我覺得「嬲咗你」係個情緒發洩位，要怪人人地講唔講都會怪
你講實話就怪你：點解你要話我知？
你瞞住就怪你：點解你唔一早講，搞到全世界都知得我一個唔知成個傻仔咁！
當然思想成熟嘅人係唔會咁諗。
3個讚
局外人都係唔好講好D，不過就要死忍到永遠，就算有日佢地分開左都唔好懶叻咁話"其實一早已經見你老公乜乜乜"果D呢 
同意樓上話多D關心佢，做個會響佢身邊既朋友等有咩事佢識得搵你。
2個讚
我會睇, 究竟我同呢個朋友關係有幾CLOSE
如果係好好朋友, 好姐妹, 我會講, 唔講我覺得對唔住我自己, 對唔住我好姐妹, 那怕最後會無左個朋友.
我過唔到自己良心~ 或者係, 我控制唔到我把口, 因為實在唔想好姐妹被騙.
如果關係一般, 咁我會唔講
1個讚
真，樓主要練定啲戲
如果朋友訴苦，點樣扮「啱啱知」
我朋友試過。佢老公見到我即刻同個女仔本能地彈開。我選擇無講比朋友知，但我覺得佢係知，因為佢嗰一排好唔開心。
而家佢哋好恩愛。
後生十零廿歲我唔敢講，依家大個係成人，我應承左親朋友守秘密，我真係做到守口如瓶。雖然事後有人知我早知悉頗有微言，但喺佢心入面會覺得，最守得秘密及有誠信就係我，所以睇你想做邊種人而已。
當然，呢類問題女性比較難守口如瓶，男性見到一般都當冇見過多，兩性性格係不同 
如果係fd我都會講不過我係自私嘅，我係諗我自己，我做唔到明明唔係我做錯事，但我要幫人守秘密成世（假設佢成世唔知），我諗我每次見佢內心都會過唔去，所以我會選擇講。
不過就唔會一野就爆出嚟，應該會遂步同佢講，同埋講得都預咗佢可能會嬲咗我，咁依啲就係佢選擇喇。
衡量返你朋友知道結果之後會唔會作出決定。
假如講咗，佢仍然留戀喺呢個虛假嘅comfort zone唔願改變，但又會戚戚焉的話，屈住遲早變抑鬱，又何必要佢接受現實？
既然佢兩公婆早期都出現過婚姻危機，佢用咗自己能力挽救到呢段關係，勉強地繼續同呢個男人繼續共存落去，你估佢唔知瞓喺佢身邊呢個男人嘅底子有幾壞有幾賤咩？只係知，唔願醒啫。
將自己唔願面對嘅問題，推咗落小朋友仲細，怕接受唔到變單親嘅，其實係大人一廂情願覺得細路仔承受唔到轉變，唔通貌合神離嘅父母，作為子女嘅⋯就算得只係4、5歲嘅小朋友都唔會sense 到咩～
所以，佢怕變就由佢將自己困返喺佢一手建立嘅家庭幻境度啦，苟且咁陪住小朋友成長可能對佢嚟講容易得多。
1個讚
如果你知道但你到死果日都冇同任何人講過，咁你朋友又點會知道你一早就發現佢老公出軌呢？
同意! 呢個先係重點, 反正講完朋友九成都唔會醒, 可能仲更加唔開心, 覺得響樓主面前無面。
不如一直扮唔知好過, 等個天決定幾時俾佢知道。
3個讚
死守的秘密
係既，應該唔好插手
咁向我眼中我又唔覺得係秘密，只係唔係任何我所知嘅事都要同人分享咁解
你講中哂，佢就係咁
YEAH~ 我同你諗法就係一樣
同埋, 可能我無遇過呢D 朋友 但… 我唔係好明, 我講事實比佢知, 點解佢要嬲我…
換著係我, 以我性格…係被出軌果個當事人, 如果有朋友話我知, 我好可能會捉住呢位知情既朋友作為訴苦對象
有時未必係嬲，係面對唔到你。你好心話個壞消息佢知，但佢卻選擇委曲求存，嘥咗你一片苦心
3個讚
我都會傾向唔會講。
同埋你話你朋友性格怕事，就算知道都只會死頂。
做人講真話會冇晒朋友
1個讚
如果講，最好有證據，雖然心痛，但點都好過一世都唔知
多啲陪你朋友出去行下街、散心⋯⋯
唔講，因為講咗對你朋友冇乜幫助及作用
1個讚
講咗又點 可能人哋一早就知