想請教大家一下：
如酒席、過大禮、餅卡等的費用是由男家父母出錢，咁傳統婚宴上收到嘅人情應比邊個？
少少背景：兩公婆唔小心有左就想快d擺酒，但又無錢，所以男家父母比住錢先。個仔不算孝順，因同父母分隔兩地，平時好少噓寒問暖，最多父母生日會打個電話，從來亦不會搭飛機去探望父母。男家父母在婚宴前才第一次見新抱，之前互不相識。婚宴後新抱攞左新娘朋友比嘅人情，話要去歐遊蜜月用（之前新抱仲話想攞晒全部人情，但男家父母唔接受）新娘親人是祖國同胞，一家大細來婚宴只會比遠低過公價嘅人情。
而家兩公婆越黎越貪，仲話男家父母無咩點幫過佢地一家。所以男家父母想計條數出黎，比個仔同新抱睇下何謂無咩點幫。
謝謝大家的意見和資料。
你講傳統, 即係有禮金, 有禮餅, 有酒席, 有嫁妝嗰D, 女家的酒席禮金係女方家長收的。即係睇電視雙方家長見面, 個外母講要:「幾多禮金, 幾多擔餅, 幾多酒席」裡面的酒席
明白，謝謝妳的資料。即是傳統上就算男家父母出錢擺酒，傳統上女家也可取回女家酒席的人情。
此外，傳統上女子嫁入了男家，是否應該對老爺奶奶盡孝（傳統上），身為長子又應否照顧父母呢？如果而家阿仔不孝又反骨（暗示如父母唔幫佢，唔擔保d孫會唔會憎爺爺嫲嫲及父母雙亡後會唔會去送終），新抱對老爺奶奶連基本禮貌都無（住老爺奶奶間屋（不同住）十年幾無比過錢，有次指住奶奶大鬧話唔稀罕老爺奶奶間屋，佢要住私人樓）新抱思想傳統，一心認為老爺奶奶間屋會留比個仔，因為長子嘅原因。咁老爺奶奶如果因為個仔同新抱唔孝順，咁認為個仔要為佢自己個婚禮比返錢不知又合唔合理呢？謝謝。
唔好話佢係某國人，而家一般嘅都唔會咁孝順老爺奶奶，唔鬧番轉頭都偷笑了
而家講傳統冇得講，仲有你同佢講傳統，可能佢同你講佢鄉家習俗
另外 未婚先有
已經反傳統
一講錢又跟返傳統 
但而家係又要鬧又要貪
，學樓下話齋：有著數就講傳統，傳統責任就唔責。但傳統嫁左入男家，唔係應守男家家規？會講女家鄉家習俗架
謝謝你
無錯！依個就係我想表達嘅。兩公婆講到錢就覺得要男家父母負責，但家用有比外母就無比父母。話無錢要問父母借（當然無還過，仲賴皮話借得好少），但個新抱就有錢買金銀珠寶，名牌袋……
好難攤開同仔、新抱計，尤其你似係當事人。
佢哋先入為主嘅諗法會蓋過你條數，
再加多句「呢少少錢都要同個仔同個孫計較。娶新抱又唔係俾唔起，都唔知有乜好計」
真係唔順氣，就停止資助，等佢哋自己試過要多俾幾多，先有機會唸起父母嘅大方。
傳統個仔都應該要贍養父母終老添，個仔有冇咁做呀？結婚要攞錢先嚟講傳統
對父母一係就講清楚借幾多錢出嚟攪婚禮，收到人情之後要還返比父母；一係就預舊錢比咗出去就收唔返，唔好理佢哋用嚟比女家又好、渡蜜月又好，隻眼開隻眼閉，幫埋最後一次，以後冇偈傾
其實你已經話左佢係唔孝順，你點計都無用。
同如果講傳統就一定係男家出哂。錢銀上一定係男蝕底。但傳統女方要真係家務，照顧屋企同育兒上付出。
我會覺得老公應該孝順佢父母，我就孝順自己父母。有勁多男人都係將孝順外包俾老婆，明明自己係屋企咩都唔做，又expect老婆煮飯洗碗，好似結婚就多左個工人洗咁。
