嚟咗英國就快三年，有份長工唔算辛苦時間好，不過覺得自己係外人身份呢個感覺愈來愈強烈，同事表面冇嘢，但係佢地一傾公司或同事野就好明顯會isolate我，問到佢地都係敷衍我兩句，之後又係佢地圍埋一堆傾，其實on and off都有因為咁影響心情
做過幾份工後，對英國人嘅好感愈降愈低，有時會諗將來日子喺度過退休生活會點呢？但香港又真的回不去了，愈來愈癲，愈來愈智障⋯⋯
好似有種進退兩難，前路茫茫嘅感覺
1個讚
我相信好多人都面對同樣問題，我亦不例外，唔開心係有，正常吧？！惟有同自己講捱多幾年待小朋友升晒上中學，就自由身，唔鍾意份工咪轉工囉…坦白講，四十幾歲人要融入英國係有難度…除了融入的問題，我還面對緊一位teammate 對我講嘢語氣特別rude和串串共, 另外一位就明知個accounts我跟，但收到料又唔forward比我，我不知情走去問個客，場面尷尬…佢哋好明顯就唔鍾意我囉
1個讚
我工作上都一樣面對緊同樣情況，同同事相處點都係格格不入，好人嘅同事就表面功夫做足啲，唔好人嘅對我語氣極rude, 亦曾經俾同事跣過，有口難言
如果太唔開心太難頂就轉工，不過老實呢度啲人都係咁上下，轉另一份做落情況可能都係一樣
冇得諗咁多，忍耐吓最緊要搞掂入藉，之後再決定條路點行
1個讚
一直面對soft bullying，我覺得自己有少少depression，同老公呻下，佢反過來怪我易俾人恰，而家喺佢面前都唔想再講太多，屈埋屈埋情緒好差
我都明，一日對8個鐘，有好既同事真係天淵之別
之前(響香港
) 都有同事係咁搞小圈子
跟住每日同自己講，同事姐 唔理咪算，自己一個人做嘢仲好
但之後轉咗另一份工，D 同事正常好多，先知原來工作都可以開心既
所以你頂唔順就轉過一份工作啦，雖然衰同事周圍都有，或者有更好呢！
1個讚
Delete
我都有咁嘅感覺，進退兩難，我唔敢轉工，因為機會成本好高，出面我又覺得差冇幾，我D同事又一定走得快過我。同埋我排緊talking therapy，想聽下本地人嘅意見點處理culture barriers
我公司同事有個group係同事生日正日會有一個admin出message通知大家邊個生日，呢兩年個admin特登係我正日唔講，之後先同同事講唔記得，今年有同事第二日係group度打翻我生日，我照大方地多謝大家我個生日可以extended，都有啲同事係group出聲串返個admin。
如果講自己我會覺得係culture barriers同language barriers，有時表達唔到自己，我自己做咗啲改變
- 主動笑多啲、主動啲同佢哋打招呼、傾計，有啲係唔彩你，好老土，不過一定有D會傾到下計，特別係印度人、巴基斯坦都係ok，意大利人都ok好傾
- 都係做嘢主動D
- 其實佢哋係鍾意溝通
3個讚
其實係工作問題，轉工咪得
呢期我開始問自己：邊度先係我屋企？好似冇咗個屋企，返唔到屋企，而家呢度又係唔係我屋企？
除咗工作之外 咁其他生活上有冇問題先
1個讚
有日我公司有舊同事lunch time返嚟探班，同事特登冇通知我，佢地約咗係公司門外見，我一個人on居居係dining area食lunch先發現一個人都冇，夠鐘返入去做野一直都唔見其他同事，過咗半個鐘有多佢地先返嚟，又好特登同我講阿邊個返咗嚟呀，我地會約出去飲嘢，唔介意你都可以嚟㗎，嗰刻我勁難受，擺明唔預我但又要特登俾我知
我都唔識分呢啲係barrier定bully，總之就係要刻意令我難堪
近排我都好強烈有種這裡不是我家嘅感受
我公司全部本地英國人
之前有個替假同事嚟做，佢同全部人打招呼，唯獨ignore我，我照每日返工同佢打照呼，佢都係好冷淡唔彩我，直到佢完替假嗰日依然當我係隱形咁
到佢第二次嚟替假，佢態度依舊，我就決定我想同佢打招呼嗰日先會打，因為堅持落去都冇意思，佢根本就係歧視
我儘量唔去諗呢啲係歧視，想自己好過啲，但唔諗唔代表唔存在
Exactly what I thought!
我全team都係英國人，得嗰個admin係非洲移民後代，都係一個麻煩人，佢係冇乜應我㗎，所以我都冇理佢。後嚟佢調左team，請左另一個admin，個人好開朗，重會主動搵我傾計。
我會覺得呢啲人冇乜見過世面先至咁樣，反而有啲好高層會主動同人打招呼，好大對比
1個讚
其實唔去可能大家仲舒服，好多時都唔知佢哋傾乜。
個舊同事你識唔識㗎？如果係咁嘅情況，你會唔會考慮轉工？唔好同D小學雞一齊
我在澳洲，不是Sydney Melbourne ，白人區域，工作地方100人，只有我一個亞洲人。
工作上，有好同事，也有啲我覺得有種族歧視。但，無論點，永遠只限於工作上溝通。我英文ok，ielts 8.5，但當佢地在staff common area 吹水， 講得好快而我又唔知context ，會覺得難get 到。重點是，他們吹水不會看我不會gesture 上想讓我加入。
我唔覺得我會識到朋友，工作上唔好歧視已經好好。
我已經PR ，等citizenship 後，我可能返香港。2年的生活，令我覺得，我不會融入到呢度。
3個讚
以前在香港工作，我只有一個同事外國人，佢坐我旁邊十年，佢也有覺得大家唔理佢，大家講嘢明明可以用英文，但用中文所以佢join 唔到。
我覺得我而家情況似佢。我認為同事不是bully 我，融入唔到，同文化有關，講的話題(AFL/ 新聞）有關。也同我是Chinese 有關。他們真的不喜歡Chinese ，Japanese Korean Indian 也比Chinese 地位高。
我會唔開心，但我需要份工，我需要$，而我知道，我要轉工的話，一來難搵，二來，個情況也是差不多，所以，我告訴自己，目標明確，準時收工。
3個讚
工作上做到嘢佢哋又會好啲，會respect
係㗎，唔去大家仲自在
個舊同事係我地前上司，大家都識除咗個新同事，嗰日連新同事都有一齊出去，只係單單冇叫我
我會開始搵工，不過我住個town係住宅區。唔多工作選擇，我唔敢貿貿然走，怕唔知要搵幾耐先搵到
我工作表現ok ，所以工作上交流，99%正常。但工作以外，冇乜溝通可言，hi how are you ? Good. 完
1個讚