同呢個朋友都識咗十年以上都熟，但朋友係好畏首畏尾性格，好怕改變，佢係連見工都唔敢去果種人，佢老公結婚前幾年試過同佢分開試過追第二個，朋友係喊住係咁求個男人同返佢一齊………
呢幾年佢有同我地班朋友呻夫妻關係好差，老公成日對住佢呼呼喝喝，又好冷淡生日都冇件事，我哋有叫佢離婚，佢話一定會嚇死仔女，又話平時仔女淨係聽爸爸講，朝早又係爸爸湊返學，離婚唔知點搞
呢傢係見住朋友老公拖實個女人喺街到行，仲要係佢地住果區，我先生話男人咁做得擺明係唔怕比人知，應該都係特登唔想自己開口離婚等個女人出聲
呢傢掙扎位係，如果朋友真係唔知，講出嚟就好傷佢，以我識佢咁多年應該都係可以唔知最好呢世都唔知。
我覺得我朋友可能都會知道但唔出聲，如果係咁佢就連同人呻嘅機會都冇，可能自己屈埋屈埋癲咗⋯⋯
我又唔敢同其他共同朋友商量，唔知大家係知道唔出聲定真係唔知，驚唱開咗。
試下講下明星八掛出軌嘢，睇下佢乜反應
個男人未必想離婚，想齊人之福多個人湊仔多啲
好似唔講好d
可能已經知道，不過自己選擇繼續忍耐
唔講好啲
知同唔知，佢都唔會離婚
唔講好過講
同埋夫妻關係呢啲野，外人不宜插咀
我都幾肯定如果個男人開口同佢講我呢傢擺明第二個傢啦，你一係忍一係離婚，佢都應該會忍
我先生話我朋友一早選擇咗自己嘅人生，老公都係佢自己簡，就算佢有日真係痴咗線，身邊人係冇任何嘅嘢可以做到幫到
我都唔會講，你講左，即刺穿最後一層薄紗，到時佢未必知點面對你，係好ridiculous, 點解唔識面對你，但女人（或佢呢類女人）就係咁
唔講
呢種女人覺得個男人識返屋企就得
唔講，但關心佢多d
例如氹佢出嚟做嘢
提佢黎緊經濟差要睇一睇儲蓄，為仔女打算下
暗示下見邊個離婚後生活仲精彩有返自信，仔女仲proud of 媽媽呢d
希望嗰日到，佢都叫有d準備…
多謝你比呢個方向我
你講完之後小心你朋友憎死你，好多個案都係呢個結局，永遠都冇朋友做 
咁就唔講啦，知道嘅話仲慘過依家，不過可能佢自己都感覺到都唔出奇。
篤爆左佢自欺欺人
唔講啦
佢哋夫妻本身就係有問題，外人就唔好再叉隻腳埋去啦
唔會講，但會比佢知道如果佢有咩事一定會撐佢
絕對認同你講法。
唔講…
要知嘅你朋友遲早會知…你無謂做丑人
你個case都了解你朋友就算知都唔會離婚/唔可以冇咗個老公 - 就唔好講了 (而好大機會其實佢都知道)
我之前個case; 朋友好獨立 所以我選擇講
但佢唔信我，話我亂up /認錯人之類，最後嬲埋冇聯絡了
你想迫你朋友離婚就講, 因為拆穿件事會撕毀佢於朋友間的面子, 但你比人hard time就預左人地疏遠你.
你想佢自己決定就扮唔知.
我意見朋友間不干涉別人私人決定.
會唔會架其實？
我又諗朋友會唔會憎死我如果發現我知但唔話佢知？
雖然可能會話「唔好比佢知道我知」
但係……
人生交叉點
我都覺得唔應該講。不過如果夠fd可以試探下話如果自己老公出軌應該點好，睇下佢咩諗法。