追星冇問題，等如啲人買名牌、養寵物、投資、去旅行、睇波，係生活嘅一種，但要用自己錢同有啲節制，起碼自己負擔得起，唔好欠債先
要父母比仲要威脅佢哋，個心態都好病，無論如何唔可以比佢威脅
1個讚
用自己零用或者賺到嘅錢去追星，算係金錢管理嘅一種，控制範圍內係 ok，但樓主女兒情況唔同
f2已經威脅父母達到目的，再大 d 點算？
1個讚
贊成，假如不是威脅，而是真的想死也需要正視
要了解小朋友自我價值或價值觀
係，我都好想知樓主平時點同囡囡溝通？因為依啲應該唔係一日突然係咁，平時係咪忙住工作，同佢之間下下講錢（一唔得閒陪佢就放低錢之類）？首先真係要反思下究竟溝通係咪一路都有問題而做成今日咁嘅局面。
我自己中學時都追過星，我好感謝當年屋企人無反對。媽媽會同我一齊睇我偶像嘅戲／一齊聽唱片，我自己亦都無因為依樣嘢學壞。
所以我覺得唔好聽到追星就反對咗先，不如試下張依件事扭去好嗰方面。我記得睇過啲報導，有位小朋友鍾意追星，本身好內向，但為咗粒星學用電腦整啲應援物，然後出去派，佢爸爸就默默陪佢做依啲事，佢整啲嘢好靚，慢慢啲人願意同佢買（佢本身只係諗住送）。
見到樓主都有陪過囡囡去睇演唱會，我覺得依刻我唔會同佢對著幹，就算唔鍾意個星，都陪佢一齊睇下，等大家有共同話題，然後一齊諗下點樣儲下錢追星，例如佢識唔識整下手作，拎去賣下都好，或者考試點點點，就可以點點點。
同佢傾下除咗錢，爸爸媽媽有冇其他嘢可以幫到佢？我覺得係唔好落咗度閘，青少年唔work架喇，但要俾佢知我都想支持佢架，但有冇其他方法呢？
3個讚