可能我返學校工,由day 1開始已經覺得D同事幾好人,又肯教我做嘢,仲教埋我咩位可以蛇下咁
多數都係D老師學生同我主動打招呼,我由開頭唔多識應對到而家開始同佢地多咗交流
感覺都幾有趣
暫時覺得英國人無傳說中咁廢,好多人都好勤力做嘢
當然同香港果隻執輸行頭慘過敗家嘅態度仲有段距離 
1個讚
有啲見我做到嘢，唔係hea ，多咗傾計，會講下自己嘢，Hi how are you? Good完之後講下自己嘢，比如周末去咗邊度
掉轉睇, 公司有位同事冇咩共同話題, 平時冇咩聊天吹水, 關係只係普通同事, 但佢又想一齊食lunch講百卦, 真係有點尷尬呢.
無謂在公司內講是非, 識西方文化的朋友要靠吸引力識聊天, 唔係靠安全感分享百卦.
我覺得唔好諗歧視先
正如喺香港有個外籍人士同事
你都唔會當佢普通同事相處
有D野你又怕佢聽唔明, 時事/軼事/習慣/文化又怕你答唔到咀, 又可能怕唔小心講錯野踩到你某D禁忌. 所以有距離感係正常
想好似普通同事咁相處真係難D, 特別係香港人比較內斂. 要主動搵人吹水, 自己先真誠同對方相處, 咁先會多D溝通. 同埋要睇多D電視同新聞, 知多D話題同了解當地文化.
3個讚
我係香港同英國都係做開外資公司
不嬲都係自己國家既人會自己圍爐
大家做野方面無問題就ok
唔好太強求太上心
1個讚
唔排除點都有啲，佢地對Chinese普遍係有bias，對Japanese Korean印象好好多，香港人係佢地眼中就係Chinese
我隣居中東人係英國2x年，專業人士，大學客席講師，傾開大家係英國曾經遇到嘅情況，佢有幾次講唔想話racist but…大家心照
係大部分人都有，不分國籍，我覺得佢哋有唔好嘅經驗先會咁，我哋自己明白咩一回事
3個讚
要拖長吹水的時間再加一點fun, 太簡短會令人覺得你唔想同佢講野唔友善.
1個讚
Who?I don’t know her/him. But thx for asking, I think I can give it a miss
越做就越要比佢哋睇I don’t give a shit
我冇hard feeling架你以為isolate我好叻咩？
「哦，好叻叻啊」
係邊度公司都有仆街，暫時你未遇到唔仆街
但相信有好人既！認同樓上佢哋鍾意吹水，乜都講一餐講好耐，我地香港人冇咩呢啲習慣
如果真係影響心情，我都覺得要搵第二份工
始終人離鄉賤，唔係習慣既地方本身就會有好多新問題，太多問題影響到心情就應該解決。
how is yr weekend?
千祈唔好咁諗
我比較好彩，公司本身已有香港人，加上老細阿哥又係香港，佢本身鐘意請香港人（有次講起買屋，我問下佢地有無唔鐘意香港人搶貴左啲屋，佢反而話好多謝個香港人買左間佢放左好耐都放唔到嘅flat
)，其他鬼又因為搭順風車關係熟多幾個，其他就傾下小朋友老細衰野最近都熟埋，感覺返工開心架！同埋公司culture係要懶係尊重每個種族，所以so far無歧視感覺
反而，尋日阿女話佢best friend下星期生日，佢best friend話好想請佢但佢爸爸唔鐘意chinese…雖然佢同阿女講晒對唔住但我個心都唔多舒服…第一次感受到被歧視
2個讚
咁慘嘅？我喺昆省，但感覺又不一樣。
公司大部份白人，有一個半個印度、幾個新幾內亞，我係唯一Asian 。之前有個馬來西亞華人男同事，佢覺得某啲人歧視，有啲人又成日老點佢所以唔開心走咗。但我做咗差唔多一年， 覺得佢哋人幾好， 可能因為我係女仔喇。全部人都會打招呼, 唔覺得佢歧視，因為係犯法。
對比英國好唔同。細個喺英國長大，有啲人歧視，有啲覺得同你冇乜共同話題唔會點特別同你傾偈。但澳洲人說話太多，好叻打破沉默。我都好慶幸自己嚟咗澳洲而唔係返咗去英國。不過如果學識喺英國生存，生活都可以好快樂嘅。
好明你講咩、始終都係格格不入、老土講同屋企人一齊既地方就係我屋企、將來無人知、係現階段我都會努力係度生活
我都遇過差唔多、都驚因為咁影響小朋友、但真係無辦法、可能英文問題約出嚟都唔知講咩、但小朋友係好fd 既好想一齊玩
X2 講good即係講bye bye冇分別，
It could’ve been better
對方禮貌上都問你why, 咁就可以下一句
我都係咁諗，同屋企人一齊努力係度生活，學習欣賞呢度嘅好，同時嘗試了解呢度啲人係點樣，觀察佢哋，改變下自己
我地係hker 呀
老土一句，
何處安心是吾家。
家人平安齊整，我就會當個度屋企。
最近番左鄉港探親，鄉港都變左唔少。
留低嘅人可能都有差唔多嘅問題。
職場上，有工做、工作有前景我已經感恩，
能否融入係其次。
我哋講周星馳爛gag佢都唔會get，
所以我都唔期望自己可以加入佢哋啲small talk是非圈。
佢哋偶爾include我就會去聽下陪笑下，
唔include就可以抖下回下氣。
（係度乜都要自己打理，真心攰。個個星期啲家務輪住做，有時間都想發展下自己興趣多於吹水）
如果真係好想融入，
我會想由興趣小組識朋友，
大家有共同話題容易吹水，又可以練下英文
1個讚
正常大部分人都唔識分，
一如西班牙、葡萄牙、Catalonia ，講起就知，唔講都以為係差唔多。
熟嘅有時間吹水就會解釋我哋唔一樣。
唔熟同之前唔會太見面我都會揀一笑置之。
3個讚