記賬無乜用，會記嘅應該係有一定程度自律嘅人
Cut card 啦唔使講咁多，得返張八達通就夠
你虛榮會唔會係其他方面唔自信，所以要呢方面補返？
2個讚
一切源自習慣。唔改就跟你一世。比著我，我會將欠單表起，放係屋企最當眼嘅地方。每日同自己講一次要過好每一日。
1個讚
我都覺得記帳無用。我未大使到shopaholic 咁，但我都鍾意使個刻，而唔想回憶用左幾多錢。記帳就係懲罰，諗返起d令人唔開心既價錢，就更加唔想記。
所以簡單d, 唔買野唔使錢就唔使記帳了。
4個讚
我係一個慳家嘅人，最慳時唔用credit card, 八達通增值到夠嗰個月車費，其他一概用cash
你預算自己一星期用幾錢，如果1000嘅話就袋1000，用哂就無
其實個個嘅意見都係叫你剪卡，都已經明知自己自製力低，呢步係必須要，希望你今日就剪。
唔好再留戀咩積分，買嘢方便等等…
另外就係一定要同另一半講，比佢知道你到底發生咗咩事，咁大件事咁困擾你都唔講，唔通平時淨係講今晚食乜餸？
你有決心改變，俾人知道都係好事，幫到你成功機會更加高，等如想減肥要講晒比人知你要減肥一樣，自己唔自律又要成功係天荒夜談，比其他人幫下自己啦！
7個讚
想請教下樓主，係咪由細到大都生活無憂？至會攪成咁？由於我自己小時候好窮，好細個就知道搵錢艱難，所以用錢必定量入為出，而到大個財政一向OK穩定。希望你解答
唔好睇咁多IG, Facebook
盡量迫下自己戒睇
呢啲app好多廣告，好多引誘
同老公講，大家坐埋同一條船，你似有病引，多個人提醒你係好事！
我聽人講過「寫數簿」(唔知係咪咁叫)
姐係寫低每日用幾多錢！對慳錢存錢有幫助
有無得退架？
我都會買完野後悔，特別剛過完black Friday, 冷靜落黎都有幾件野同傢俬會攞去退
我係細個屋企小康 中途家道中落 老豆欠債 比人追數 要周圍搬屋 乜都無晒
某程度上我都覺影響到我而家咁
2個讚
分2個account，出糧轉一個固定金額做家庭開支，限住只可以使咁多，用哂就冇，剩返嘅就儲起
多謝大家解答 所有人都叫我cut卡 不過而家仲有d分期做緊未cut到住 同埋真係c9心態 我全部野都係用信用卡 小至買包紙巾都係用卡 因為要儲里數
我知抵鬧 不過而家會開始實行記帳 限自己洗費 買野不再分期 即簽即找數 。。唔想再過呢種日子了 今次分左18期 到時我已經35歲 唉
Black Friday唔應該見話抵就買，係平時屋企有需要買嘅野忍到black Friday 睇下有冇平到先買
其實係需要架，但黎到唔襯屋企都無辦法
要儲里數嘅通常都累積好多咭數，我見通常呢啲朋友嘅咭數都係有份糧嘅1/2至2/3
1個讚
放棄信用卡這雞毛紅利，
改用八達通付款，卡內有幾多用幾多，有預算。
儲里數係最on居
當年仲未流行就研究過，里數現金券乜都好，個回贈都只係1,2%，計你1000一張機票，即係只少要look 5萬，問題係一個月都look唔到2千…
更加唔好提咩旺季熱門線永遠輪唔到，最後都係換返百佳惠康最實際
你既case就當然cut card啦，只可用八達通
將所有買野既page全部block晒，每見一個廣告都Hide佢，仲要話唔適合我，等佢唔好再彈手袋page出黎
記帳對你未必有用，因為買野通常係沖動，明知無錢都會買
所以都係寫低，下星期又拎出黎望望，望多幾個月都仲係想要先諗下係咪買啦
3個讚
可以開返張debit card,同信用卡一樣有visa/masta,不過就要入錢有幾多用幾多好似EPS咁。
1個讚
儲埋數當$5一里，倫敦要成6萬里，要look30萬…3張90萬，business可能再 x1.5
當然，如果look 30萬換百佳，以前最靚係125換1即係只得2400，機票係抵好多
但你係用5萬買想要既野加25萬買後悔左既野去飛
我係用買5萬買想要既野，再另加1萬 去飛，再儲起剩低個19萬…
1個讚
冇人簽卡時會諗住買多啲為儲里數gwa? 係真係要用嗰啲錢所以用, 順便儲左里數.
儲里數好多時係d人用公司卡食飯出差儲返來，個d唔係自己錢，如果使自己錢係好難儲，除非富豪級
2個讚