唔好意思，咁講可能好唔啱聽：如果個仔同心抱根本冇任何感恩既心，就算2 老做條咩數出來都好，2 個後生都唔會回心轉意 ，盞晒心機又激多2 錢氣 。所以我覺得之前既就唔好再計，總之以後就停止任何資助。
佢地用個孫來威脅2 老，情緒勒索（如果唔再供養佢地，個孫會憎2 老、唔送終），咁老實就真係要睇下2 老夠唔夠絕 。如果2 老本身都係心軟既人，咁唔啱聽都要講，2 老根本係俾個仔食住，冇得搞，亦冇得怨 。
8個讚
謝謝你嘅意見，唔駛唔好意思，你講得好中肯！
其實兩老做條數出黎，唔係想兩個後生回心轉意，而係兩個話兩老幫得唔多，而且兩個為左錢可以扮失憶（例如話唔記得個佢結婚酒席係邊個畀錢、明明借左幾十萬比佢兩個，但佢兩個話兩老只借左十幾萬。）可能係因為阿仔係做會計， 有條數晌度佢就無得駁，只能直認自己係不孝（which佢認嘅）
你講得啱，個阿媽好心軟，之前答應比七位數佢地買樓，仲話依個係做父母嘅責任，點知而家比個仔同新抱鬧，佢好傷心，佢話仍會比七位數出黎，但之後就唔想再幫佢地，但問題係幾年之後個仔又要兩老借七位數比佢地，有過往經驗，同而家見到兩個嘅嘴臉，個阿媽已唔想借比佢地，因好大可以佢地會有借無還，而且個阿媽有幾個仔女，佢晌金錢上幫最多就係依個不孝子。所以佢要計條數，比個仔睇，睇下個仔會點，睇下個仔點樣令自己完全地死心。
邊有數可以計丫？
同意娶個強國新抱，一開始就注定穩賠，而家先第一單，正好可以開始習慣呢個「新習俗」。
呢啲正正就係搞到兄弟姊妹反目嘅成因
2個讚
佢問你借錢，
叫佢列番之前阿媽幫佢俾嘅錢，同還番之前借個啲先。
用借口話要公平，否則好難面對其他子女。
佢數口精，應該知道實情係點，恃住父母最錫係佢啫。
公平講句，唔係個個同胞都係咁嘅，我小朋友個同學嘅媽媽，嫁黎香港，好努力學廣東話，又幫老爺奶奶手打工，又好照顧自己小朋友。
依家係第一單吵大交，遲d應該陸續有嚟
熟口熟面好似之前有見過你留言，anyway
閣下係兩老既貴親?
如果d錢係我俾左兩老，佢要點洗佢既事，佢要縱仔縱新抱係佢地既事。同時我都唔會去幫兩老點計點計，話要同個仔新抱計只係權宜之計，一時講大左。
何必枉作小人，轉個頭人地一家親你就挑撥離間正衰人。
我同個男嘅講過，話叫佢還晒d錢比兩老，兩老就可以一次過買間屋比佢。佢話（大約係咁講）：「你地未寫囉，我係還唔到呀！吹呀！不過你地咁做呢，就要小心個「果 」啦，個「果」就係反面囉！我還唔到我最多申請破產，咁我就唔駛還，幾年後又一條好漢。」
個男先唔會理其它兄弟姐妹，一切老婆為上。
好感謝你關心，係，我之前有留過言。
我係兩老嘅血親，之前我有聽大家講，唔好理，佢地一個願打，一個願捱，由佢地。但而家捱果兩老經歷過去幾個月就出聲話好失望，唔想再縱佢地，而且話要計嘅係兩老提出（唔係要個仔同新抱比返錢），我只係諗起婚禮上人情嘅問題唔清楚，所以問問大家意見
。
早一輩或者真係會勤奮啲嘅，我媽都係一樣，細個返鄉下，我啲cousin笑我啲鄉下土話比我媽講得仲叻
唔洗幫兩老出面啦，
就算要左個仔還錢都係要黎買樓俾個仔，洗乜搞咁多野。
你都無謂強出頭。
