其實唔同年齡有唔同嘅真心朋友
我早過我當年最好嘅同學1x年生仔，個陣大家都好後生，成日幾個同學放工出去食飯。我生左後幾年都好少出去，出去都要weekends
我最好嘅同學話我重色輕友，之後好少再約我，約都冇就我 weekend 出去。
我個陣都好傷心。
不過我而家終於自由，輪到佢地冇得出街，出街又要趕住返屋企。我會覺得佢地一把年紀先生同湊，好似重緊張定辛苦過我當年後生咁
大家保持電話聯絡算，有事都會幫忙嘅，始終識左咁多年
我細個時性格比較重視朋友/感情，自己拍拖結婚後都覺得朋友唔太重要，一黎時間少左，二黎 發現好多友誼都會被捨棄/無聲無息消失，還掂遲早都淡，唔駛太看重
可能因為細個時較花心思/時間係好朋友身上，生日/結婚我又會好大方請食飯+送禮，而家諗起d 消失的好朋友，都會覺得唏噓，睇返亦覺得細個好憨居
而家結左婚雖然冇小朋友，但我上幾樣興趣班，放工又成日去做運動，所以都好忙，好朋友都係半年/大半年見1次（除左有個冇拍拖嘅，佢約我約得密，我又自然約佢密d
）
但如果果個好朋友大半年冇見，我都會約下，個group 入面有人生日通常都係我主動約生日飯（當然，唔熟嘅frds 我已全部淘汰，coz 時間有限）
朋友中無論係已婚冇小朋友，or 已婚有小朋友，都有人係有心維繫友誼，有人10日先覆機/直情消失
肯唔肯抽時間維繫友誼/重唔重視朋友，都係睇個人性格
我有個auntie就直接話「見朋友係浪費時間」，我諗代表左一部分人嘅諗法
所以我而家已經少左主動約。我心諗：我都好忙，主動約得多好煩，對方唔約下就唔好再見啦
我發現未結婚嘅frds, 一係就上好多興趣班，一係就有好多frds
亦有未結婚嘅frds 同我呻，好似未結婚嘅人就注定要成為友誼中被捨棄嘅一方
1個讚
睇到樓主個Post
突然好感慨，因為曾經比冇生小朋友嘅朋友咁樣話我，生完小朋友就唔得閒理佢，呢個世界得你一個忙咩。
我都冇解釋，因為知道點解釋佢都唔會明，笑笑口話下次就到時間出嚟我請你飲咖啡
5個讚
物以類聚, 人以群分
我對有小朋友嘅gathering就冇興趣, 反而狗仔聚會就啱啲
我寧願自己幾個朋友私下gathering好過
1個讚
你本身期待同朋友係點樣嘅一個約會？
幾個女人自己出嚟食飯傾計？
唔知你朋友係咩環境、但舟車勞頓返嚟、可能本身都有一大抽親戚朋友應酬、佢又可能唔忍要要個老公單拖湊小朋友、又或者就咁掉低小朋友屋企人會有微言
你朋友可能連自己都未關顧到，就未必能面面俱到諗埋你感受。
佢冇諗到你感受，或者真係如你所講有咗家庭冇再重視朋友，同樣你都未必百份百諗到佢個處境真係唔方便。
如果抱住「我咁忙我都抽時間見你，你唔出嚟即係重視我。」嘅心態，某程度上都係一種情緒勒索。
4個讚
樓主一開始咪話無問題, 係被區別對待同明顯不被重視唔開心, 樓主山長水遠去婚禮, 需要付出時間金錢, 仲要被樓上某人唔當一回事, 反而果位親手派帖人士就真心, 我真心覺得樓主慘, 樓主有話自己屋企有事未必黎到, 仲要俾人派帖, 都仲要係到俾人咁話法, 再次被認為樓主d時間唔係時間, 結婚生仔d人d時間先係時間
唔好有小朋友就一大堆藉口合理化自己係以自己為先的行為, 而樓主以自己為先時就冠以情緒勒索, 客觀d尊重所有人的時間
1個讚
其實我上面已經寫得好清楚
有小朋友，唔係個個都有隊兵幫手，好多時為咗照顧屋企人唔會得閒諗自己
自己都唔得閒諗，咁仲邊有時間去諗朋友？
重點係唔好你果d先係理由, 人地果d就情緒勒索
好同意「唔係結婚生仔d人d時間先係時間，客觀d尊重所有人的時間」
而家30幾歲，睇返周圍嘅人，唔單止有小朋友嘅人先忙，已婚冇小朋友or 未婚嘅人，都有唔同嘅狀況，自問自己嘅興趣班&做運動有時做少次都冇咩所謂。
