小朋友讀P.3, 比較內向無咩鬥心。現在讀緊私校happy school。當日揀讀係因為唔想小朋友太谷太填鴨式校育，希望佢可以培養靈活解困能力，有多點時間學樂器或其他活動。
讀了3年，學校唔會谷學生，要谷家長自行谷，有時會出現老師未教但要做功課。小朋友開始自律性，學習動力低，得過且過。我亦教到好累，有點氣餒，覺得學費是白俾。
我有計劃2-3年後離開香港。我應唔應該幫小朋友轉去區內2/3線津小算數？一來可以慳到10幾萬學費。
問下小朋友想唔想轉，因為佢都大個，如果佢唔想轉，你硬性幫佢轉校都好影響佢的學習。
你可以幫佢報插班，帶佢考試，參觀下學校，如果佢又鐘意就轉校
小朋友唔想轉，佢好鐘意間學校，好鐘意返學。
我每次同佢講：你再咁懶散落去，媽咪唔同你轉校，校長都會請你離開。
我咁講希望佢會有點學習動力，但佢只有失落，動力照舊。
會去邊？如果英國過到嚟會係year 6 or 7?
當日睇中呢間私校教學嘅優點，但無奈學校方針對唔靈活嘅小朋友唔太友善，我覺得算係揀左間唔啱小朋友嘅學校喇…
不過凡事無早知，起碼可以幫到你同小朋友諗跟住點樣行。
你2-3年後移民，小朋友都升中，呢2-3年點預備, 完全係睇你之後想點行。
外國中學vs HK中學分歧比小學更加大，好著重自主能力、要有閱讀習慣。
我睇唔到轉傳統2-3線津校可以點幫小朋友prepare呢啲嘢，而且ranking低嘅學校有時因為想爬升而出現功課更多更谷嘅情況，實際上要問問真正用家，要問下讀緊你心儀學校嘅家長。
因為仲有成兩三年咁耐，唔係話打算移民唔努力就捱得過，兩三年足夠打擊小朋友自信心同磨蝕學習動力。
唔轉
比佢讀私校就係唔想有填鴨仔壓力，唔好諗住就嚟走就慳錢求其搵間學校讀，小朋友轉嚟轉去仲大壓力
而且自律性差，讀津校一樣都有機會係咁，唔一定關間學校事，你而家happy school都攪唔掂，轉去津校你更加會教到自爆
2個讚
憑呢點就唔應該轉，鐘意間學校好緊要。
但小朋友學習動機低，會唔會同學校太多勁人有關？講就講係happy school, 其實私校好多都係幼稚園push一輪先入讀，再加大量ftm背後出力。如果係呢類私校happy school, 咁轉去咩背景都有嘅津小，確實有機會令小朋友有自信啲嘅（係有機會，唔係一定）
1個讚
不如對正下藥，解決佢自律性低，學習動力低，得過且過問題先。呢d問題唔會因為你轉校或移民就突然消失。
即係唔work, 你講多d例子大家集思廣益啦
1個讚
如果3小朋友好鍾意學校又難得鍾意返學就唔好轉了
我反而覺得都移民了，讀得差都唔緊要因為都唔係靠D分去升中學
係，有香港人鄰居話個仔一直無心讀書，得啲小聰明。黎到派位讀普通good secondary school居然做左神人，越讀越有心，最近考grammar school插班仲俾佢插到，呢啲都係我鄰居無expect過
1個讚
我係相反意見，應該轉去津校谷下打好個底先移民，外國公立學校讀書風氣唔高，好靠自律，係香港管理好呢方面同打好基礎，來到自然變神人
好多係香港讀得好普通嘅學生來到英國變神人，係因為香港個底打得好，基礎知識夠再讀上去就輕鬆應付，成績比人好自信亦大左
2個讚
Deleted
英國，應該year5/6
你講得好岩！我真係有咁既感覺，所以先諗係咪要轉校。
去英國到時應該year5/6。我緊張小朋友主動性，自律性解難能力多過成績，奈何小朋友依方面愈大愈弱，所以諗緊轉返去津校，俾學校谷下佢，對自律方面會唔會有幫助。
另一方面，自己軟硬氹威脅都試過，初初都有點用，但開始佢冇反應，一係發呆，一係喊住同我道歉話自己唔會做到。佢俾我感覺佢自信心愈來愈低，所以動力更低。
望住現在既佢，我真係唔知應該仲可以點做先可以幫到佢！
你講出了我矛盾點。因為小朋友較內向，而且佢有表達唔想轉校，好鐘意現校。我都好怕我夾硬轉，對佢心理發展會更差。
班上的確有部分叻既小朋。
亦有一部分好似我小朋友咁既，佢地會自己聚在一起玩。
正正係我想做。
我同小朋友傾過，佢想試補習。
我都希望咁可以緩衝下我地關係，希望有用。
-
我地講幾多點要做什麼，鬧鐘響佢都冇反應。到我叫佢埋位開始，唔會專心，會不斷同我講其它事。
-
計劃左時間表，佢都係做唔到。問佢咁當日做左咩，佢都係答1件事要用好長時間，所以未能完成。
-
傾好如果樂器方面未能達標，而我又冇見佢主動練習，會唔再學了。當時喊住話佢會主動練習，希望我俾機會佢。到依家，佢態度都係依舊！
暫時我搵左補習班，希望由第3者可以睇到我既盲點，小朋友由日常功課學習方面拎返點成功感，建立返信心增加點主動性。另一方面緩衝下我地之間關係。