係喎
應該只係福山雅治果首歌咋
而家講緊嘅係，某些人冇跟合約
生仔係冇合約嘅
你睇唔到我係上面都有寫，狗吠聲會連環吠。
－隻吠，其他會跟埋一齊吠。
癲佬癲婆叫，你會唔會跟埋一齊叫。
1個讚
抱歉，離咗你題。
住得公屋就應該知道係冇得養狗，偷偷養嘅就預咗後果係點，唔好到時話人不近人情之類。
2個讚
其實放棄住公屋，住啲可以養狗嘅地方就可以，
無所謂「剝奪養狗」嘅事。
香港唔只公屋唔俾養狗，
好多私人大廈／屋苑，大廈公契都寫明唔俾養狗，
有啲管理處會執行，
亦會經律師樓喺 地政處 申請，係屋契寫上業主違反規則。
4個讚
我只睇到呢到d人幾冷血 
你行下近10年落成既新公屋停車場先，呢堆樓一定無賣囉！ 
不如總結窮人快d死，唔好浪費地球資源，優生論
我都見到是非不分囉
3個讚
唔支持公屋養狗就冷血？
大把私樓都唔俾養，你租之前已經知，點解簽完同意鬧人唔俾你養就冷血？
1個讚
因為住屋是一個穩定社會的基本需要，所以政府提供了公屋，是較長遠的租金補助。而有了此補助，住戶有較多的金錢以改善自己的生活，可以自給自足。以我以前的公屋鄰居及後來認識的公屋朋友而言，受此補助後根本不能算貧窮，窮的真正定義比他們低得多。
所以公屋能否養狗，與歧視窮人與否，根本沒有多大的關係。而明知公屋不能養狗但被發現，為超平租金而遺棄狗隻，才是冷血啊！
2個讚
spin完革命、普選之後唔夠人講, 就spin去窮人?
明知公屋唔比養狗都照養, 邊個冷血D
5個讚
可唔可以唔好咁小朋友?
4個讚
同意…
明知唔得, 夾硬去做, 租約又一早寫明…呢D叫夾硬嚟
3個讚
其實冷血位喺邊？
啱啱上網睇，申請公屋條件，「2人家庭每月入息限額為例19,550元，資產淨值限額為376,000」
如果本身係呢個收入、又等緊派屋，仲要養狗，會唔會負擔太大？始終養狗要食要沖涼要剪毛要打預防針要睇醫生，萬一有病睇醫生洗費隨時萬萬聲…何必要玩自己？
能力有限但整多件野去照顧，只係只製困境而唔係有愛心
仲未計二人單位空間根本唔應該養狗
1個讚
我支持討論及爭取公屋養狗，不過如果本身係唔比養又養而又怪責房署無情，的確唔啱，亦會影響正當爭取公屋養狗呢件事嘅 image
冷血呢我就覺得未到呢個程度嘅。大家冷靜傾，其實都唔係一刀切嘅，有討論空間
係呀真係好PK垃圾，違約仲要撒賴，輸打贏要，公屋本身條例係唔可以養，由租戶申請時已知，係都要講埋D個別例子去擾亂視聽，到業主執行時又話人地唔人道，明明係自己無對寵物負責任明知不可為而為之。
要拎新加坡D屋都可以養，洗乜講咁遠丫，香港都有新屋苑都可以養呀，可以住村屋，可以搵可以養狗既地方住，如果困難到只負擔到公屋既租金咁就唔好學人養狗啦。
同意PO主話可以去爭取，不過唔係養左先就響度話房署唔人道。我都有提議有養狗加租金，或者叫狗隻許可既費用咁囉，養左既果D咪申請。
YES，係我呀，HI，原來同意合約精神就叫正義L，講到隻狗係有人放響你屋企咁。
D公屋養狗要偷偷摸摸放狗既原因係因為你地違約丫嘛，明知自己隻狗唔係合資格陪伴犬又唔係N年前申請左既果隻狗，所以係要偷偷摸摸係違約果班自己申請個喎。
咁PO主同我都有提出建議呀
希望你會開心D，我都同意窮人生仔正PK 垃圾父母
3個讚
我有冇理解錯….
呢個係已經住緊嘅入息限額
即係明知住緊公屋，知道唔養得狗都仲要整隻狗返嚟養？然後投訴公屋唔比養狗係冷血？
如果覺得六萬四個人用好鬆動
不如出去租屋，村屋都係一個選擇
其實你想討論啲咩，點解無啦啦係咁叫人行出嚟爭取公屋養狗？
2個讚
我鐘意你講出呢點
六萬係上限，如果覺得四個人好鬆動，唔怪得係咁講公屋停車場多靚車而覺得好自豪
可能覺得靚車就反映一切價值；可能未見過其他停車場；可能唔知住屋仲要講配套環境鄰里；可能唔知車係月供/一砲過比都有分別；可能唔知好多有錢人其實好樸實真係當車係代步唔洗靠佢嚟show off；可能唔知好多私樓樓價上落一嘢都唔止一部歐洲車嘅價錢….
所以我真係唔明因為公屋多靚車（可能係卦）就用嚟引證公屋多有錢人… 真係覺得夠說服力？定自卑心作祟硬要同「有錢」拉上關係？學樓上話齋，可唔可以成熟啲？
最後，同有冇錢根本冇關，份約一早寫咗唔比養狗，簽果時已知，仲要響公屋養狗嘅人係冇契約精神兼自私狗主。
6個讚