好鍾意買野 特別買名牌 想充大頭鬼 扮自己過得好好 唔知點解有呢d心態… 23歲果陣爭30萬卡數（一半自己卡數，一半果陣比ex呃左 借錢無還） 最終搞左債務重組 還5年 連埋息total比左50萬…
果5年過得好窮 人工又低 又要扮無事繼續比家用 最窮果陣要賣晒d袋 日日食杯麵 麵包…好好地過左個5年 我一個名牌都無買 終於還晒d錢 跟住果2年我比自己抖下 就瘋狂地洗錢 繼續買名牌 瘋狂去旅行 但我其間都無爭卡數 都有少少錢儲
到尋日 我發現我又差成8 9萬卡數 還唔到 又要係張信用卡套現左12萬 分24期…
而家果12萬 有6萬係因為我老公之前失業左3個月 我又扮ok 幫佢頂住頭家先 但其實我只係每個月左com右com 到頭來而家又爭卡數 不過我又唔敢同我老公講 因為我平時好大洗 就算而家我無買袋 但我會買假袋用 呃人？呃自己？過得好好。。
我都唔知可以點 每次想買野果陣 我都叫自己唔好買啦 諗多陣先 但最終都會忍唔住買左 之後又好後悔…但其實你就算比我買個真既5, 6萬手袋 我都係買完開心1 2日 跟住就無感覺 甚至後悔
其實我份糧 減晒開支都仲有大約12000蚊 我覺得正常人已經好夠洗 唔應該仲會負數囉。。究竟我係到做緊乜 我忽然間先醒起 點解又咁熟悉 點解我又重覆犯錯 好累 我已經33歲 仲要過呢d還錢既生活幾耐…
1個讚
CUT 晒所有信用卡
所有方便付款既APP都唔好用~
肯定為好快就戒到
9個讚
將你可以預先透支嘅工具掉晒先講，剪晒啲信用卡啦
有自制能力嘅人，十幾張信用卡，幾百萬limit都唔會亂用；冇自制能力嘅人，1張卡，得幾萬limit都可以用盡
你係冇自制能力嘅人，就為有唔用可以透支嘅工具
Download個理財app幫你計住每個月開支，每樣開支都set好limit可以洗幾多，每日都review今個月仲有幾錢可以用，唔好比自己洗凸都唔知
係人都想生活過得好，但真係量力而為，你唔識理財就同老公商量下，睇吓可唔可以由佢主導屋企財務
我有朋友好似你咁亂洗錢爭落周身數，到講比身邊嘅人知嘅時候，已經滾到爭百幾萬，所以你真係趁自己舊數仲未好大嘅時候就同你老公傾吓會好啲
唔好講你背景乜乜盛盛令到自己咁，全部都係藉口，今日起的起心肝去改善就夠
7個讚
哇, 我心感佩服你可以係負債情況, 都仲可以套現12萬
你呢12萬既用途係 ??? 還錢(com卡數? ), 定用黎買野?
睇左當買左, 呢句說話好岩你用
不如同自己講, 用買野既錢, 做定期好, 搵D野學都好, 投資係有回報既野到,
用買袋虛榮心都差唔多到年齡啦, 而家唔再需要呢D虛榮心
揀2,3個自己鐘意既, 其他袋, 賣返出去啦
而家係時候儲多個錢, 留返第時退休用, (留返去旅行用 / 留返買樓用, 總之就係將來有咩打算都可以用)
減晒支出都有1萬2蚊, 儲起佢, 一年都有14萬, 5年後有72萬(記得做下定期, 最保本), 到時又再諗下呢筆錢點用(可能到時有小朋友, 呢筆錢就係咁用啦, )
1個讚
係咪心理疾病? Shopaholic嗰啲?
我突然興起想買一樣嘢, 喺電話research完一輪就漸漸冇左想買的衝動.
1個讚
你搵銀行Loan啦，佢會幫你債務重組仲會同你cut晒啲卡
以你經濟狀況, 我估買的名牌係幾千蚊飾物, 幾萬蚊手袋的級別.
現今社會普遍唔會見到人用這些就覺得佢有錢或過得好. 所以如果你買名牌係這個原因, 以後可以慳返.
5個讚
我有用app記低開支 不過一到大洗左果陣就無記 
我今個月開始返 叫自己每月只可用7000蚊 包買野
完全正確 所以我都覺得自己好白痴 不過我知我衰乜 因為我d朋友全部都無名牌 幾千幾d都無 我係佢地面前有虛榮感
問左銀行loan好貴 反套我係卡套12萬出黎好平息
無錯 上年我媽cancer做手術十幾萬 我先發現我3x歲人竟然咁都拎唔到出黎。。。。
我而家學習緊 想買 擺多3日先再算 到時睇下係咪真係想
cut晒d卡，8達通都要用現金增值
之後有想要既野，影低佢，記低佢，一個月後再review係咪咁鍾意，連續12個月都有記低同一樣野先好買。
其實你記錄下每日想買既野，睇返都好震撼
另外，買野係減壓，唔係真係想要，只為一時快感。你搵另外一樣野（eg好身形）來追求返得唔得？
5個讚
要分番開日常必需開支，例如食飯、搭車、買日用品… 淨番嘅錢先可以用嚟買其他野
撈埋晒一齊計你就唔會知道買無謂野用咗幾多錢
3個讚
與其要規限自己咁辛苦，不如買一本斷捨離，之後改變心態, 以後用環保袋, 人生就輕鬆自在得多，再嚟一句斷捨離已經可以同所有人交代為乜冇晒名牌，唔駛怕冇面!
呢D無用架~ 記帳對於失控既人只係…一堆BUXX SHXX
2個讚
改變自己既習慣，唔好用卡改用 cash，
同埋每日記低自己用錢資料買乜都記抵，
貴價嘢或者袋咁見到鍾意都唔好即刻買，
睇完返屋企睇下自己有無類似既款，隔
多一星再去睇多次都唔好即刻買，再等多
一個星期諗清楚，你買完個袋自己呢個月
會淨番幾多錢，而家講緊係開始全用現金，
唔係用卡，用卡係先洗未來錢，如果買完
唔夠錢今個月洗就唔好買。
要改變自己思想先有得救，唔改就不斷無限
Loop 係欠債度。