無聊揾下嘢講，大家不妨分享下
去食壽司郎，揾笨人一個帶5個細路（三個自己生嘅，兩個臨時嚟嘅表哥）叫咗成枱嘢，布甸都叫咗廿個，埋單話除三個大人。好心啦，你果3 個都中四中二中一。
當請小朋友食嘢，比你揾一次笨，只有冇下次兼疏遠。
另一個成日聽到人講，去旅行叫人幫手買嘢，之後當人送比佢唔比返錢，問佢拎返錢仲話你少少錢都計足。
有啲人愈來愈人見人怕真係有原因。。。
6個人食20個布甸？？
我唔搵人笨，亦好少比人搵笨
可能最無聊都算係，謝師宴唔去都夾幾百蚊
1個讚
朋友嚟？佢唔尷尬嗰吓好嘢。
2個讚
唔係啩，咁邊係朋友
咁請飲呢
唔去都要俾
唔夠人厚面皮真係冇計
如果大家都厚面皮，我會話我有數住自己食咗幾多舊壽司呀，我比返自己果份
可惜我都唔係厚面皮嘅人，做唔出咁肉酸嘅嘢
1個讚
大學庄友/飯腳同事結婚生B，去飲或探B俾足人情禮數。但我生B(我無擺酒）就無慰問一句或上黎探。我明大家都唔係最熟個幾個，後生時早啲知道呢個道理會飲少幾餐囉
食牛角
朋友話借金咭會員比我
點知之後話要收返差額
因為自己貪小便宜在先
最後決定比突佢
提醒自己唔好再貪著數
我結婚後有比返相人，但唔係即刻，都要幾個月；有個朋友喺我婚禮後追我攞相，咁我當然有比返佢啦
到佢結婚後完全冇比返相我
哇
終極肉酸 你幫佢儲到分又應該點計
3個讚
咁我遇過好多人都係咁 (eg 舊同學), 請你去飲時好有誠意約你同其他人出黎食飯, 派帖俾大家 (餐飯AA)
到你去完飲佢果餐, 就無咩再聯絡, 唔好話d 相無俾番我丫, 係連虛寒問暖都係無
3個讚
問我借幾萬蚊做手術 （基於想尊重佢嘅私隱我都冇過問係做乜嘢手術）
之後佢向social media po自己買名牌手袋 買樓都無還過一蚊俾我
我同佢講 到我等錢洗 佢先分期還
自己想換手機
朋友話佢張信用咭有俾某店嘅coupon 佢自己用唔著 就話可以幫我碌卡用咗佢啲coupon 唔會收我coupon錢
點知 碌完卡之後先話原來啲coupon係無俾佢張卡
佢睇錯
咁我俾返個手機錢in full in cash佢 然後佢又賺曬我啲積分… 佢平日好精明 玩信用咭玩得好精 都幾覺得佢唔會睇錯
咪就係
最搞笑過咗幾年
佢想轉工
佢知道我識得佢想去果間公司嘅同事
叫我幫手介紹下
我就hea咗佢
好彩有件咁嘅事發生過
唔係就介紹咗件極品累人
其實我都知而家結婚好多人唔會比返相人，但嗰條女催我，但佢自己結婚後唔比返相我就比我記到而家
當然冇聯絡啦
結婚既事上, 都聽過好多雙重標準。
eg A 同B 兩個係同事, 前後分別隔三個月結婚, A 結婚時請B, B 有去飲啦。到B結婚請 A 去, A 就以紅事相沖為由拒絕出席, 事後B 覺得自己去飲A 果餐, 好似蝕左。
老公識得兩兄弟同哥哥係好熟，同弟弟只係一般，
我地結婚老公只請哥哥無請細佬，點知佢地兩公
婆不請自來黎都唔緊要照做人情都 ok 但佢地兩
公婆只比二百蚊人情。當自己去酒樓食？？呢樣
嘢真係可以比我講足一世。
我都有啲咁嘅朋友，又係成日帶個女出嚟，然後就除兩份，明明佢個女食量大過我咁多！
同佢去日本，last min帶埋個女去，食乜都除二！
不過已經係N年前的事！
請飲冇收到請柬就唔駛比啦
2個讚
確定佢真係朋友？
你太好人，我唔會當呢d人係朋友
啱呀 日本餐廳日本規矩 自己找自己數 
(勁搵笨啦 壽司店細路仲大食過大人)