本身呢2個地方都有啲距離
睇餸食飯
的士大概都要4個鐘
村屋都好多種，最偏僻個隻都有小巴出入，同呢度仍然差好遠
1個讚
唔一定，南部都有垃圾區平到你唔信，北部都有靚區比美倫敦樓價，其實都係睇區
1個讚
其實搬屋對本地人黎講應該都好閒，我住緊new build,附近都係近哩一年入伙，最近都有4/5戶放盤賣樓
冇錯，試過一次搭巴士去另一個town 睇一個新盤示範單位，就咁睇周圍咩都好，附近D舊屋睇落都中產feel，行十零廿分鐘有大型商場，又好近高速。去邊都方便。睇完之後響對面馬路等巴士走，嗰條馬路係雙線行車，但企咗十零分鐘，已經有三四部大叫緊嘅救護車響我哋面前行過，條馬路咁窄D車仲要讓路俾佢行，原來嗰條馬路係通去一間區內嘅大醫院，即係接收嚴重case嗰種醫院！示範單位旁邊已經係屋苑其中一個出入口，而當時賣緊嗰幾間屋又好近示範單位，如果住咗入去實嘈鬼死，夜晚唔使瞓，同埋揸車就會由嗰個位出入，要成日讓路俾救護車，所以我哋即刻決定到唔買哩個樓盤！
然後又睇過另一個咩英國新X基起嘅，又係好靚啦，又豪宅價啦，但其實個盤係響正有色人種聚居點入面，我唔識睇咩種族，只係見到好多人都著住民族服裝、包頭。附近都係好密集嗰種舊式排屋，行出小小仲有好多小販擺地攤，係好多嘢賣，但全部都係類似跳樓貨、次貨嗰D，得閒行吓冇所謂，但我唔覺得香港人睇完會有興趣住嗰度
所以，一定一定一定要實地睇過先可以買！！！就算有片睇都唔好制，有好多嘢要見埸先睇到先知咩事，寧願買唔到，係蝕一年租㗎啦，但嗰舊錢仲響自己度，之後仲有大把選擇！但買錯咗，completed埋，之後想賣返出去就冇咁易。
正常住其他city又冇諗落倫敦呢條數嘅
呢句真係講得岩, 如果啲新盤得,駛鬼去youtube sell,一早比人秒殺左啦
仲點輪到你睇完youtube再諗下買唔買.
幾年前係香港去過一個所謂sell uk樓盤既展覽
新盤,話有好多香港人睇完展覽即刻買左,講到好搶手, 點知一睇地點係大型球場stadium既附近…
唔好隔山買
有時真係要去嗰條街/附近行下先知道點,有時一街之隔都可以差好遠.
2個讚
你啱，嗰次係突發事故，需要即刻搭飛機走，好快咁check咗，嗰刻最快係去希斯路搭中午嗰班機
其實我唔係想講由北去南嘅問題，而係想話響辟靜人少地區想call車，通常都係一早預約好，即call即到嘅機會其實係好低
1個讚
其實我搵盤時都睇過類似情況嘅盤，個區唔算好好，應該係舊區重建之類，地盤起緊嘅新樓係好靚，但出左屋苑都係一排排熔熔爛爛嘅排屋，間間屋前園都淩亂不堪，十足十深水埗落樓就係車房個d偽豪宅，買屋主要係買neighborhood，正常冇人想住呢d地方，仲要唔係平
1個讚
唔好講太遠，半夜call車去a&e
就已經知
1個讚
其實只要做好資料搜集隔山買都無問題，而家網上都有晒map/ crime rate stats/ nearest schools/transport，indeed睇埋同區工作空缺，乜都有得睇晒，唔放心可以再入埋residents group預先了解，我就係隔山買並且買得好啱心水，我哋兩公婆好快揾到工(非工廠), 短期內唔會再搬，所以事前周詳計畫好重要，隔山買唔一定差㗎
2個讚
有時數據同實際自己感覺會有分歧嘛
當然自己夾到就最好啦
例如睇google map好多人話好食嘅餐廳，一樣未必適合自己
2個讚
但係stats唔係感覺，係facts吖嘛
1個讚
或者咁講，數據好又未必自己鐘意嘛
所以先講點解自己睇過先
正如見工睇完cv都要睇下個真人咁
你都冇錯嘅，不過如果唔係急，睇完數據再自己feel下就更好
2個讚
我隔山買係因為慣咗所有嘢要計劃好，同埋慳咗筆租，而家真係科技好先進，我未到之前已經睇埋自己條街住咗乜嘢ethnicity嘅人、用google map 街道模式虛擬行晒屋企附近d路，連附近幾多號巴士都已經好清楚，所以唔明點解d香港人話會隔山買錯？正常research做足，睇晒所有數據都唔會點錯，買錯嗰啲可能係連屋都未起嘅new build ，但呢樣就唔關隔山買事，係本地人都會中招
3個讚
有D野數據俾唔到
例如氣味, 嘈音, 蚊蟲 等等
就算有D野data知道嘅例如座向, 最好都係現場感受下, 可能尼個座向喺香港ok, 去到英國天氣濕度唔同可能最後唔ok
4個讚
其實隔山買有運氣成份，數據上睇好岩自己，實際住落又可以係另一回事，例如我個區有個postcode係香港人熱門聚居地，個個都去個度買new build，所有數據都好靚仔，有自己town centre大型購物商場火車站巴士outstanding 學校治安好，好多人隔山買左(應該話買得個度嘅絕大部分都隔山買)，但我實地睇完就好唔中意，完全唔會考慮個度，如果我隔山買左就會覺得中伏
當然可以嘅話我都想隔山買，因為一家大細來到搵屋住真係好煩，又可以係香港運哂傢俬過來 ，但呢個係理想，現實就係自己親身睇過最穩陣，個環境自己先知中唔中意
或者應該咁講，搵落腳點係睇數據，但睇自住樓就感覺居多
1個讚
仲有地勢斜度，唔實地睇過真係唔知
座向又係另一樣係香港買樓唔會點理嘅事，係香港只要唔係西斜基本上任何座向都分別唔大，但呢度就好緊要