呢篇文章一早睇過，我上面都講左支持生完休息+唔做家務，咪同呢篇文章講既野一樣！
1個讚
但肉汁既轉換又係幾斤兌換幾斤呢？
中國人真係好煩，整色整水，花時間花心機得果少少營養，難怪之前d人咁細粒
我都好想知有冇人做過呢個研究
唔種意飲又真係冇人迫到你飲
但有時間有心機嘅整嚟飲、我又睇唔到有咩壞處
有陪月黎 我就無洗啦
專心休養 生完個幾日傷口痛到坐唔到
谷胸又谷到好痛 好彩之後慢慢好
其實呢度都冇人贊成要跟足晒傳統果套
只係建議揀嚟跟
自己舒服就得
有啲嘢大家有經驗、好似生完掂生水會手指痛、咪分享下、咁如果你係就快生嘅、準備定薑皮煲水洗手沖涼、準備定炒米茶飲我覺得係有備無患、好過生完手指痛腳指痛先拿拿淋揾野煲水
5個讚
我好支持朋友坐月，我自己都有坐月
覺得（好嘅）陪月幫到好大嘅忙
飲啲湯水飲到皮光肉滑
想休息又可以隨時休息
同埋生完好emotional，陪月俾到好多support我
坐完月自己湊係第二個世界
4個讚
想請教一下，大家生完去bb房點樣清潔雙手
我照用生水+梘，因為帶住壺姜水去bb房好似好怪
出院返去先全用熟水
既然樓主睇過咁多研究，對湯水咁抗拒，唔駛咁迷惘喎，咪直接食唔駛攪咁多嘢囉。
我覺得自己坐月就自己決定，邊啲要跟、邊啲唔跟自己話事，同時唔駛理同否定人地坐月做啲乜，始終每個人反應唔同。我自己就簡單啲，湯就多個變化，唔駛咁悶。
7個讚
你指喺醫院個陣？
我最初個陣喺醫院用個樽入d煲咗嘅暖水去廁所
但後期我用洗手間嘅熱水，冇特別用熟水
反而返到屋企家人就keep準備薑皮熟水俾我洗水
湯水入面都仲有補氣補血既藥材，
咁好難乾食d紅棗杞子黨參既 
坐月湯水一般都係燉湯多
明火煲既都係兩個鐘左右就飲得
古時傳統有原因既，知道係咩事現代可以科學地坐月啦
1個讚
燉肉汁唔駛加水
係呀，產後住院嗰陣
我見有啲媽媽直接唔洗手掂bb
可能喺自己房用熟水洗咗
你指去完廁所之後
我住公院，冇自己房，唔知其他媽媽喔
我知呢個研究，但冇深究，自己文科人，對營養呀科學呢啲唔熟。我估研究冇可能測試哂咁多款湯水卦？咁最general個啲湯水可能真係冇咩「營養」（例如我當青紅蘿蔔豬骨湯，大路個啲啦），但有落藥材煲就應該唔同講法。
但咁講法，唔通啲中藥煲出黎啲水冇用，要直接啪啲藥材先吸收到？
自己經驗係，坐月個陣總會飲下上奶湯水，飲左奶量的確比飲其他湯款多左。
樓主其實係咪俾人逼迫坐月，所以咁憤世嫉俗？其實我都識人冇坐月，出院就食返m記茶餐廳，依家咪又生吽吽係度。其實唔想坐冇人逼到你，呢樣野只係普遍大家會做，但唔係must ，同埋過左唔好後悔就得（識唔少話後悔冇好好坐月）
4個讚
我覺得係睇個人體質。好似你游開冬泳既人唔怕游凍水，但無游開一落水就會凍親。
北歐有啲人凍個陣仲專登跳落冰水覺得會身體強壯啲，但俾著香港人唔知幾多個頂到唔病。
正如生仔都有啲人話痛，有啲人又話女人天生就識生仔，勁既係廁所都咇到個仔出嚟。
係囉，我都想問，樓主唔似坐月迷思，反而係質疑緊中國式坐月的成效，其實樓主係咪有事唔開心呀？
我覺得坐月最緊要happy mum happy baby，用返自己覺得最舒服的方法去做，無話一定要跟某個方法做先正確。我生第一胎時照洗手掂生水，無事，但因為著條uniqlo闊身7分褲吹冷氣，結果嗰年我對膝頭痛足一個冬天，所以到第二胎全程乖乖著長褲
我除咗沖涼抹身都無用熟水，諗緊英國啲水喉水其實正接飲都得算唔算煲過。
唔知會唔會關季節事？你咩季節生呀
我夏天生，生完開冷氣都係咁流汗
忍唔住著短袖短褲，好彩都無事
我諗住下胎唔著長袖長褲坐月添
我疫情去私家啲bb係另一間房，間房有得洗手
可能其他媽媽喺自己房用熟水洗咗先入bb房掛
但我覺得開門關門都多人掂過，所以洗下手安心啲
5月呀，個身係開住冷氣都流汗架