你地同兄弟姊妹關係點？我有一個關係唔好既家姐，佢成日對住我地爆粗，有兄弟姊妹好定獨生好呢？
我有姊弟，關係都好好
細個嘅時候成日同家姐鬧交打交，大咗就冇嚕
細佬因為細好多年，我哋個個都錫佢
上年爸爸走咗，我都慶幸自己有姊弟，大家一齊商量一齊分擔吓，爸爸嘅後事都完滿處理咗
1個讚
我有1個弟弟，關係差。佢性格爆燥，小事都大大聲鬧。例如我問佢：
聽日洗唔洗返工？
佢會答：唔使做呀！做咩啊？（大大聲）
完全溝通唔到。仲有佢後生時做生意蝕錢，借咗錢比佢，佢一蚊都冇還。
反而我老公同細佬妹感情好好，生日會慶祝，會一齊去旅行。
1個讚
我跟我細佬係有血緣關係嘅陌生人。
6個讚
人夾人，邊有一定
1個讚
關係差x3
我果個係成日自以為醒目仔, 態度目中無人, 咩都係佢岩晒人地錯晒, 又功利主義, 有事鍾無艷, 無事唔識關心半句果隻, 欠缺同理心, 本身都溝通唔到。
次次約食飯係例遲半個鐘以上, 好似佢份工人工高先值得OT 咁, 我地d 時間就唔矜貴, 等佢好應份, 坐低只識食野同玩手機, 咁大個人連咩叫基本尊重都唔識, 但又唔話得佢, 因為又嬲嬲豬。
同上
我同阿哥都係咁
我同細佬關系最初一般，因大家都有各自家庭。但個弟婦憎人富貴厭人貧，我細佬係老婆奴，成日慫恿我細佬去貪爸媽嘅錢（例如問老人家借左錢唔還，話好多家庭支出，但弟婦又會有錢買金買名牌袋）老人家免費借間屋比佢地一家住，住左十幾年，點知弟婦鬧我媽話唔佢稀罕住，佢要住私人樓…
最初疫情，小朋友要在家zoom,我係ftm,所以可以幫佢地睇小朋友，點知之後個弟婦晌我媽面前話我懶晌屋企咩都唔做。佢而家無返工，日日晌房玩電話，小朋友又唔睇，又唔照顧個老公，反而要個忙到嘔嘅老公照顧返佢。
所以我而家心底好嬲我細佬。
1個讚
你弟婦係同你父母住但又無返工？
咁好過份，
我都成日比人話我懶到出汁，
明明我自己份內事做好。想停低玩下手機。
就話我我又有番工。
話我果個自己養狗又唔理個狗厠所，
整到好臭都唔換。
碗唔出聲起碼兩個星期先洗一次。
應該話睇彩數
我同兄弟姐妹細個會嘈交，大左結婚搬反而關係仲好左。而家過時過節都會一齊慶祝，會一齊旅行，我地既仔女又差唔多年紀由細玩到大感情幾好。
同父母識唔識教、識唔識做人、有冇偏心都有關係
9個讚
有得揀我會揀獨生，我唔係鐘意分享既人。同我鐘意被照顧，所以如果要有兄弟姊妹我會揀有呀哥。
原來會照顧⋯⋯長知識
而家係。
我弟婦唔單止家務唔多做，連小朋友都唔多理，理果時一係「食買玩」果時，一係「打同鬧獲金」果時。
，
你個細佬真係慘過乜
有人商量真係好好多架，無咁傍惶
細個都係打打鬧鬧，大個咗慶幸有兄弟姊妹，所以生小朋友都係一係唔生一係生兩個
1個讚
好彩你媽都知道你弟婦係咁嘅人，
企係你果邊。
不過人哋既仔女就等人哋去教，
廢事你弟婦入面唔舒服拉。
比我我會咁做。