女兒今年中二，經常掛住追星（大陸的），像吸毒一般，經常要求參加國內的演唱會和應援活動，每次機票酒店等都要用幾千元，不給她去的話就不肯上學，甚至話自殺自殘，平常也不肯和父母溝通，連學校社工和老師和她傾談也不願意,完全不覺自己有問題，叫我們不要理她，就算和父母講話的也只會問錢去追星。不給的話又怕她真的自殺自殘
現在也不知如何是好。
請問有心理醫生介紹嗎？
如果金錢上許可,我可能會甘做:
同佢講去唔係唔得,但今次媽媽/爸爸都要同你一齊去,了解下你既興趣。
佢肯既話，也若過程你地FEEL到係健康既興趣,可以部分認同佢
但睇完SHOW之後可以坐低傾,唔係唔比你去,亦都擔心你安全，洗費都係一個問題。
可以同呀女講要去也要自己爭取（用正面的方法），例如：自己控制下零用錢，草埋夠先去享受/成績方面要兼顧／一定要有朋友陪之類，最好家長見過那些朋友。
呢個時候可能佢會反感，因為佢覺得自己係［小朋友］，可以任性。
你當下都可表達出你地既難處：其實爸媽搵錢都好辛苦架，，你去兩次我地可以交１次租，都唔少架。。
［小朋友］金錢觀呢個時期係比較混亂，要導返個正路比佢了解，但唔係用迫既。
有關自殺自殘既問題，佢有冇真係做過傷害自己既事而你地係知道既?
事實上好多人敢講唔敢做，因為知講左父母會心軟。
當然也不能說女女１００％不會做出傷害自己既事。
1個讚
問題唔係睇唔睇心理醫生，何況完全唔關心理事，你咁做，佢只會更加抗拒，佢呢個問題唔係中二突然間出現，中二呢個時間係反判期，加埋同朋影嚮，同時亦都係過往慢慢做成佢咁樣，你現時越反對佢，佢就越唔想同你講佢嘅事
1個讚
之前已同佢去過2次國內的演唱會了，也和好講好條件，但好沒有做到，現還沒有真實的自殘行為，可能是靠嚇，但我怕她之後來真的，因她學校之前也出現過好幾個同級同學玩割手，怕佢有樣學樣
如果之前講好條件，咁要俾佢知，唔係唔俾你去，但記唔記得個條件係咩？ 又或者了解下佢點解咁鐘意追呢個星，咩原因
什麼星？佢朋友都有追？除左錢，其實你地對佢追星立場係咩？
唔係唔比追，但要講好晒條件，而且要跟到足
如果佢以自殘作威脅（嚇你），你就用第2d野嚇返佢（大佢），鬥嚇，捉心理。不過你大佢個樣野要實行到先得，等佢唔好亂黎。
硬既條件講完，軟既dum佢都要，令佢明白唔係追星vs父母。
同個女講,你想我地將你當做大人定小朋友?
想做小朋友就一定要比大人管架! 唔比你追星就唔比
依家係當你做大人,互相理解,傾好左條件就要做到,做唔到就做返小朋友,比父母管!
無得小朋友同大人既著數都攞哂的!
但真係要學樓上所講捉心理,因你都係會擔心佢真做自殘問題。
6個讚
講好條件佢做唔到，一定要佢承受某啲後果，唔可以因為佢威脅就屈服。你諗下佢大個會係咩人？
2個讚
小朋友細個性格係點？幾時開始不跟父母溝通？
小朋友既自我形象或自信心係點架？
1個讚
我細個嘅時候都經歷過追星，首先想了解下佢追星嘅原因係乜？係因為同學追佢又追大家有共同話題，定純粹自己欣賞喜歡？另外佢自小係咪要乜有乜，完全唔使付出所有野垂手可得？
1個讚
會唔會係受同學朋友的影響？
如果比佢上去接觸上面啲歌迷會多咗重麻煩
我比較老土，有啲嘢例如追星如果唔認同仔女去做，我會直接 say no 而唔會嘗試參與一兩次睇下佢做乜
1個讚
由你第一步畀錢佢去追星已經係做錯左，宜家佢只會用死黎威脅你。她追邊個大陸星呀？那星學歴高？可以用大陸星既做人處事態度來同你個女傾，話你死左以後無星追，唔讀好啲書，同粒星溝通唔到，你自殘你粒星知道會唔開心，試下用粒星既話題同佢傾下，十幾歲就被她威脅，再大啲都唔知點算，做人父母甚艱難，開左個頭，收番就難。
3個讚
係米獨女？
張真源
當年我都追過星，緊係幻想粒星有日睇得上自己啦！
我諗佢情竇初開，無男朋友咪去追下星
可能俾佢識下男仔仲有用，成功轉移視線
btw 追星追到返大陸真係好誇
韓星追韓國個心無銀住
雖然話而家細路早熟，但父母助攻又另一回事
中二比佢識下男仔
，因住更加返唔到轉頭
唔啱嘅嘢唔好用另一樣唔啱嘅嘢去 replace
我細個冇追星，鍾意聽嘅就買 cd, 儲下 poster, 剪下報紙，一兩張閃卡咁。可能我個人太理性
我囡同樓主應該差不多年紀，佢 d同學去睇 taylor swift concert, 我囡都係係免費 apps dl 下歌聽 only
唔知會唔會遲左，但同細路灌輸理性思考分析，可能會好 d
就算遲左都只有繼續講同昅住佢
諗起之前內地追劉德華個女 fans
3個讚
tf boys d師弟wo, 可唔可以幫姨姨問下呀女，佢地間公司弱到好似makerville 管理mirror咁，怕唔怕佢偶像個團會步tfboys後塵？定呀女係唯粉黎，無所謂？
我有朋友追日本偶像，由細追到大，對佢個人發展，屋企關係，做野能力都無影響。唯獨是佢用自己錢追，學生時都係自己儲錢追星，而唔係威迫父母個種。
我同你朋友一樣，細個追日本偶像，我覺得有正面影響，覺得要好似佢咁考到大學(我個時中意櫻井翔)，後尾去學日文(雖然半桶水)，再之後學寫blog剪片，仲識到好多朋友(香港台灣都有)，豐富左人生，但有個前提係要靠自己嘅能力去追，學生時冇能力去演唱會就只好買cd, dvd來支持，到工作之後有錢先按自己能力去支持，要佢明白呢點好重要
3個讚