所以唔理咩地方，總有唔同嘅人
如果兩老仲唔醒仲搵人幫佢地出口，只係為左搵其他人做醜人，d醜人話完佢個仔新抱，轉個頭鬧兩老，兩老見個仔唔開心又封返幾萬蚊利是仔俾佢地買手袋。
嘥氣啦，要斷，根本唔洗計條數出黎都可以斷。
有數又點? 個仔又還唔起，就算還得起都唔會還。
兩老縱出黎咪自食其果，你都係食下花生算喇，咁多事轉頭話你想拆散頭家，你做衰人。
2個讚
謝謝你。其實上次有機會同個男講，係因為佢老婆唔滿意我（咁又係我衰嘅，食飽飯無屎屙就教人地個小朋友孝心），人地而家講到明叫我唔好理佢一家嘅野，ok, fine,咁我都叫佢老婆唔好理我一家嘅野，包括兩老點用佢地d錢。
計嚟都無謂，計左又如何？佢有良心一早就還錢感恩。
真心為兩老好就叫唔好再做提款機。
兩老樂於花冤枉錢亦係佢嘅選擇。
（突然唸起happy伯嘅人生哲理）
就算係血親、其他子女等，幫佢計亦枉作小人。
一句，「我係我媽個仔，佢心甘情願俾我」已經可以直接收你檔，仲未計佢覺得你唆擺父母。
同父母可以講嘅都講晒之後，
佢呻嘅時候，你有耐性聽就做樹洞，冇就輕輕提佢，呢個世界所有嘢都係一個選擇同因果。
當佢以為呢個係父母責任、施予嘅恩惠嘅同時其實亦種下貪婪嘅禍根。
1個讚
首先好多謝你用心嘅留言，比我多一個角度去睇件事。
不過你可能誤會了，其實兩老已出左聲，兩老同個仔同新抱已嘈過幾次，又比人指住黎鬧，又暗示唔送終等…正正因為咁，兩老就開始醒。但個阿媽始終做唔到咁絕（斷離母子關係），所以打算幫多一次（之前答應過嘅）就唔再幫。係上次個新抱唔滿意我，個男嘅打黎問罪我先至講下。
你講得好啱，個仔無錢還，就算有都唔還，兩老仍幫係自己攞黎。其實兩老好天真，佢地講過初頭跟本唔要求個仔還錢，只求佢一家開心。點知有人唔心足，仲要鬧人，講埋d會畀雷劈嘅說話，兩老先至心死。
拆散佢頭家？唔會啦，個仔係老婆奴，聽教聽話，打風都打唔甩。
多謝你，你最後果句講得好好！我真係要背左佢！
唔係我話計，係兩老話要計，我只係婚禮果part唔明，所以問問大家
兩老以前就樂於花冤枉錢，點講呢？誇張少少講、兩老好係人地d純純鄉下佬鄉下婆咁，一心為頭家，點知而家出左城嘅仔變得越黎越衰，其實對佢地打擊都好大，佢地真係唔知點做。
佢地而家想做嘅，學你講，我聽完，我就只能base on佢地做嘅去整理好，由佢地自己講，自己做。
我突然唸起有個親戚都係咁，
到老人家過身，新抱分左多少少嘅身家都覺得應份，嫌分得唔夠，其他子女冇佢老公咁孝順辛苦，係佢子女面前（老人家嘅孫）擺出受害人姿態。
冇感恩嘅心係死症嚟嘅，到老人家死後都唔會有改變。
唔好FF咩絕唔絕，佢會開心等等。
宜家個仔有初期老人癡呆，個新抱拎得出有餘都唔會睇私家，等公立醫院一年覆診幾次，更唔好講煮飯俾佢老公食。
唔知佢地之間有乜恩怨，呢到都好多新抱唔見男家人唔講一句說話
如果個仔同新抱衰，就收返層樓，租出去好乜都好，自己享受返，其實有冇人送終都好閑，平時見唔見都冇乜所謂
既然仲有其他仔女，不如疊埋心水唔好望呢個仔第時幫自己送終，留番果7位數畀自己洗仲好，啲錢帶黎嘅安全感一定比呢個仔大得多。
3個讚