我中學有一個同學去咗Cambridge, 有4,5個拔尖skip咗中七直接入大學. 我長期同D勁人共存, 成日考完試都聽到佢哋講”慘啦份卷唔識做”, 結果佢哋下下都拎A. 分別只係A-, A, A+. 作為一位平庸又冇補習嘅人真係好慘.
細個會覺得自稱”我讀書唔叻嗰D勁人扮嘢姐. 大個諗反轉頭其實佢哋都唔係扮, 只係大家睇野高度唔同. 佢哋出去比賽知道世界有更多勁人, 又了解自己不足嘅地方.
2個讚
假設讀到上大學或以上叫做讀到書。
咁我覺得讀唔到書都有分兩類。有類真係叫做讀唔到書出嚟社會打份低收入牛工。另一類係本身讀到書但反叛荒廢咗學業，但佢地有其他技能出嚟係自顧做老細個啲比讀得成書同樣都係聰明醒目仔。
如果本身係醒目，讀唔讀到書唔會改變佢係醒目呢個事實
我仔係SEN，佢做嘢好慢，成日發夢中！佢係英國讀書比較適合佢，冇咁chur，老師會鼓勵令佢有返啲自信！如果佢真係冇心機讀，我寧願佢做學徒攞返自己價值，好過係書本上浪費時間！
1個讚
我囡正是其實讀到但太懶兼反叛,所以中學係讀唔到書(小學係精靈班,中學要留班,真係反差好大). 佢係聰明醒目,無論學什麼,老師的評語都是恨鐵不成鋼. 而家出黎工作了,可能細個浦得多,老細既評語係有道氣場壓得住. 佢話梗係啦,內心其實驚到震,但輸人唔輸陣 
我都希望佢可以係自己事業有更好發展,第日自顧做老板 
唔想俾人話失蹤所以回覆
其實問呢條問題只係好奇究竟家長有幾Desperate先會覺得小朋友「讀唔到書」。咁聽完大家分享之後，開始多啲了解小朋友嘅唔同天賦，我亦睇過啲SEN小朋友嘅報道，有啲讀寫障礙嘅都話自己好努力，但就係唔識，可能好似我畫畫咁，揸起支筆都驚。
見到幾位家長去到英國之後好似心情都輕鬆咗，即使喺香港嘅家長，喺了解自己小朋友唔係最叻讀書之後都願意陪佢發掘其他興趣，係值得欣賞嘅。同埋最重要嘅係，家長唔會逼佢哋考一啲自己冇可能考到嘅成績，如果香港多啲呢一類家長，學童自殺問題一定會有改善。
你講得啱
經歷無數次同小朋友為左讀書問題爭執
亦有無數個夜晚為左佢擔心到瞓唔著
思考自己究竟有咩做得啱做得唔啱，點樣可以做得更好
我唔係無努力過的
小朋友一出世我就做ftm親自湊佢
為左更好師資，我幫佢報私幼
我唔識phonics，我陪佢讀陪佢睇video，逐個音重新學
甚至為左大抽獎一擊即中，我地搬去好啲的校網
如果繼續香港讀書，老實講佢係可以應付到
但中間又要付出幾多時間，犧牲幾多親子關係先可以推到佢「讀得成書入大學」呢？
既然依家嚟到英國，對我同小朋友都係另一種新開始
希望可以試下用唔同的眼光去對待「學習」呢個課題
10個讚
香港其實都有呢批家長、但周圍環境太大壓力、就算唔係咩名校、學校老師係會打黎督促家長、起碼英國無遇過、不過我地唔係讀grammar school /私校
1個讚
對, 香港個環境根本不容許家長接受仔女唔係讀書材料
老實講我覺得家長都有責任stand firm, 唔係個大環境叫你咁做，比壓力你，你就要跟。始終仔女係自己，點做對佢地最有益父母應該最清楚。
1個讚
我都知家長係幫兇、但一次唔理十次唔理再打黎點都要應酬式做啲嘢、只係交功課既基本上野其實都唔易應付、如果屋企跟唔好交唔齊係學校連小息午後小休都可以無埋、更加唔好講其他課外活動、太多嘢同學業掛帥、其實真係好可悲
2個讚
但講真好多大學只要俾錢就讀到，如果你只係要求小朋友有”大學”頭銜。有好多工min requirement都係degree。但真係入到去，靠勤力同做到野都無人會judge你大學degree係邊。但你話又讀唔到書又懶就第二回事。
1個讚
面子問題je, IVE港專一直都有, 香港嘅多元出路唔少啦, 你哋啲家長比仔女做地盤咩？
1個讚
香港做地盤要捱到熱，外國做地盤就通常要去好遠地方（差不多香港去廣州咁既距離），2地都搵到錢，不過外國做工程地位比香港高d.
而如果崇尚自然教育，香港都有華德福或自然學校，非主流，但唔係無選擇。香港地方細但教育spectrum 都闊，貴既平既谷既happy 既特殊既少眾既，最緊要知自己個小朋友適合咩，而父母又配合到幾多。
如果講sen, 香港學校對待sen似做樣，學校按人頭拎左funding 開左file, 之後呢？都係要做功課，都係要圈錯字做改正。睇落外國既環境+對sen 既經驗係適合sen多d.咁為左sen而走我覺得無可厚非。
2個讚