香港快運新行李政策 最平票價只可帶一件隨身行李上限7公斤
香港快運HK Express宣布，推出新的行李政策，即日生效。由以往的兩種票價選項增至四種，最平票價級別的乘客，只可帶一件隨身行李，重量上限為7公斤。寄艙行李需額外加購，按重量收費，分20公斤以及32公斤。 香港快運表示，不同計劃讓乘客按旅程需要作出靈活選擇，以減省不必要的開支。
至於在5月7日或之前訂票的乘客，仍然能享有隨身物品1件及重量上限為7公斤的登機行李1件。
(source: 香港快運新行李政策 最平票價只可帶一件隨身行李上限7公斤)
原來頭三級無得揀位坐
官網有個附注, " *隨身物品必須放入 前方座位下方 "
我覺得最後都係玩死空姐/空少, 一定有人買左平飛, 然後上左機就第一時間將自己件"隨身物品"擺上面個櫃, 空姐空少又點知邊係買平飛、邊個買貴飛。
同意… 但我又唔明啦… 輕鬆飛同經濟飛都係7kg上機, 點解要咁分呢? 行李架有限? 唔夠放個喼? 另外, 我想講HK Express計晒所有嘢, 好多時價錢同傳統航空無咩分別, 尤其係peak season… 真係唔係差太遠, 我都癈事左計右計, book 返傳統航空算啦…
有寄倉同無寄倉既分別?
No… 輕鬆飛同經濟飛都係7kg上機…跟身…寄倉有唔同, 我明呀…就係唔明點解都係7kg上機都有分別…
咦, 原來我搞錯左, 輕便飛同經濟飛都無"寄倉行李"果格, 即係"登機行李"有得擺上上面個櫃, "隨身物品"就唔可以?
之前揀佢係中意佢行李冇限件數又平
而家改左限件數真係冇優勢
我唔明係同輕鬆飛同經濟飛都係7kg上機, 只係放櫈底定頭頂行李架, 放行李架要俾多$50? 何解?
我無搭過快運，因為次次我都會格下價
睇下其他係幾錢先買機票，次次快運加加埋
都同其他差不多，成日聽唔小會取消或改上
機時間我怕麻煩。
咪就係要收多啲錢囉。以後都無三百幾既機位
要四百幾，啲人見差 $50 就會照比錢。
我覺得係CX D 算屎草策略, HK Express 就諗辦法加, 呢幾日CX 就話咩買一送一… 會唔會係CX 少咗客, 想係契弟到攞番D 客呢?
無左25KG / 30KG呢D選項, 淨係可以帶1件行李 
點解啊~ 可以帶2件都好呀, 以後無大細喼出行啦
轉睇HKA更好, 日本 +30KG 都係$550 (無留意可以帶幾多件)
edit: 加多件行李, 加$460/20KG, $600/32KG
輕鬆飛：
1件隨身行李，例如背囊/手袋/購物袋，只可放櫈底，唔超過7kg
經濟飛：
1件隨身行李，例如背囊/手袋/購物袋，只可放櫈底
+
1件登機行李，例如行李喼/手提行李袋，可放行李架
2件行李加埋都係限7kg
應該係咁
可能boarding pass會show，如果人地放唔到一問就知
Cx行李都係計件數，唔好得好多
歐洲嘅廉航未上機就check架啦
可以係辦登機手續，地勤順便問埋，
係手提行李上加上標籤。
我記得上年搭過一次飛機係咁樣做，我唔記得邊間航空公司啦。
係呀！
限寄一件免費行李，仲要唔超重。
多咗要收費。
到boarding 嘅時候應該會向閘口再check，外國啲airline會拉個鐵架去boarding gate用嚟度登機行李，over size or over weight 就要即場補錢先可以拎上機
有啲人會去到機場買手信hand carry上機，而家就限制咗手提行李同登機行李，冇得再買到一袋二袋咁拎上機
而家醒起疫情前已經係咁，就係防止d人入閘後狂買，情況確係改善左，起碼頭頂行李架冇俾人霸哂
