去日本一定更抑鬱，住到去見到個社會殘酷真象，連多年個旅行幻象都冇埋，所以千祈唔好移民去日本。我朋友朋友去日本住比鄰居歧視，直情係玩佢；另外有日本女嫁嚟香港（唔係呻哥
）話嚟到香港住先似返個人，有自我有自由
利申：我唔太鍾意日本，太黑暗
3個讚
我諗我而家就係低谷期 
等陣上返平台期 
就係離散嗰種感覺，柴灣興華茶餐廳同夕拾閒社執，我都覺得好難受
咁都好，最後你媽咪都真正適應左香港。
明確知道退休地係邊度
我可能都要，好掛住donki
1個讚
呢個都唔止係移英問題，就係旅行vs住落嘅幻象破滅，不過樓主講咗重要一點：返香港都物是人非更痛苦
好似日本女人去完巴黎失望而回要睇醫生，我都覺得不可思議，但佢哋又真係有 Paris Syndrome呢樣嘢
最慘係好多時知道同做到係兩回事，個個抑鬱時都知道要放開啲正面啲，做到先得㗎
圍爐呀，陪住佢，比多啲角度佢諗下囉
唔好意思，離少少題，實在太搞笑：
On average, up to 12 Japanese tourists a year fall victim to it, mainly women in their 30s with high expectations of what may be their first trip abroad.
The Japanese embassy has a 24-hour hotline for those suffering from severe culture shock, and can help find hospital treatment for anyone in need.
However, the only permanent cure is to go back to Japan - never to return to Paris.
2個讚
望多D花草樹木會唔會有幫助? 即使心情無好轉, 無繼續差落去已經係好既轉變. 慢慢黎, 唔需要迫自己!
2個讚
唔知你有冇興趣？無就發掘下，就算hea 到食住垃圾零食煲劇令你開心嘅都無所謂，心靈健康好重要。
1個讚
不如咁諗啦，幸福唔係必然，以往我地生活喺一個快樂嘅城市十幾至幾十年，而家只係還返轉頭啫，都要感恩架喇。況且就算移咗民，至少生存都無太大困難，只係心理上有所失落。無得計較咁多架喇，只能拼命生存下去。
祝大家都生活安好啦
2個讚
我自己點辛苦唔適應事小，我最唔岔氣係一班人渣搞到我哋個家咁，佢哋就享盡榮華富貴，仔女都唔會好大影響（我理解係父母被制裁仔女一樣有外國籍）但幾十萬香港人要離散，幾百萬香港人留低受苦；幾多人妻離子散，前途盡毀？
英國有幾多green objects同家眷過咗嚟？
呢個結我唔知幾時會解得開，到入棺材嗰日我都唔會釋懷
1個讚
種嘢都好架
我信倪匡教路，問題解決唔到，就唔好去諗，唔諗就無煩惱
5個讚
試下多啲享受活在當下之美好？以下係抄嘅：
習慣當下的觀念，我們便能將注意力轉回到此刻，而永遠改變自己的生活。不過，永遠，當然也是指現在的這一刻。
我們的煩惱、懊悔與問題，多半不存在於此刻，而是儲存在我們腦裡「過去」及「未來」的檔案裡，以圖像和感覺等形式存立。一想到明天的工作面試──「明天」即是心中的一個想法──就覺得那是千真萬確的事；跟所愛的人吵架，那種難過與罪惡實則是對往事的幻影，當我們想起「過去」說過的話，而懊悔不已時，往事就歷歷在前了。
「當下法則」可以釐清心中的雜念，使我們回歸單純與平靜。然而「當下法則」對我們的未來並無幫助，過去也從未發生，它提醒我們去正視事實，而非只是憑空去臆想、盼望或害怕。唯有此刻才是真切的，其他一切，則都是心中生出的妄念。
原來都有人同我一樣, 你講嘅每個字我都好明，我已經好努力工作同生活，每日都揾啲細藝做填滿啲空閒時間，係呢邊都識咗唔小鄰居hker,成日有gathering,又約埋暑假一齊去旅行添etc…但個心真係有個洞…無論我點做，都放唔抵過去，不停懷緬以前
，好掛住HK家人朋友，以前同事，完全同你講嘅一樣！真係唔上唔落，我揾唔返以前嘅快樂感覺！雖然明白點解嚟，但情緒同感情係唔受理智控制！
5個讚
我估我太冷漠添，我扔低左幾十年嘅香港
2個讚
唔同人唔同感受嘅，我扔唔低
1個讚
呢個形容好到位：做晒所有該做要做可以做嘅嘢，但個窿依然填唔到，時大時細，我只係 manage到佢唔流血已經好好
滿足、舒服、堅定、感恩、充實，但唔快樂
4個讚