我都認同租住先再買。
成個英國最貼近香港果種熱鬧方便嘅城市就只有倫敦。
如果你住倫敦ZONE2- 4嘅new build， 都唔一定要渣車，因為一般都近TUBE或火車，當然有會好啲。
但如果zone 5以上就建議學車。
£450K 唔係買唔到倫敦樓，2房flat 其實都有可能，但要有埋校網就可能難啲。
例如Wembley Park 站（唔係Wembley）都有你個價嘅樓，不過你要預埋律師費stamp duty 果啲都幾多。同埋到時啲水電煤council tax 管理費都幾甘架。所以，如果full pay 買完樓有錢淨當然會好啲。無就要快手揾份工。如果唔介意工種，倫敦的而且確係多啲機會。
我想講呢2個都好城市，有tram有巴士
全部身家£450k
比盡買£300k好啦，仲有家私什費，未搵到工嘅駛用
Birmingham過London都好遠下，如果份工久唔久先返office都仲有得諗，一星期返一次都死，車費又貴。
其實錢唔多真係唔好諗倫敦，朋友住zone 4租小學好校區，兩年之前已經要£2500, 岩岩買屋都要over £750K.
都聽過好多人分享, 無工無rental history要比一年deposit
有工番就比standard 5 weeks rent, 仲要比公司同前業主contact做reference check
明白, 已經打消落戶London既念頭
再諗番自己移民其中一個原因都係想少d生活壓力
何必再轉個國家又過d供樓既生活
£300k 唔知有咩貨仔, 唯由慢慢睇
倫敦可能睇下外圍
揀咗區住落感受下先再慢慢搵，比兩條link你，可以check crime rate同嗰區嘅資料
綠色最好，紅色最差
多謝你
請問買咗樓的苦惱包括什麼？我諗緊買樓，謝謝
主要係喺買左town仔大屋果啲，而且未夠了解自己同該區就買屋。
結果好多都遇到：
1）工作機會少，搵到工又嫌無發揮
2）住嘅地方唔渣車唔得，小朋友好難自己去街
3）蜜月期過左先發現自己原來唔鍾意種菜剪草
4）太多香港人是非好多好煩
5）覺得洗濕左個頭，生活無辦法改變，唔能夠賣樓
6）社區太悶，原來自己心底唔習慣
通通都會引致思鄉同情緒問題。
有啲人住一兩年就南搬去北/北搬去南。賣樓再買又有，出租郊區樓再另外租市區自己住又有。都好架，方法永遠唔會無，其實係心態綁住自己，唔係層樓綁住自己。我心目中香港人精神就係能屈又能伸架！
好多人都係第一次移民，如果許可，比一兩年buffer自己同家人一齊適應，唔好下下覺得係嘥錢，當買啲空間比自己思考人生係好事。
*打頭都要講句，我好慶幸自己住喺倫敦，唔係有錢，租樓，但工作機會多唔怕失業，放工約朋友行街食飯睇戲對我好重要，如果唔係日頭一份工，夜晚一份工（返屋企煮飯湊仔），真係會死人…
我都響曼城
係多香港人，但兩公婆都算搵到工
去市中心唔遠
而家要食香港人嘢都大把揀
不嬲都唔好隔山買，自己都未必自己要乜
太多香港人太多是非，係咪香港人鍾意比較？
我係隔山買, 我出發前其實冇計過有幾多身家, 只係一心覺得自己住唔起倫敦. 我年紀大心態老, 唔想再搏. 又咁好彩, 我地冇買錯地方. settle 哂, 可能等阿女入大學先搬, 又或者downsize.
買town仔真係好易中伏，口就話想過田園生活，但到真係日日都咁就覺得好難頂，田園生活係旅行時過下癮架咋，要工作就點都要住大城市，仲要揀唔好太偏僻，易access去city centre，有齊交通配套購物學校，住落就應該唔會感覺太差
仲有，千祈唔好信youtube個d地產舖介紹嘅新盤，上得youtube sell好大機會中伏，而家住耐左，聽佢講幾句已經知地點唔得，一定要親身搵盤睇盤
有人就有是非…去到太山卡啦, 搵個人問下野都冇…又係咪OK先?
有個case住north Yorkshire世外桃源，零晨3點幾突然收到要儘快落倫敦，call Uber 同的士都冇人覆，到四點左右先有的士接單，但要5點先到
有錢就梗係倫敦或倫敦以南
愈無錢既先會住得愈北
d人成日話當自己住村屋
但應該完全唔一樣