當然個仔無咁做。
原本兩老都無打算同個仔同新抱計，話晒一家人。十幾年黎都幫過唔少次。但個仔同新抱越黎越大安旨意，貪同無禮，唔感恩不特止仲威脅同情緒勒索。所以兩老只打算幫最後一次就唔幫，但個仔同新抱想要老人家幫家又幫，但唔擔保還唔還到（講梗七位數）。
呢啲嘢家家唔同，要睇啲長老大唔大貪，係唔係聯婚擺酒。
我自己為例，我好後生就結婚，酒店擺 8 圍，外父話要 2圍比佢 請佢嘅親戚朋友，收入係佢嘅，另外 6 圍收入都係我嘅，我都係收來幫補下結婚開支，無錢賺。
剛剛畢業，無咩同事，男家無咩人，我兩公婆好多朋友係 common, 所以真係請唔到好多人來，反而女家大把大陸親戚，我老婆說到佢老豆唔好請成車鄉下佬落嚟先救返我銀包。
我記得外父潤左我一句說話，話今次嫁女請得太少人，唔好睇，下次個仔結婚一定要請返 30 圍。 結果呢，我舅仔結婚唔擺酒，玩旅行結婚。
個仔就唔係咁嘅人，佢正一老婆奴，無工人時，煮飯打掃都係個男做嘅，女嘅放工後連小朋友功課都唔會理。而家就係為左老婆個物慾（女士under 14000一個月，但想住私樓，但又要買金銀珠寶、名牌袋…），就想攞盡男家著數，個女家又唔攞，話自己有骨氣。
我好認同男家父母應由個仔去考順，但如果男家著數新抱有份，但好似我上面咁講，兩老生日，新抱一個whatsapp message祝人生日快樂都無嘅話，咁又合唔合理呢？謝謝
係唔合理架，咁唯有老爺奶奶同佢哋開片，唔再俾錢。但出咗既錢如果要攞返就會俾人唱，就算你幾有理由。就好似分手要攞返啲禮物咁。
兩老唔係想攞返d錢，而係兩老唔係有錢人，都盡量幫個仔，但個仔同新抱唔知足，成日話兩老幫得好少，所以兩老只係想計條數出黎比個仔同新抱睇下。
好多謝你以男性角度黎討論依個話題。
首先男家兩老就唔貪嘅，如果貪，邊會比錢個仔結婚、免費比層樓佢地住，個仔無比過家用都唔會出聲、 兼且佢哋兩公婆收入唔多時，借筆錢比佢地應急（無還過）。
你的婚禮應是你和你太太比錢吧？對嗎？但我提及的是兩老比錢，新抱的親人多是同胞，所以男家兩老是蝕錢的。
我會話是傳統上，係因為女家在某方面思想好傳統（例如一講到錢），加上個仔又反骨，所以兩老想計條數出黎比兩個後生睇下（無打算問佢地攞返錢）其它數好明顯有得計，但結婚擺酒果度就難計d,所以就問下大家意見。謝謝
講白啲就係傳統賣女思想，明晒
明白，謝謝你。就係以我有限知識所知，婚禮應男家負責比錢，（或是個新郎比），但傳統上新抱就要相夫教子，服待老爺奶奶。因古時就係男家比錢「買」個女人來開枝散葉同服待公婆。但而家男嘅不孝，女嘅又咁（有免費屋住都要指住奶奶黎鬧），兩個成日想兩老不斷無條件咁幫佢地，但又嫌唔夠，兩老好傷心，想做係數出黎，比兩個睇下兩老幫左佢地幾多。
對於女家黎講可能係，我唔知，但個新抱都無做新抱責任，而且個外母就周不時去女婿間屋過夜（即是男家兩老間屋），兩公婆有比家用外母，但無比老爺奶奶。所以我都唔明，我google過，傳統上，女人嫁後應從男家，唔應該再成日見娘家的人（依個係傳統上，並唔多適用於現今）。但新抱一家對利益上就好講傳統。