今晚我姑媽打電話嚟, 同我講小朋友向佢講, 用左我叔叔比嘅錢其中一大部份 (叔叔比左 $5000, 小朋友用左$4000).
話說原來我叔叔係小朋友五年班果陣, 比左$5000佢買手機, 但呢件事一直冇人知. 而家小朋友讀緊F.1, 尋日姑媽去同小朋友食lunch時, 小朋友自爆呢件事.
姑媽話小朋友已表示知錯, 但除左姑媽之外, 佢唔想比其他人知呢件事(包括我呢個阿媽)
姑媽話同我"備定案" , 多d關心小朋友
平時小朋友係我地面前, 都冇話要買呢樣果樣, 所以我地都唔知果$4000佢用左係邊. 小朋友上左中學都好比心機讀書, 成績尚可, 同其他同學關係ok
我覺得呢件事, 遲早會比叔叔同公公婆婆知道
請問我應該點做呢?
1個讚
同問錯係邊, 阿叔比錢自己洗, 又唔係呃唔係偷,
因為拎左去買手機所以錯?
啲錢係叔叔比小朋友買電話,但小朋友冇買,而係唔知用晒啲錢向邊
我理解係咁
4個讚
係咪叔叔話過$5000只用來買手機,但小朋友私底下用咗$4000去其他地方?
我都唔知有冇理解錯,無啦啦比一大舊錢一個9歲小朋友,expect 佢識抵抗誘惑就咁買部電話。事前有冇人教育過點解要買電話,買咩功能嘅電話,幾時用等等。咁細個小朋友其實係咪未ready自己用咁多錢買,係咪應該大人陪住一齊買呢?
仲要好似冇其他大人知道呢個小朋友有咁大筆錢喺手,真係好大誘惑。
到小朋友用左$4000 ,就怪責佢
問心,大人面對到同樣嘅誘惑咩
喺街見到$5000,係咪真係個個都拎去差館
其實咁樣好好玩咩…
同d人揾個索女試下自己男友老公忠誠一樣,出咗事又喊又呻世上無唔食魚嘅貓,好無謂
8個讚
我諗問題反而係點解叔叔會喺小朋友父母唔知嘅情況下俾$5000呢筆咁大嘅錢?如果因為小朋友想買手提電話都應該係個大人陪小朋友去買,$5000對五年級小朋友嚟講真係幾大數字,應該係有大人引導下運用
7個讚
就咁睇似係個侄同阿叔講想買手機,
但正常情況下,阿叔唔係應該叫返個侄問父母攞錢買咩?
1個讚
我都覺得係叔叔問題大啲
就算比幾十蚊小朋友、都應該問過小朋友家長,呢個係一個尊重
反而我之前聽到朋友話自己小朋友偷佢錢去買點數咭,呢啲就真係嚴重
4個讚
呢個都係問題
但如果叔叔講明啲錢係買電話用,而小朋友冇買電話又用晒啲錢,咁小朋友都有唔啱
如果唔糾正呢個行為,以後佢就會覺得比咗佢嘅錢佢鍾意點用都得,例如比錢佢買教科書,佢會唔會又偷偷地用咗啲錢而唔買書呢
叔叔有冇問題都好,都冇得管教叔叔,但就可以管教番自己子女,教導番對錢嘅觀念,同誠實嘅行為
5個讚
小朋友慘d, 又唔係偷野,俾人話錯
同意呀叔問題大d, 又唔同呀媽講,小朋友咁細未識好好用錢
1個讚
錯係邊到?
叔叔比錢佢佢唔買電話係佢選擇
你唔想比佢知你知
咁咪叫姑媽下次問佢佢洗左去邊囉
問清楚先判定佢有冇錯喇
1個讚
因為我睇到個問題係
叔叔唔尊重小朋友嘅家長
咁樣比得錢小朋友,表面上係錫小朋友所以比錢你買嘢,但實際上可能有個意思係:「我唔比錢你買,你阿媽邊會比錢你/邊有能力比錢你。」,唔多唔少有啲係小朋友面前眨低家長嘅成份
我覺得相比小朋友唔出聲用咗啲錢,叔叔點解有呢個行為我覺得要揾出原因(尤其係小朋友平日同叔叔相處時間都多嘅話)
不過明白只能管好自己個小朋友
3個讚
我細個試過 2-3 次
被親戚趁父母唔得閒,捉埋我一二角,塞幾千畀我
嗰陣個腦海係好亂:
- 父母教過唔可以收人地錢, 都唔可以收,要收都唔可以好開心咁收,畀人以為好貪錢
- 父母亦教過過門都係客,唔可以令客人唔開心
- 唔收錢嗰刻,親戚好嬲好惡,話以後都唔黎搵我地(小朋友思維,會相信)
- 收左錢申報畀父母,父母同親戚互相推推拉拉塞錢,然後我就畀人鬧
- 收左錢唔申報,畀人發現,我照樣畀人鬧
幾歲人仔,消化唔到咁多嘢,最後我都係被人鬧同打,年年喊到九彩,準時開年。
5個讚
好多元老長輩都係咁,自己想咁樣做就唔考慮對方父母同小朋友感受
叫到成檯都係食物,自己唔食,硬塞畀小朋友兇佢地食
父母家規唔可以,不斷慫恿遊說個小朋友,為搏小朋友歡心
有啲父母就唔敢拒絕對方,就將氣出係小朋友到,搞到最後成家都唔開心
唯有就係有耐性,同埋恆常教導,包容小朋友未成熟嘅思想同價值觀。
冇記錯樓主夫婿係小朋友好細個已經仙遊。
有機會叔叔知生活唔易過,
又唔知有咩可以幫手,
覺得小朋友高小開始要有電話,
就直接俾錢小朋友買手提電話。
小朋友既驚且喜,又怕阿媽知道後有負面反應,唔敢講。
呢件事大家都有做得唔好啲嘅地方,
但出發點有機會都係愛護對方。
試吓請姑媽幫手了解下啲錢點洗。
3年洗$4000,如果分開買下零食同同學仔食下雪糕等,都好快用晒。
買點數卡就小心留意同處理埋沉迷打機嘅事宜。
之後再同小朋友傾返可以點應對禮數、理財、母女關係等。
小朋友有唔啱,但情有可原,一個十歲小朋友第一次收咁重禮,係好大誘惑。
7個讚