坐月其實係咪必要？多休息、三餐有營養係咪就夠？
飲湯真係補到身？湯既營養唔係得脂肪、水同鹽？
燉肉汁又真係精華？精華唔應該係肉入面？會溶到入水咁神奇？
真係要守咁多規矩？
日本人都冇咁多規矩，但一樣咁健康咁長壽！
1個讚
我對坐月既睇法係，睇自己接受程度，跟到就盡量跟囉，反正跟左都冇害，係麻煩d，但一世人都係坐1,2次月姐。
5個讚
我個人覺得坐月係俾個機會媽媽岩岩生完元氣大傷可以休息多d。至於食物就有營養d咁對大人同餵人奶都好嘅。但太老套果d唔俾洗頭、掂生水呢類就隨心啦 
坐月其實係咪必要？多休息、三餐有營養係咪就夠？
某程度上同意，坐月其實就係要你休息
飲湯真係補到身？湯既營養唔係得脂肪、水同鹽？
好似食療咁，如果係有用藥材煲既湯，應該有特定功效，但係咪飲一兩次就有效就未必
燉肉汁又真係精華？精華唔應該係肉入面？會溶到入水咁神奇？
原理應該似滴雞精滴魚精咁，信唔信就見仁見智
真係要守咁多規矩？
我自己係揀想守既黎守，坐月個個係我，緊係我想點就點。自己我媽成日話100日都係月婆，首先我覺得月婆呢個term好難聽，二來我第二次坐月，上次坐兩個月覺得好奄悶，自己身體不嬲唔差，覺得坐一個月就夠。但我餵人奶，本來就係要多飲水，咁湯水，代茶個part我就做得足啲。
1個讚
生完頭兩個星期，掂生水同熟水既感覺真係有唔同，係feel到毛孔有打開左，但係咪真係掂左生水老左會關節痛就唔知
2個讚
我自己覺得坐完月冇以前咁怕凍。
如果一斤肉既精華可以半碗飲曬，但你一餐食唔到一斤肉呀麻
你真係覺得肉既精華溶到入水？定純粹係有肉味既水？
正常休息一個月可能都得？
但一早有研究分析左老火湯成份只有脂肪、水同鹽，個數據都十幾年前架喇
好奇想請教下係咪真係有journal分析過燉肉汁冇營養？因為我坐月果陣手軟腳軟、飲完燉肉汁真係會舒服好多… 我唔覺得係就咁飲咗有肉味嘅水咁普通
同埋曾經照顧癌症屋企人，當時日日都有燉肉汁比佢飲、飲完佢個人係舒服啲同精神咗、唔似只係飲咗安慰劑（假設燉肉汁只係有肉味嘅水）
因為我上網淨係揾到飲用宜忌、又揾唔到相關「燉肉汁」只係有肉味嘅水嘅報道…
1個讚
啱啱生完手指掂生水又真係會關節痛
1個讚
呢個真
我提早左生 陪月無甘早黎到
生完返屋企個幾日比較操勞
洗奶樽洗完手指真係痛 連腳指都係
其實坐月就係包埋多休息、食適合嘅嘢。如果話唔坐月，但又想多休息，我唔知喺要照顧一個newborn 嘅情況之下係點做到。
你想否定嘅係湯嘅功效，咁你平時飲唔飲湯？我就唔係話湯一定有用，但如果你平時都飲，點解糾結坐月其間飲唔飲？飲湯再冇用其實佢都係水，餵人奶真係最好飲多啲。
所謂多規矩即係咩規矩，我只諗到唔用生水。現代人有幾多唔洗頭，我都洗，不過用薑水洗。
你係咪想問有冇需要請人幫手坐月？
1個讚
我絕對冇講過冇營養，我只係提出質疑：大家真係覺得燉幾燉，d肉既精華就可以溶入水？到底理論上點解可以做到？
另外，可以參考一下滴雞精既營養分析，一致性結論：營養雞肉》雞汁，即係食雞好過飲雞汁（如果你有牙同胃口食）
（精華既意思係：肉汁營養會多過肉本身，即係肉既營養會轉移到肉汁，但睇唔到任何數據話肉汁雞汁營養多過肉）
生完要休息呀！但中國式坐月真係好唔科學
所以點解要花時間煲湯？仲要成日強調湯水好好？大量飲暖水熱水加食營養d唔係都得？
我支持生完要休息，唔做家務，包括奶樽都唔需要主力洗。我純粹覺得中國式坐月非常唔科學，好多野都冇科學根據。
人人情況唔同, 我自己生完個人係虛, 血壓低同好攰,
個時出左院幾日我囡有小小面黃要去健康院就係係
屋企付近行條斜路落去, 上番黎時我行得好慢同喘氣…
根本連湊B都攪唔掂… 好彩個時同奶奶住… 雖然佢要
開工, 但佢會整定嘢食比我, 電飯煲焗雞叫我十一點就
撳飯煲等一陣就有飯食. 佢放工返黎就燉嘢我食.
至於傳統做法我都唔係樣樣跟足, 話唔沖涼洗頭我係照沖
用薑水, 洗頭自己本身係日日洗, 我都忍住一兩日先至洗一次
因為6月份生天氣都係熱, 唔洗真係攪唔掂, 洗完馬上吹乾個頭,
係呢啲都無乜特別. 而家年紀大左, 都無事無幹無頭痛, 最緊要洗
完唔好冷親一定要吹乾就無問題.
日本人雖然無好明確坐月呢個名詞, 但都有類似既做法
等產婦盡快恢復體力可以照顧自己和 BB. 呢度有講, 同埋
佢地有啲人生前和後都會返娘家, 咁可以有人幫手照顧產婦
和 BB 至於時間長定短就睇佢地自己點安排.
至於你話日本人長壽, 日本女人大部份結左婚都唔使返工,
係屋企打理家頭細務照顧小朋友, 再講長壽問題咁你要去
日本生活先得, 淨係講香港生活已經同日本好唔同.
1個讚
其實唔係唔科學, 只係無演化, 古時啲女人個個都長髮, 無風筒
點吹乾啲頭髮?? 至於沖涼佢地好似係用大木桶浸浴, 咁下面仲
留緊血點樣浸整到成桶都係血…
5個讚
呢個就係樓上答你個會員講嘅野
你一次食肉可能只係食幾舊、唔會食到一斤肉
但用一斤肉燉出嚟嘅肉汁入面有嘅營養可能比你食幾舊肉多（雖然碗果半碗肉汁嘅營養係比就咁食一斤肉少）
我覺得點樣坐月人人唔同、或者你眼中有啲人係「做多咗」冇必要嘅嘢，但如果有人「做多咗」但坐得舒服我又覺得無妨、學樓上講一生人最多只係坐一兩次月。
用番你自己覺得舒服嘅方法坐月就得
3個讚