就賣左佢
遺產好煩。
有兄弟姐妹，搞繼續好煩
兄弟姐妹結埋婚，搞繼承重煩
賣左，好似何伯甘放 d 錢係銀行收息好過
如果鄉下唔值錢個 d 唯有當冇。yt成日有 d 鄉下屋影出黎，以前d華僑起落，米又係荒廢哂係到生草
我爸親戚上個月特登嚟香港呃走張地契，我唔知佢哋咁壞仲帶佢哋食飯、行街，佢哋衣著完全唔似大陸人，用新IPHONE；拎LV/ GUCCI手袋；買幾千蚊件gore tex外套；去白沙道、IT買衫、希禛DFS買香水。一啲都唔窮呀。
同親戚第一日見面食飯就話自己無錢，要求俾幾千蚊佢買藥，當聽唔到無理佢。一來無帶咁多現金喺身，二來乜水都話係親戚，我唔知親唔親一定問過阿媽先。上星期阿媽發現唔見咗張地契，問多幾句先知俾人攞走咗。
注意：繼𠄘人名單內，有 你爸爸嘅父母，有冇任何證明誰是你祖父母及已經仙遊。
其實最好的方法係，你父親在生嘅時候，直接了當辦手續轉到子女名下。
可能下個月帶埋阿爸返大陸攞番地契，如果真係收地就簽名，唔收嘅就賣出去，唔好搞咁多嘢。成班親戚只要有一家人有壞心腸就夠你煩，無咁多時間同佢哋玩。
阿爸以為間屋好似香港咁樣，死咗就自動過戶俾我，點諗到有心人裝無心人。
叫你父母盡早去攞返。