但我見到有d 人屋企人有cancer/其他大病，放工後成日要去醫院照顧，亦有人份工好忙做到好夜，亦有人返工之餘仲搞緊生意/讀緊master，亦有人養幾隻寵物，隻狗突然病左好狼狽
難道只係半年/大半年/一年一次嘅聚會，佢地都應該被有bb嘅朋友話：未生bb唔明白有幾忙出唔到黎？
1個讚
係原因！其實都有好多人解釋咗點解佢朋友唔叫樓主，甚至有好多人無小朋友都唔想參加呢種gathering 。如果樓主仍然覺得不被重視嘅，就搵返d 互相尊重嘅朋友啦。友誼呢樣嘢合則來，不合則去。
3個讚
情緒勒索我一直係提緊呢句
「我咁忙我都抽時間見你，你唔出嚟即係重視我。」
聽到嘅人會覺得「如果我唔出嚟對方會開心」，「佢會嬲咗我所以我點都要抽時間配合佢，如果唔係就係對佢唔住」我覺得已經係情勒。
當然睇樓主所講，佢只係上嚟呻而唔係直接話佢朋友。
樓主將時間留返比可以同有能力互相尊重同配合嘅朋友就得。
約朋友，無論幾耐約一次、無論佢有冇小朋友，如果佢答唔得閒，咪話「咁我哋下次再約啦」，維繫到自然維繫到，維繫唔到就順其自然。
1個讚
所以呢度好多為人父母解釋緊俾你知囉，帶個bb 出街，真係好狼狽、輪盡，但因為自己親生嘅關係，都會開心嘅。除非你好鐘意人哋個bb，如果唔係，你只會見到到人哋食啖飯、講句嘢都有困難，我諗唔會達到quality time
你覺得半年、大半年、一年嘅聚會好難得，如果你問十個媽咪，我諗有9個話到俾你聽佢哋連照顧自己嘅時間都無。我未生前都唔明㗎，真係做咗人阿媽先明。所以有小朋友群返有小朋友嘅朋友好common, 因為佢哋互相明白。
3個讚
我諗友誼嘅嘢首先要調教個期望，人大咗無論有冇bb都好多嘢忙，唔見都唔代表話唔當對方係朋友，我知事實唔係咁，但我已經adjust到自己唔太care
唔知關唔關自己鍾意獨處事
4個讚
與其要解釋咁多，不如約返有小朋友嘅朋友，會叫做易理解彼此d，而且每個小朋友都唔同，需要照顧嘅心力都唔同，呢度又係一個好難解釋嘅位，上次阿邊個邊個個仔唔使點理架，點解你個仔咁麻煩嘅，咪又盞大家無癮
既然樓主咁重視quality time，可能平時係whatsapp group流露哂出來，既然明知你唔中意細路在場，唔約佢真係正常不過，佢朋友算好體諒佢，唔知樓主呻乜
3個讚
係囉，人大左有啲嘢在心中啦
我班sis都有兩個定居外國，佢哋都好幾年冇返過嚟香港了
其中一個早排返咗嚟幾日，我哋都想約見面，咁人哋返嚟唔係淨係見朋友架嘛，又要見下啲長老/親戚，又有啲私人嘢要攪，咁有時約唔啱時間見面都冇辦法，唔通咁樣就話人冇心做朋友咩
最後佢哋約咗食afternoon tea，果段時間好幾個sis都要返工去唔到（包括我要湊小朋友放學都去唔到），但見到佢哋影相知道佢過得好我都覺得開心啦，唔一定要食飯見面先算係朋友嘅
5個讚
答subject: 係
因為多D話題，最好係相同年紀既小朋友可以一齊玩
睇樓主個case, 我覺得朋友唔叫佢都情有可原，因為唔係普通餐廳gathering 而係迪士尼，一張飛係係$600幾？又要陪小朋友s ，我都唔會叫冇小朋友既朋友去
而樓主唔開心都理解，可能佢朋友問吓佢去唔去而唔係比樓主事後find out 到會好D
最後，大家都唔駛唔開心，做朋友既嘢都係隨緣，隨心
今日達唔到共識唔代表將來唔會
我有個好多年冇見既朋友又出現返我生活入面，世事就係咁
3個讚
呢樣又真係唔使替對方操心，$600對好多香港人等於$60. 真係 friend 想見嘅，幫對方出埋都少事
香港人洗錢好疏爽。外國返香港嘅香港人，除非有生意做老闆，計住 budget使錢
問題應該在於話題可能唔多
我會計住budget，又唔係幾千萬未開頭