咩料啊
啲食淨野咪要打包
唔打包蝕比佢
如果好少少嘅酒樓, 食肆, 價錢都要$200-$300+/head, 我就接受唔到限時囉, 有一次,我約咗客去大商場"趣丸"食lunch傾嘢(3個人),佢限我時1.5hrs, 我諗住大家都趕時間, 1.5hrs都夠, 我11:45入座, 待應12:40 行埋嚟問我D嘢嚟齊未, 仲有無嘢加, 我話嚟齊, 暫時無嘢加, 佢遞張單埋嚟, 叫我埋咗先… 我即刻問佢唔係1.5hrs, 待應話埋住單先唔係趕我哋走, 成張枱幫我執清晒, 淨番壺同杯, 同趕我哋走有咩分別… 我哋3個黑晒面, 個待應先話轉頭再過嚟… 真係超趕客…
2個讚
租金貴，係咁架啦，分分鐘都係錢，天價租金又收唔到天價回報。
我又唔太介意佢執檯同埋單，只要態度係ok。
可能對方都有sop/kpi，call個report出黎就知邊張檯已經過左1.5hr而未埋單，亦都會mystery shopper(尤其依d大公司)去實地視察d員工有無跟sop。
有一年聖誕後一兩日
打算訂枱同朋友食飯
但餐廳話只有聖誕餐，7百蚊一位，限時90分鐘
我地即刻決定轉場
我都唔鍾意佢地清晒啲野，搞到好似我賴死唔肯走咁
3個讚
我同你感覺類似，明白香港地小人多繼而租金貴（小學作文mode）呢樣野係唔會改變，所以餐廳好執著有冇得做多轉。
晚市book約食飯，早食就6點/6半，遲食就8點/8半。個時間唔合理仲要限時，但都大把人book。
我自己覺得限時係ok，因為呢啲飯局通常同無謂人食，限時有個終點仲開心。相熟嘅朋友如果想傾耐啲，齋行掃街都傾到計。
大環境難以扭轉，但態度做係個人問題，如果侍應職員好聲好氣唔好意思都會體諒佢打工要跟規矩，但如果佢粗粗魯魯，好似爭佢錢咁，咁就真心躁底，完全容忍唔到，基本上係以後都唔會再去食。可惜飲食呢行流動性好高，你以前去過一間ok，唔擔保佢之後請咗個趕客嘅嚟打工。
同意… 基本上, 依家唔係為公事, 我私人真係一個月都出唔到街食一次飯, 寧願叫外賣, 都唔想貼錢買難受…
所以我會提公司既sop
有中菜既sop係食晒既碟要清走，全部菜上完食完要清走餐具淨返茶具 水杯 酒杯，GM黎到見到無做就係鬧嫁喇。
加多兩句，其實依家D酒樓都唔係以前咁下家企埋檯邊等位，夠鐘交檯而唔走就叫賴死啫，響我應份享有既時間繼續坐就唔洗諗咁多啦~
其實係，各取所需，你想坐一晚就搵無限時，好似樓上網友咁覺得唔洗坐咁耐快D公事公辦完左事就算，自然接受到限時既條款。
以限時依個玩法，我覺得唱k都係個例子，
讀書k lunch就抵啦，1-3pm，但試過happy hour定唔記得叫咩名喇，貴過lunch一倍，得個果盤nuts一杯drinks，3-6pm，6pm sharp就cut歌 
細個覺得好唔抵
明還明, 但食客覺得唔舒服就唔會再去…
1個讚
咁可能公司要睇埋客人嘅意見，我唔知我嘅諗法係咪主流，如果係嘅話，公司應該要有所調整，食客嘅觀感始終重要
所以咪家家有求，我依個客覺得ok，張檯乾淨舒服唔洗怕撞到d筷子。
同時亦會有其他客覺得唔ok，覺得好似趕客咁。
公司點都係整個SOP出黎做規矩要員工跟。
要調整就個別食客調整，你唔想人地執只好侍應落手時就叫佢唔好執。
如果佢係放題火鍋, 我會理解啲
但佢唔係平價…
自此之後, book親打邊爐都問下有冇限時…有限時就唔會去…
自問做唔到90分鐘食完, 仲要未計佢上菜快唔快…
3個讚
仲有監躉級數服務質素，
試過嗰次之後真係無返過去。
真係嬲到而家⋯⋯
我試過去荃灣南小館食,2個女侍應都痴線架,一入去講句"唔該未有茶!",老果個就話唔好催佢拎茶水,到落單時,後生果個自己態度衰,仲大大聲反叫我地要有D禮貌! CLS,即刻起身走,唔食啦!
3個讚
我明白你嘅心情
上個月去荃灣牛奶冰室食LUNCH,3個人食,佢地叫我地搭枱,咁我揀等位唔搭啦,佢勁賤格,等完再叫我地都係搭枱,仲要係分開2張枱坐,痴線又係即刻走
南小館都唔平架,咁既服務唔會食佢囉
2個讚
我講嗰間都唔係平價餐廳，仲幾出名。
1個讚