雖然係香港讀大學,就算係國際生學費相對其他國家係最低,但…除非真係經濟問題,否則都唔建議返港讀啦.
有能力讀既:A
一般讀書能力或未發力既:B (主要係為佢將來有天想更進一步,有張入場券升級)
真係無能力讀正規課程既: C
之後…職涯發展…D
我一直都覺得讀個科唔一定做個行. 事業發展及際遇:天時,地利,人和缺一不可.
1個讚
其實C同D 都要靠父母去啟發小朋友個興趣/有咩想做，先可能「行少啲」冤枉路；同埋父母要花時間同小朋友相處溝通，已容易啲揾到啱嘅方向
因為發現有部分人係，一係齋chur成績點都操到及格，或者係既然讀極都唔及格，就唔理由得你放學玩又好，睇電視打機又好，唔好煩就得，呢啲情況如果小朋友開發到自己興趣，好似畫畫打波或者睇下鍾意嘅書都算好，但如果個小朋友真係日日坐喺度打無謂game或者loop 冇營養短片，係唔係真係唔理佢由得佢繼續自由發揮
其實家長有時最大的問題一係唔甘心;一係太放任.
不過都係從錯誤中學習啦.
2個讚
A + B
如果小朋友有資質當然想A。只問覺得自己同屋企人讀書都算ok。同讀書對我黎講唔算辛苦既事。
但如果真係唔係讀書材料咁咪讀個普通大學。我媽當年無讀大學，佢話佢懶連distance learning個啲公司俾錢佢都無讀，佢話佢係後悔既，因為雖然佢能力ok都做到中層，但如果有degree佢可以升到高層。
我覺得就算小朋友想做學徒行技術同手藝既路，同讀degree都無衝突。
我朋友個master 都係distance learning 讀返黎，只做功課唔洗上堂，佢純粹為升職一定要master。同讀書可以識到唔同人，經濟唔係問題既，讀書係無咩壞處。
其實我想問你哋點解覺得小朋友唔係讀書材料？
純粹想了解下，因為好多細路仔都唔鐘意讀書，貪玩懶惰，但去到乜嘢程度先叫「唔係讀書材料」？
又，去咗英國之後，你仲有無覺得佢哋「唔係讀書材料」？
如果覺得尷尬可以唔答嘅，我只係有點好奇，如有冒犯請見諒。
小朋友會坐底溫習
但教極其實佢都係唔知你想佢做乜
講緊佢四年級，你同佢做二年級嘅數學練習，好簡單雙位數加減，淨係借位進位，劃圖睇片，搞咗半年都唔明白，然後去到五年級下學期，無啦啦通咗明乜嘢係進位，但借位，都係唔識/唔記得，佢消化唔到
反而去到呢啲位，我會減少功課同溫習時間（真係做基本就算），但一樣會同佢睇書，去下沙灘郊外，會博物館或者星期日下晏簡一個區散下步eg天后行去北角、講下沿途見到嘅舖頭或者其他野，甚至長假去一個長啲日子嘅旅行，同佢一齊多啲生活體驗….
2個讚
你會點介定「係唔係讀書材料」?
純粹參考，取經
細嘅小朋友，如果專注力唔夠，坐唔定，記唔到野，講極唔明老師教嘅內容，可能佢係唔叻讀書，始終學基礎知識係需要呢d條件，可能佢有另一d擅長嘅事例如做手工畫畫諸如此類，但到大左就唔係睇呢d，係睇有冇熱情追求更多知識，有冇天份等等，以上係我覺得，未必岩
2個讚
我分享下，我認為我小朋友不是讀書材料，與佢喺邊度讀無關。 佢係sen小朋友，好乖肯做功課。但佢好多時點極唔明(數學科為主)，亦好多careless mistakes (明明識嘅)。一兩個月前學過嘅嘢，之後問番就唔記得。學咗嘅嘢日常生活未能用番(例如數學科［貨幣找贖］［時間換算］[分數])
我自已算係呢類人，有時同自己小朋友講我細個讀書係一舊雲，仲要係好厚好厚點撥都唔散嘅雲。自己父母唔識教又無遇到一個好良師（係有但幫助唔大）。所以細個讀書真係差係直到要出嚟搵野做先知分數嘅重要性。但自問自己又唔係蠢，偏科尤其PhyChemBio天文地理電子野好似唔洗用腦講少少睇少少已經明仲要過咗好耐都仲記得個原理一樣。
我相信，小朋友係求學階段有父母幫助或引導，或者遇到一個好嘅良師幫你搵到你個長處，人生可能會有好大改變。
人生係不斷學習，細個讀書唔得，大咗都仍然繼續學習，只係追求嘅知識唔係學校教個種。
4個讚
我遇好多我認為讀書叻既人(3大畢業，有專業牌)，唔知係佢地謙虛定真心，佢地都係答" 我讀書唔叻，只係識考試技巧" 
都已經正啦，識考試技巧喎，感覺已經係另一個層次。
3個讚
同有錢嘅人話自己只係comfortable一樣
3個讚
由中學上大學感覺較明顯，就係讀到書嘅人真係聰明醒目d，讀唔到書唔代表蠢，但讀到書嘅多數都醒
佢地係有禮貌回答啫
簡單嚟講，但凡要動腦筋的野佢都無興趣/覺得悶
唔鍾意玩puzzle，唔鍾意睇書，唔鍾意玩IQ題，唔會問點解
老師派的功課，3個英文生字每個寫10次都要分3日做
買本數學練習同佢做，唔識解題就索性匿喺枱底
教完佢做，識做左佢唔會有成功感，只會問你「走得未」
學校要求佢地睇書，佢同我逐頁拗（睇幾多頁）
仲有好多好多，只要關於讀書佢即時啟動自動鎖死功能
但佢喺學校真係好乖好乖，老師讚佢 has shown a great effort on study
默書生字記唔到/題目唔識做，佢喊完抹乾眼淚繼續溫/做
佢理解讀書的重要性，奈何能力同性格真係唔係讀書材料
喺我眼中，學習態度遠遠重要過成績
佢係唔鍾意讀書，所以我只要求佢跟到學校進度就夠
唔想喺小學階段不停迫佢讀書
咁只會迫到佢將來討厭任何形式的學習
3個讚
不如請讀到書既JM分享下求學階段既讀書包得
我小朋友都係唔肯動腦筋！唔問點解！但睇書尤其是非故事書 ，佢就好中意，例如太空、地理、歷史都好喜歡！你有冇發掘佢興趣？例如音樂/畫畫/戲劇？
咁佢對咩有興趣？
太空地理歷史對我小朋友嚟講係學術類，所以都係零興趣
不過佢鍾意跳舞，日日對住塊玻璃係咁跳都唔攰
煮野食都鍾意，成日問我使唔使幫手
同埋好照顧小朋友，依家8歲會主動幫個妹沖涼洗頭
咁第日大個向呢幾個方向行都唔錯丫
做媽媽的，佢鍾意跳舞，我就帶佢去睇芭蕾舞劇
佢鍾意煮野食，我就星期六日同佢一齊煮
知識唔一定要靠讀書，生活體驗都係一種學習
只要佢有熱誠，自己就會識去搵方法學
5個讚