又咁講，我細佬又自己攞黎嘅。我從來唔認同女人要對家務、小朋友、照顧老公負上全部責任，一頭家男人都有份，男女應共同擔上責任。
我嬲嘅係而家我細佬縱個老婆，但後果卻要我父母一起承擔。有無見過長輩煮完飯，個新抱要叫先出房門食飯？有時甚至長輩未煮齊餸就偷食。長輩為左小朋友去學整野食，個新抱都有食，但一聲多謝或叫人食飯嘅禮儀都無。長輩抱著家和萬事興心態，但個新抱就成日口黑臉黑，仲話婆媳關系就係咁。
1個讚
但最攪笑係小朋友有咩事要幫係搵爺爺嫲嫲做，問佢做咩唔搵媽媽，小朋友答：「媽咪唔會做架！」「媽咪要灘唞。」平身個大果個已經唔多鐘意個阿媽，而家連細果個都講到出口話受夠個阿媽。
Same
可能自己本身兩姊妹感情好，所以生小朋友時係一心諗住要生兩個（就算大嗰個超難湊都無動搖過）
依家都教兩個女要相親相愛，雖然第日長大左唔知會點，但起碼成長的過程有對方，已經好足夠
2個讚
呢隻咁嘅新抱，真係no die without use
1個讚
其實我覺得真係睇性格。有啲人鐘意做話事既，唔鐘意商量。
佢哋係一齊住？其實我覺得呢啲都係睇關係好無，如果係啊媽同啊女，咁一餐半餐有野做緊唔會得閒mon住幾時煮好飯，同有時肚餓食一兩舊頂肚都得掛。
如果長時間係長輩做左咩，後輩就要畢恭畢敬其實都幾辛苦。
弟婦可能其他野係衰，但只係呢兩點我覺得還可以。
我同我家姐都係咁
而家一齊住架。
弟婦忙咩？忙住晌房玩電話囉。
又唔係話要恭維嘅，不過基本禮貌都好似無咩囉。其實長輩煮飯，個新抱可以洗下碗或幫手攞碗筷嘅。老人家扭到腰但要掃地，弟婦明知奶奶痛，但都只係坐埋一邊玩手機。弟婦又唔鐘意煮野食，我細佬又有工作上嘅野忙唔得閒煮，如果唔係我爸媽煮，佢一家日日食ready meal都似。比嘅家用連請姐姐都唔夠，但就全包我細佬一家喎。如果唔係我家人收咁少錢全包，弟婦邊有錢買名牌袋同名牌護膚品？（除非弟婦打算佢d錢係佢d錢，我細佬養唔掂頭家，佢都唔會幫手。（弟婦最愛食買玩，出街洗費都我細佬比錢））
如果你有睇到我之前留言，就知點解我會咁嬲。（免費比間屋佢地住十幾年，家用都無比過，仲要借錢唔還。個新抱之後指住奶奶黎鬧，話唔稀罕住，要住佢要住私人樓（佢意思係奶奶要買私人樓比佢地住））
不過都係果句，弟婦點衰都好，係我細佬廢，縱左個公主癌出黎。
大個相親相愛好少
我獨生
細個冇咩感覺 係悶啲
大左父母有啲年紀就覺得第時佢地走左我就冇親人 同埋屋企有咩事都多個人share下
見到人地有姐妹可以一齊出街食飯好似好開心
老公有個妹 但勁唔熟 食飯都唔會講野
同我想像中有個會照人嘅呀哥完全相反
一家唔知一家事，但我覺得都係細佬問題多啲。結婚應該都係細佬話要一齊住，我諗新抱唔會主動話想住。
要孝順啊媽，細佬應該係做洗碗幫手既人，唔係將孝順外包俾新抱。
其實如果要一齊住，我都覺得細佬先係要做家務個個，如果無結婚，本身煮飯呢啲都係啊媽做(我估細佬本身都無幫開手？)。無理由結咗婚就將自己無做既俾新抱。
個奶奶可以開聲話，點解唔敢呢？
我除左坐月無做家務，
其他時間都有。
我煮野唔叻，
就幫手洗碗，執枱。
呢啲其實個個家庭成員都要去做。
一個人做做死了。
弟婦係後輩同一齊住都有責任去做家務，
