唔好話人誰無過吖,我連個小朋友犯咗咩錯都講唔出…
1個讚
係, 而且小朋友一直都冇同我, 同埋公公婆婆講, 叔叔係佢小五時, 比左$5000佢買手機, 而佢而家又唔知幾時, 用左其中$4000. 但係唔知d錢用左去邊
明白了
其實我覺得你應該扮唔知
但搵機會「借題發揮」講下關於用錢用儲錢
叔叔俾、利是錢、父母俾，首先我哋應該點做?
- 如果係陌生人，應該唔好收
- 如果係親戚（強迫）下收，可以話比媽媽知，等媽媽幫你收好，到你有想買野既時候拎出黎用，如果係$500以下，媽媽唔介意你自己收好，但媽會希望知道，因為父母要回禮，要多謝人地！同埋如果太多錢，我哋會唔會唔好意思收呢？比佢思考下！
我哋有好多野想買，就算爸媽都一樣！但我哋係咪 需要 買？呢樣物品係唔係值得呢個價錢定係太貴？買完呢樣野我哋仲有冇錢淨？
始終唔細，係會想要有自己買野既時候！要教育用錢，同溝通最重要！
今次錢洗左唔緊要，但希望下次係大家都認為合理、清楚既情況下洗錢！
4個讚
係呀.
其實驚叔叔會以為我, 公公同婆婆知道, 佢比左$5000小朋友. 唔知道佢會唔會有一日同公公婆婆傾開計, 萬一提到呢$5000, 到時都驚小朋友覺得姑媽出賣佢, 到時真係唔知道公公婆婆會咩反應
係呀, 當然, 一方面可以話, d錢係長輩比小朋友嘅, 佢鍾意點用都得. 但另一方面, 我又驚係叔叔嘅諗法係, 佢對小朋友好, 可能會認為我呢個媽媽, 點解一句多謝都冇
我覺得你可以同叔叔私底下講呢件事先，叔叔比得錢小朋友買嘢都應該係錫佢嘅，小朋友唔懂事都好正常，叔叔應該唔會怪小朋友嘅
然後你叫叔叔借啲意問番小朋友，「上次比咗$5000你買咗邊款電話呀？」比個機會小朋友自白，然後叔叔就講話會將呢件事講番比父母知，咁樣成件事就係叔叔一個人處理，唔會知道係姑媽爆大鑊
至於公公婆婆，我覺得無需要比佢哋知，大家有共識唔向公公婆婆面前提起就得
2個讚
真係好老套, d 大人成日要"客氣", 自己推黎推去, 最後就搵唔識反抗既小朋友入手, 搞到仲複雜。大人恩怨大人了啦。
1個讚
一頭霧水
好少事姐，小朋友都係被動地收禮，先至有機會發生呢件事。不論佢當時有心定無心使錢，今日佢係有心隱瞞，係犯第二個錯，不妨借呢個機會教育佢，待人接物、理財概念、知錯能改呢幾個方向。佢有所經歷，你教佢佢應該會記得住。
如果諗住秋後算賬就無謂啦⋯⋯
經歷過亂洗錢，可能自始會知道珍惜同善用金錢。
姑媽好好，私底下提醒你。同埋叔叔都好善意，我估叔叔係咪無小朋友？未必留意到家長嘅考慮。
我會搵個機會輕輕鬆鬆向叔叔提起，原來小朋友當時無買到電話，同埋唔識理財所以用左，表達真係唔好意思，如果當時知道一定會帶佢去買，都要多謝返叔叔咁慷慨。
主動認，一定好過第時比叔叔自己發現原來收左錢又無買。
另外，會鼓勵小朋友主動向叔叔認錯，唔係天跌落嚟，無咩要瞞，人人都會有犯錯，無咩大不了，就算叔叔會怪責都要承受左佢。（我覺得主動認錯 叔叔9成9唔會嬲佢添啦，分分鐘仲意識到自己都有唔啱添，拋咁大個引誘比咁細個小朋友）
3個讚
係呀, 其實我個post, 標題話小朋友犯錯, 係因為佢自己同姑媽講, 覺得做錯啦. 我就覺得佢冇諗咁多, 又有可能好似上面其中一個會員留言, 我唔知叔叔會唔會嚇小朋友, 嚇佢如果唔收, 就點點點, 又或者叔叔同小朋友講, 比呢d錢佢買iphone, 等媽媽(我)唔洗生活得咁"掹掹緊"
所以佢兩個都冇錯, 不過我覺得話晒係長輩, 其實我同佢唔係成日聯絡, 唔鍾意同佢有d咩錢銀瓜葛. 而家變左我覺得好似欠左佢咁. 真係"冇啦啦整達啦"
尋晚同個朋友傾完, 結論係, 我打算唔同小朋友講, 自己比返$5000叔叔
我都覺得叔叔問題大喎。
如果我侄仔同我講佢想買手機，我會話你應該同父母講；如果我想資助佢，我都會將啲錢直接比父母，而唔係比個咁細嘅小朋友。
老人家知道又會有乜問題？
d老人家見親細路，都成日塞張紅衫魚。一個月見幾次，塞塞埋埋一年都幾千蚊。佢地唔會理d細路用d錢做乜架。
最後我直接問小朋友, 係咪收左叔叔d錢. 佢話有$8000 
侉用左$4000去課金打機, 另外用左d請同學食嘢.
小朋友話唔會再課金打機, 我話叔叔賺錢好辛苦 (叔叔仲有做嘢, 份工都叫收入唔錯, 佢係孤家寡人) 叫佢儲起d錢
你好叻，親子關係建立得好好，小朋友願意對你坦白
經一事長一智，小朋友應該學識點珍惜金錢㗎啦
既然叔叔無經濟負擔，係咪唔需要俾返／全部俾返佢？
你生活都唔易啊…
好搞笑, 呀叔比左5000蚊佢, 叫佢買手機, 咁呀叔後面有冇follow up 小朋友係咪真係買左手機.
如果就咁比舊錢叫佢 “買手機”, 可能等如比錢佢買下野.
如果真係需要買手機, 咁點解呀叔唔直接幫佢買, 或者同小朋友一齊去買
其實直接俾8000一個小五學生都怪。正路都同佢一齊買。
不過我覺得都係小事仲要過左咁多年。
1個讚
果然無估錯，大家唔好再怪阿闊佬叔唔識處理喇
下次叫小朋友同叔叔講，媽咪都想換手機、洗衣機、冷氣機，睇下佢地咩反應
其實好小事，但每件事都有學習嘅地方
叔叔角度：可能想小朋友開心（當生日咁），俾錢小朋友買手機，是一種心意。
小朋友角度：收咗禮物，未有理財觀念當下覺得課金同朋友玩開心啲。
其實同小朋友/叔叔解釋返，收到嘢/送嘢要同你講，成件事就會唔同。
2個讚
該主題在最後一個回覆創建後180天后自動關閉。不再允許新的回覆。