唱K唔飲酒都要夾酒錢
1個讚
得呀，叫佢俾返啲積分你先。
大陸人最鍾意帶埋啲九唔搭八人出嚟食飯
你唔算慘，我有一個小學同學，出嚟唱 K 冇錢唔出聲，帶埋女友、女友阿哥、及女友阿哥女友，唱完先話四個人都冇錢，叫我出住先有先俾番我。我就鬧你冇錢唔早講，我一定有帶咁多錢喺身㗎? 佢性格同王青霞好似，由朝到晚都吹水作大 
3個讚
真係好老土
哈哈我好彩冇呢D’朋友’
不過有次舊同事s出來食飯，有個帶埋佢對仔女話冇人睇住 (佢哋唔係小朋友係中學生
) 問我哋介唔介意 咁都嚟咗唔通叫佢哋走咩
其實都一人一個餐(佢個女仲食咗兩個餐) 最後佢話唔好計小朋友啦就咁除大人
我哋個個都一人一句話佢你痴線咩，計自己個餐咪得囉，你4個餐呀你！
佢好嬲話我哋咁小家唔請小朋友
5個讚
我一定會寸返佢, 又唔係我搞大你個肚, 點解要請你D仔女
9個讚
我都識人成日出街唔帶錢，又遲到又盛，比我補佢再疏遠
呢啲人要當面爆先得，你哋好型
6個讚
N年前係教會團契，突然有對男女嚟左，無幾耐就話結婚，成個團契好多人就好熱心幫手，我同老公就覺得唔對路，就無involve係事到，總之最後有人幫手唱詩搞流程去埋飲，最後當然結咗婚就無左影。之後冇人敢再提。
做人過得人過得自己，cheap 到咁唔怕比人唱？
有對男女結婚無幾耐分開
我都諗起一件有關教會既事, 本來我同三個舊同學係fd, 有定時出黎食飯, 咁我地都無信教, 跟住同學A 突然入左教會, 咁我地都尊重佢既信仰, 佢受洗我地都有去睇佢受洗。
跟住同學A 就好積極想拉我地三個番教會, 我地都已經借d 意唔去, 點知同學A 就呃我地約我地三個去行山, 約定邊日下午幾點響乜乜山上面等咁。
去到約定左果日既朝早, 同學A 突然自己走去搵同學B (佢地住得好近), 話原來果日下午行山係佢地教會活動, 要求同學B先俾錢贊助活動。
之後我同同學C 去到現場先知原來係教會活動, 上到山原來都係一齊唱佢地d 歌, 聽佢地講道, 同佢地影活動合照, 山就無咩行過, 同佢地圍威喂兩個鐘先走得, 感覺好差, 覺得俾人呃同搵笨。
自此以後, 我地都開始提防同疏遠同學A。
1個讚
睇到呢句唸起n年前，有位識於微時嘅朋友做傳銷做上腦。
有次佢約我下午茶去coffee shop，
去到先知係傳銷講座。
我即刻板起塊面，極不合作態度。
另一次佢約我食晚飯，到差唔多時間佢話未走得，上佢公司坐一陣。
我個陣初出茅廬，唔識推，同埋唸住之前擺明亦講明唔會買佢啲傳銷產品，坐幾分鐘應該冇嘢，
點知一上去，佢上司即刻勁sell，朋友仲要加把口，都係百零二百蚊，又唔係俾唔起，唔係咁都唔幫我買呀嘛。
我買咗，亦都唔記得之後有冇去食飯。
唯一肯定個次之後，我就冇單獨同佢出去。
就算佢偶爾WhatsApp 我，我都係hae答。
講起都有啲唏噓。
1個讚
人生百態
講起我都有類似經歷，大學時宿舍有個師姐搞免費化妝班，參加時先知道佢係做傳銷嘅，但當時佢都冇sell野。後來佢私下約我，話佢準備咗一個presentation想事前搵人幫手聽下有冇咩問題。當時太傻，又覺得上左個免費班受左人恩惠，就應承左。點知個presentation根本就係為我而設sell我買野
，而家諗番細個真係有戒心
分享兩個唔知算唔算：
細個同同學搭巴士，佢出名係慳妹嚟，準備上車前大家都拎定散紙（無八達通的年代），然後慳妹就話叫我俾散紙佢，佢一次過入埋，點知準備上樓上坐時，司機好大聲叫住我地兩個，話我地差幾膏子未俾（我好肯定自己俾夠），司機唔肯開車 + 全車人望住我地，佢先死死地氣入返
後尾我先知依個同學坐車時都專登俾一大堆散子，務求司機一時間數唔切，就會慳返幾膏。
媽媽谷一班媽媽為小朋友攪生日會（全部都同年同月），大家會夾錢叫到會及買靚蛋糕，點知有個媽媽就話佢一家都唔食嘅（蛋糕又話敏感，到會又話依個餸嗰個餸唔食嘅），叫我地唔好計佢錢，但佢就會照享用個蛋糕嚟影相…
你算好，起碼有還，當年我年少無知，借晒副身家比我自認嘅好朋友，佢去歐洲都唔還錢，咁多年嚟都唔還，已經唔再係朋友。
好心啦、又唔係夾得多
1個讚
仲有冇聯絡？而家係咪發咗