新加坡《聯合早報》昨日(12日)發表題為《香港為何變成「趕客之都」？》的評論文章，批評香港飲食行業的服務水平「不敢恭維」，並指一些餐廳設立了不合理的規矩，如限制時間用餐等，直言香港已經成為「趕客之都」，有損對外形象和經濟復甦。
文章作者表示，3月8日與友人到一家酒樓聚餐，而由於當時正值晚市用餐時段，人流頗多，當時的酒店經理向他們說「只有一小時的用餐時間」。他直言是首次遇到，正當大家面面相覷準備去別的餐廳時，經理見勢頭不對，改口答允可坐1.5小時。然而，作者指酒樓一方還是用盡了各種小技倆迫使他們及早「買單離開」。作者稱，同行人一致認為酒樓「食物尚可，可是服務水平實在不敢恭維」。
作者提到，香港與旅遊業相關的服務水平每況愈下，令不少遊客對港避而遠之。作者舉例指，有不少內地朋友在來港旅遊後向他大吐苦水，批評香港酒樓和茶餐廳的侍應「好像很煩躁，從下單到付款都處在一個很憤怒的狀態，彷彿他們才是消費者」。作者還列出一些餐廳設立的不合理規矩，包括限制時間用餐、不讓客人選擇座位、要求食客搭檯等，「讓人吃得一肚子氣」。
對於香港從事旅遊業或相關行業的打工仔為何「苦著一張臉」，作者認為這與香港獨特的城市文化有關。文章指，香港租金一直居高不下，餐廳為了維持收入只能追求在有限時間內服務最多顧客，夥計遇到慢條斯理的食客，往往會拋白眼甚至惡言催促。此外，香港打工仔的工作時間偏長，飲食和零售業的僱員平均每日站十小時工作，很難長期保持微笑。加上香港過去三年出現移民潮，各行業人手不足，零售餐飲業尤為嚴重，大部人不愁失業，自然有本錢向顧客擺「臭臉」。
文章又指，香港旅遊業在疫後復甦不如預期，不但旅客少來，連港人也放棄香港轉而北上消費，令香港商場餐廳周末冷冷清清，零售餐飲業叫苦連天。他指香港旅遊業長期依賴購物，變得愈來愈單一，滿足不了遊客多元化需求。
最後，作者稱香港餐飲及零售業的禮貌問題由來以久，甚至已成為社會頑疾，但隨著鄰近地區如深圳的服務水平不斷進步，香港必須盡快解決，否則香港的「趕客之都」的地位只會越來越鞏固，影響香港對外的形象和經濟復蘇。
疫情完，大家除口罩之後，
真係試過有次，－間有煲仔飯和點心餐廳。
當日去到，出奇地咁少客。
餐廳待應啲態度仲衰過大排檔，
對客呼呼喝喝，仲要唔俾揀位，佢要你坐邊就邊度，
係非繁忙時間，大把枱都無客，俾張走廊位二人細枱我哋，張枱細到啲點心唔夠位擺。
放咗茶杯、碗、碗、筷子、茶壼，剩低唔係好多位，
填完點心紙，交俾待應，
食物又唔係好味，價錢又貴。
送點心上枱嘅阿姐，又係鬼咁惡，
好似去食監躉飯，佢自己就係獄卒，你哋係犯。
我有俾錢㗎，唔好同我講俾錢大晒，啲服務態度真係衰到冇人有。
已經一年，我都唔會再去幫襯。
之後叫咗陣北上消費風，大鬧香港餐廳服務差，
我絕對有同感。
真係有啲係好差⋯⋯
8個讚
佢一強迫我坐某個唔想坐既位
通常都係食過另一間
唔想食野都要睇伙記面色
4個讚
已經去好少少，都一個人幾百蚊，啲餸一下子送上嚟，去到咁上下狂執桌叫人埋單，又唔係有人等位，9點3就開始拖地收工mode
香港各行各業一向都係奉行重量不重質. 以前老本夠厚唔憂做, 就可以掩飾呢樣事實.
最唔合理嘅係試過間cafe得我一枱客，限時90鐘，一夠鐘就要我哋走，我哋話可以再叫嘢飲嘢食都唔得，餐廳規舉定咗90分鐘……根本成場都冇其他客，亦冇人等位…以後唔幫襯
早排親戚返香港，佢細個已經移咗民，COVID前會兩三年返一次香港…佢話同朋友去餐廳食晚飯，9點半就話閂門要佢哋走…咁去酒店bar飲嘢，11點又叫佢哋走…
我覺得服務行業啲人心底裡係非常想返番去疫情個時，只做外賣，政府話7點唔可以再留係街，所以人人都可以早收工。就算無咗限時令，9點已經唔做你生意落閘走人。
所以今時今日你地仲慢慢食慢慢吹完全阻住佢收工。
4個讚
咁真係要毀滅一個地方，唔需要炸咗佢…人嘅改變已經做到
1個讚
我覺得依個係OK既，前題係態度唔好差。
好多餐廳依家都係收10點，9半LAST ORDER，接受先入去，唔好係都要坐入去之後先阿之阿左。
酒吧收11PM就接受唔到，11PM只係酒吧岩岩開始既時間喎。早幾日去HYATT CHIN CHIN BAR OFFICIAL BUSINESS HOUR係1AM，但結果班客都搞到3AM先走，背後被人咒罵一定有嫁，唯有簽單時俾多幾百蚊TIPS當道歉。
試過去一間餐廳話限時個半鐘
到我哋食完，有空枱，出面冇人等，又距離收鋪仲有一段時間
餐廳都要即刻趕我哋走
十分之趕客
2個讚
有d cafe規定無論叫咗幾多野食都好
每個客人都要額外叫一杯飲品作為“最低消費”
1個讚
我講嗰間餐廳，如果叫煲仔飯，
最快都要等半個鐘先可以上枱，
好多時候都係等八至九個字或以上，
佢自己都知道「限時令」即係 自己玩自己，
就算煲仔飯上枱，熱辣辣啲人都要攤凍少少先食⋯⋯
成舊水食個咁嘅飯，煲仔細細，好Q貴㗎，
所以佢咪無限時嘅。（一年前，現在有沒有變就唔清楚）
試過中環一間打邊爐, 入座前有提示用餐時間。
時間到左直接熄爐, 唔理個客仲係咪食緊…
覺得呢個行為好冒犯, 永遠唔會再去
其實台灣都有限時餐廳，仲要係打邊爐得90分鐘，不過嗰次結果遲咗幾個字都冇講乜嘢，可能唔滿座啦
新加坡媒體又係到「成機」唱衰我哋喇
但又係事實黎既！
限時 其實某程度上明白。
因為有啲人真係冇咩廉恥的！
特別lunch time見唔少！
出面好多人等緊，佢食完仲係到禁電話！
將心比己啦！人地都要食完返工啦！
自L私！
晚市，要睇你收幾錢，食咩類型先可以限時
最重要係！係咪仲有客？
都冇客等，比人坐多陣好蝕咩？
自己做衰個名之嘛，冇下次！
2個讚