最奇怪㗎現象係一堆中產攞住1千幾百萬過黎為子女移民，跟住就話第時揸巴士都得，咁同以前供個仔女去外國讀書跟住返香港做侍應有咩分別，係唔係真係咁開通定自己呃自己就唔知喇
自己仔女自己知又有
個個BB出世，父母都係想仔女健康快樂
點知最後個期望list愈來愈長
5個讚
香港人最興口不對心，細個問成績最好果個同學仔佢都話平時唔溫書架啦
係咪父母幹晒，仔女唔使幹，職業做仔女個d 人？1千幾百萬可能係面個浸。
人地仔女由佢啦
自己仔女自己顧
1個讚
咁揸巴士都生活到，唔係啃老咪由佢啦
響呢度做醫生都唔係特別好搵咋
職業做仔女個d, 唔做野都ok, 成家食息maybe.
我都係差唔多。 個仔其實好受教好乖但真係唔係讀書材料，所以希望喺呢度可以比佢搵到佢喜歡嘅科目，或者將來做想做嘅工作，生存到就好。
喺香港係佢未必生存到。
3個讚
其實做人開心愉快對得住自己就安心了
我覺得學習係好多方面，做人係成個package
我有朋友去咗外國多咗時間同小朋友相處
小朋友呢傢13歲，可以做到由零開始煮飯比一家四口，之後自己可以執好枱洗埋碗，搞完個廚房係企理嘅
做到呢樣野其實同成續好係一樣珍貴
7個讚
呢個道理我哋大人一定明，有能力條件有得揀，冇能力條件冇得揀。 我覺得我做家長都要調節，我大果個將來可能只係生存到 (希望係) ，細果個就唔錯，我嘅期望係佢有好嘅生活。
2個讚
其實都真係好矛盾
我過到嚟英國都係做緊倉，有幾辛苦自己知。仔女仲細，講真，我唔期望仔女讀到間好大學，但希望佢都叫讀到大學，將來出嚟社會都唔使做辛苦工啦，如果到時真係唔係讀書材料，都希望佢哋有1技之長，最起碼都生活到，唔需要捱最低工資先啦⋯⋯
4個讚
其實睇返呢度大學生嘅起薪點
都係講緊 £20000左右
入到好大學梗係好、你講差到唔讀好過果啲真係無謂勉強、大學學費又貴、反正唔係人人適合讀書、最緊要搵到自己才能同興趣養到自己
1個讚
其實都見有啲家長好奇怪、話唔想太谷但又覺得學校太hea嫌成績唔好、咁你要谷咪自己谷囉
起薪夠生活都還好，揸筆同揸磚頭去揀，做亞媽嘅點都會想佢揸筆搵食啦
我地嚟左三年了, 阿女一直讀state primary, 係香港我地讀國際學校. 阿女本身專注力好, 英文底好, 過到英國要適應返比較structural 嘅英制, 小學生涯我地都幾滿意. 學校係冇咩功課冇咩壓力, 但問下老師, 其實所有課程要求係好Solid, creative writing咩標準叫寫得好, 全部都有framework. 只係學生做唔做到? 有幾多人努力用心做, 老師唔會迫你push 你, 小朋友or家長自己覺得ok 就ok, 唔會有hard feeling.
中學, 因為見識過outstanding 中學, 學生discipline 好差, 我地又開始研究grammar school 同私校. 咁又俾我地考到, 咁最後我地跟阿女意願入私校.
最緊要係, 你知小朋友係邊度先會發光發熱, 係一般學校讀都冇問題嘅, 自己set 一個正確expectation 就可以了. 我女係冇咩competitiveness, 只係鍾意讀書鍾意歷史, 我地就盡做囉. 本身可以退休, 而家做藍領為佢交學費.
有咩期望? 佢做到佢想做嘅, 可能係歷史學家? 就ok 了, 搵唔搵到錢都冇所謂
7個讚
其實2024年嚟講…冇所謂啦
或者咁講，如果果份工係佢興趣就當然冇所謂啦，甚至應該要支持
1個讚