除非唔係一齊住姐。
2個讚
可能我講很不明白，令你有些誤會了，唔好意思。
細佬同弟婦結婚後十幾年，唔係同長輩住，係長輩比間屋佢地一家住（十幾年無比過家用，頭幾年水電煤都係長輩比）之後長輩要求每月比返1000蚊家用，兩人當然完全無比過。十幾年內借過幾十萬無還過，話家庭支出多，但弟婦又有金又有名牌袋。
弟婦係唔做家務、唔煮飯、唔照顧小朋友嘅人黎，以前所以有都係工人姐姐或我細佬做。
而家同長輩一齊住，弟婦唔駛返工，我細佬wfh,但係要零晨都要做，每日早上可能訓4-6個鐘都要起身做野。我明白也認同你所說的不應將孝順外包比新抱。但無理由著數新抱有份攞，一d責任都唔駛？而家又唔係叫佢清潔晒成間屋，洗下碗都話唔得嘅話，佢地一係比多d家用（我之前講過家用都唔夠請姐姐，但所有野全包）如果新抱少少責任，甚至禮貌也不需要，咁老爺奶奶唔通應該新抱所用嘅屋租、水電煤、食都要計人頭收返錢？p.s.我細佬有幫下手做家務。
我之前都講過，正因為我爸媽金錢上幫過佢地兩個咁多，弟婦先有錢買金又買名牌袋。而家一齊住就要黑口黑臉？免費住十幾年樓，之後指住奶奶大鬧話唔稀罕住果間屋，佢要住私人樓。
你都提過搬出去…哈…之前我媽話買間屋比佢地住住先，佢地就選擇貴一貴嘅屋，而家我媽話比一筆錢佢地買，其餘佢地自己出，佢地就選擇平嘅，仲要不繼壓人價，壓到人地都唔賣比我細佬。講真，點解弟婦咁唔鐘意我家人，又唔肯一家出去租屋？應該因為錢囉！佢地一家出去租屋：屋租、水電煤、食物、車（而家我爸借左架車比我細佬）…一個月一定唔會少過$5000，而家比少少錢全包，多出黎嘅錢又可以用黎買衫褲鞋襪袋，幾好呀！我細佬係老婆奴，如果弟婦點都要搬出去，我細佬一定會聽聽話話搬出去。而家仲未搬，除左「錢」這個問題之外，我諗唔到其它因由。即係又唔想對住男家，但又唔捨得比多d錢搬出去。
將心比心，如果你將來咁幫你仔和新抱，你仔就黎做到過勞死 ，然後你新抱唔幫你仔手不特止，知個家庭支出多，但仍要買名牌，唔夠嘅錢就問你和你先生攞，仲要唔還。仲唔感恩，仲指住你鬧，你真係ok?如果你真係ok,請問你有無仔，我想做你襯家。
說笑說笑。
不過我再重覆，弟婦點衰都好，我細佬個責任都好大，因為係佢縱左個公主癌出黎。
3個讚
因為個奶奶，即係我媽想「家和萬事興」「唔想煩」「唔想家嘈屋閉」。我好直接同我媽講，咁人地擺明唔當我地係家人喎！
其實要令弟婦開心好簡單：我全家所有錢、物業比晒佢，又唔駛佢照顧我爸媽就最好了。得閒大時大節食個飯就足夠了。
我好認同你所講，家務個個都應該幫手。如果你有睇我之前留言，我都講過話有次我媽整到腰，但仲要拖地，但新抱可以當睇唔到咁繼續玩電視（我細佬當時工作梗）。
好命，寄人籬下大條道理
真係！人地咩億新抱都可能要行下奶奶政策，而且黑口黑臉，唔感恩又唔專重都仲有著數攞。
縱到個你細佬變成咁，你父母都要負好大責任，當然，果件新抱又係人間極品，你果件細路亦唔弱！果然物以類聚近墨者黑⋯⋯呢啲道理都好適合。
3個讚
我認為你說得有道理，我也認為我父母太縱我細佬。不過好彩我父母而家睇清楚個仔同新抱，雖然仍抱著「家和萬事興」心態，但都對佢兩個有防範之心。
咁如果係咁，個新抱同細佬都係衰。