可以離開香港返工地獄等放假放縱呢個無限loop我覺得好開心
地大空氣好人少真係好正
會懷念香港嘅方便 但都知而家係變晒樣
100%理解，真係理智與感情～即使想倒不可能做到～
感覺以前香港生活就好似坐過山車，有高低起伏。英國就好係旋轉木馬，平淡又久唔久有啲野睇吓咁。。。
2個讚
我始終有信念：唔會永遠惡人當道嘅，同我哋個低潮一樣，會完
善惡到頭終有報
1個讚
係英國三年，今年我都心情愈來愈差，個人愈來愈摺，可能因為做野唔太開心，又可能係度識嘅香港人，感覺愈來愈唔岩傾，再加上town仔生活真係太單調乏味
我冇諗過回流，但有時都會懷念香港當年嘅美好，尤其工作上肯定有滿足感得多，自我認同感都會較大
希望我呢個low mood期可以快啲過渡到，唔想唔鍾意英國但又冇退路呢個感覺繼續持續下去
2個讚
生活左幾年，盡量係呢邊過返香港生活，覺得ok
朋友就冇辦法
shopping食，如果半小時至一小時出到有大型購物商場嘅 centre, china town, 大小小嘅 outlet. 可以隔星期去一次。
韓日泰嘢可以上網買，而家多左好多 whatsapp 韓日泰連線，方便好多
uk買歐洲名牌平過日本同香港 (yen跌退稅除外，就算計埋， uk 買都唔貴好多)
可以繼續食買玩
工作上想再衝，可以weekend 揾下 pt。
唔少香港人都返兩份工。
係呢邊盡量過返港式生活後，個人反而快適應左
1個讚
我都有呢個想法，攞護照後去泰國生活，自己比較鍾意亞洲地區生活模式
2個讚
泰國都係我哋嘅考慮之一
佢嘅生活質素同醫療水平都唔錯
1個讚
相信吾少人對英國生活不太適應或享受，我自己呢，頭一兩年好多事碰壁真係令到心情較差，加上天氣，吾鍾意凍，飲食呢，我可以唔食中餐，但係呢度啲嘢真難食，除非出倫敦搵食先有較好較多選擇，咖啡質素簡直係災難級，而且來來去去都係嗰幾間。
不過我知道自己為乜事而嚟，冇諗過回流，將來會考慮去其他地方生活
1個讚
既然諗住二次移居，就唔好唔開心。特別返左亞洲，有可能唔再踏足英國。咁係到生活時不如開心d
1個讚
我好努力搵小店咖啡，就算都唔係好好飲，但起碼有誠意啲
x1000000
各位努力出ideas等大家加油，好好生活
買豆自己磨算。uk 好易買到靚豆
1個讚
我會英國買到嘅歐洲好用嘢 eg skincare，化粧品都試下。
個 d 嘢返亞洲就好貴，而且未必買到㖭
用定邊 d 好用，太多好嘢要 explore
1個讚
都有explore唔同牌子同小物，呢啲都係師奶嘅生活樂趣
以前香港人成日去歐洲購物，英國都算香港人歐遊嘅熱點。所以英國都應該好多好嘢用嘅
唔試下，到時移居亞洲先發現自己係英國咁多年都冇用過，會好浪費
早幾個月都有呢啲感覺，住左快三年生活適應左，但真係講唔上鍾意。呢排感覺又好返d，可能屋企人過咗嚟探我，大家有去下其他地方玩下又好d。
其實融入又唔使真係識本地人交心嘅，人越大識真心朋友已經唔易，自己覺得舒服就好。以前見人分享過係香港都冇主動識朋友，黎到唔使迫自己變另一個人，真係有當頭棒喝嘅感覺。
2個讚
我兩邊都 ok, 另一半應該唔會想係到終老，所以應該會回流。泰國好正，回流應該會狂去泰國
最緊要兩邊都有地方住
有條件二次移居是幸福
呢度隨時買到boots，係香港要飛泰國一次過入幾年貨，我係香港時已經用開，呢樣過到來最開心
我轉左 superdrugs
而家主要試亞洲賣得貴的歐洲名牌。
係歐洲住，冇理由唔試好野。英國幾乎個個月減價，唔使等yen跌同退稅先去日本買
歐洲牌子唔係太岩亞洲人皮膚，得boots岩用，所以唔會特別去試