好正常, 佢地去廸廸尼玩同過夜主要都係為小朋友,
你諗下你陪佢地過兩日一夜係陪細路, 你會唔會悶?
湊住小朋友去主題公園玩其實都未必傾到計.
我明白樓上講既野, 兩個家庭都係志在帶小朋友放電, 可能都怕樓主悶先唔叫佢
但係帶小朋友放電之餘都可以夜晚一齊食餐飯? 話晒佢都已經移居外國, 真係好難先見到, 而且一齊果個都係mutual friend。感覺朋友A 一樣唔珍惜呢段友誼
算啦樓主, 真係緣盡。反正你自己都覺得「呢d 只係bb gathering, 根本專注唔到同朋友傾計，唔係朋友之間嘅quality time」, 咁無得去, 都唔需要覺得可惜。
反而我想離題講呢樣, 我自己都好多大學同學/ 舊同事, 派完帖叫我去飲之後, 飲完佢果餐就無再聯絡, 有時人就係咁現實。
2個讚
真係好正常。之前做姊妹果班keep 到繼續聯絡嘅又有幾多個呢。所以請唔請去婚禮/飲，唔好太上心。人生不同階段重心不一嘛。我見我同事有時幾個人約埋去旅行，係好frd ga, 咁係因為當中有人仲未婚未有小朋友，有人有屋企人湊。所以呢啲嘢都唔需要太過份強求/在意
1個讚
如果好明顯係帶小朋友一齊嘅聯誼活動，可能真係唔會叫你，未必係唔當你係好朋友
[/quote]
如果你冇小朋友，唔預你都正常，呢個活動嘅目的係同小朋友玩，唔係大人聯誼，件事唔好睇咁自我中心
[/quote]
你岩！有左小朋友個世界就變咗得不一樣了。
外國住番黎為去豆腐潤Disneyland, 呢個朋友可以放棄亦唔可惜
絕對認同你講法
父母連食啖飯都有困難，唔好話講嘢。
3個讚
新開左frozen園區，講真我都想去玩
睇相好靚，我都想去
零興趣
係呀，而家覺得做姊妹呢樣野好無謂，根本唔係親姊妹但又講到姊妹咁親
我幫手做過姊妹嘅新娘 都係best friends, 但而家1年都只係見1-2次，有個新娘仲同個伴娘因小事絕交
所以我旅行結婚，唔駛搞姊姊呢d 無謂野
我都想去
有諗過今年復活節同小朋友去，但計過數都幾貴，最後決定去海洋公園，平一半以上
同埋本來諗住住海洋公園萬豪，但Messi嚟香港住富麗敦，即刻轉鈦
係，我有個讀書時好frd 嘅朋友，佢結婚前果1年， 我約佢幾次佢都明顯唔想出，淨係生日會出來
跟著，佢約我食飯派帖就好熱情。我一早話呢排屋企有事未必黎到，佢不斷熱情地話好想我來
佢婚禮擺club one, 我都俾左$2000人情
佢婚禮後，我冇再約佢（之前約佢幾次佢唔想出，我唔會再主動約），佢就冇再約我
佢係WhatsApp 話好多frds 佢都over 1-2年冇見，人大左懶得約
我心諗，既然朋友平時見唔見都冇所謂，點解婚禮又咁突然咁需要見
1個讚
如果你朋友知你背後咁諗佢，應該都會幾傷心。我以為做朋友唔係淨係結婚嘅時候飛過去一齊開心就叫好大付出，我以為做朋友係大家互相明白互相體諒。
佢一家人咁返嚟，做朋友應該體諒到佢唔再係做女嗰陣，就咁掉低老公仔女出嚟唔係容易嘅事。
IG 出post證明唔係背後特登唔約你，你都識講一家人，即係雙方嘅老公都在場，呢個擺到明就唔係 girls gathering 一齊 hang out，而係小朋友嘅 play date 。
成個trip 重點係小朋友一齊玩，兩邊父母壓力幾大，又要影相又要照顧小朋友食嘢去廁所等等，又要睇吓小朋友會唔會有情緒，或者兩邊小朋友會有拗撬呢啲好尷尬又要提防又要處理。
我有少少唔係好明點解你覺得佢少返香港就係冇心維繫，又或者 bb gathering 唔注重quality Time
你可以暫喺朋友角度幫你個朋友諗吓，成家人咁返嚟，點樣自己走去同朋友 quality time.
你另外有提到有個中學best friend結婚前一年好難約，派帖嗰陣就好想約你，你形容到佢好差。我唔知你結咗婚未，但我結婚前一年都好忙，我婚禮都已經Hea搞
有冇可能係因為佢結婚前一年好忙又要搞結婚搬屋又要處理自己工作等等，
但佢真心想你嚟先想親手派帖俾你
我覺得有啲傷感，因為我覺得真心朋友咁樣猜度其實冇乜意思。
5個讚
人大左覺得友誼既嘢睇開d，有生同冇生本身生活重心都唔同左，話題都好唔同。
4個讚
樓主放棄啦, 睇完樓上d回覆, 明顯無細路就活該係二等公民, 回來去主題公園玩樂比同你食餐飯更重要, 無細路就咩都要包容, 唔包容就係你小氣
我唔係諗友唔友情，反而我好怕朋友聚會啲人帶埋小朋友出嚟（唔計冇人湊嗰種，嗰啲我會體諒），我一定唔出席，好悶同煩，我心態係唔好預人哋想見你個小朋友先得㗎
5個讚
關咩事呀？生完bb 後朋友圈子唔同，好正常。人生有好多階段，升學、做嘢、拍拖、結婚、搬屋、生b 都有機會轉變你個圈子。有家庭後，尤其有bb 多數以家庭為先，唔好話朋友，同老公出去拍拖都難啦。無人叫樓主包容，亦無人話佢小氣，唔好喺度加鹽加醋。
10個讚
原全理解完全同意，可能因為我對別人的細路冇興趣。好怕個 d 夾硬要扮 cute 咁講你好得意呀，你幾歲呀。大人講野又插嘴 
除非一早講好係 bb gathering，咁會各自帶自己個 b b出黎，自己湊自己個個
2個讚