去！旅！行！
同fd又好，搵一大班人夾去自由行又好
我嗰時係咁，被個cheap ex踩低我十年
分左手，周圍去旅行，有多啲新體驗，搵返晒自信。 成個人散發住魅力，嗰時我都三十幾歲，同期4個男仔追緊我哈哈。 然後揀左我老公，35歲先結婚。
5個讚
要續一下，問下意見：
分手1-2個月，開始有點後悔孤單感覺，聽到朋友好多離婚例子，又可能因為遇不到對象，有點心灰氣餒：（
-生活中工作興趣持續沒大問題。有咩方法可以睇開啲？同埋認識多啲認真對象？有玩app的成功例子嗎？或者正面30+結婚的例子分享？
-前度間中會message我，又或手痕按到佢social media，都會心唔舒服，有掛念感，block了會好嗎？
首先，你先分手1-2個月，急咩呢？
你越急就只會越易越到壞人，好多百佳真係志在出嚟搵食，你心急人哋咪乘虛而入。
我自己經驗，依家個男友係交友app識，已一齊四年幾，當初都唔係一下識到佢嘅，都見過好多奇奇怪怪或者搵食嘅人，呢啲都還好，可以直接skip,有啲賤到扮認真但其實搵食，後來我平常心，只係同人傾閑偈就識到而家呢個。
你試吓參加興趣班識多啲人，同人玩開可能識埋佢哋嘅朋友
Ex就block咗算啦，我有冇記錯分手佢仲唱你？佢仲msg嚟做咩？
1個讚
要玩app 就小心啲
太多騙子喇
我都經歷過呢個階段 呢個階段最易識到騙子
我個時係搵多d朋友 同做返d之前因為拍拖無得做的事
現實都有嘗試識人 浮沈半年 先係交友app識到老公
我係扮令進修 增值下自己 令自己充實 唔唸甘多
我就係交友app成功的例子
唔好貪圖外表同金錢 已經避左一部分騙子
至於係咪搵食 eg你睇下佢肯唔肯同你傾奈先見
時間一長 騙徒就無所遁形
我會block左佢
2個讚
有，最近先知朋友及另一半係係app識，兩個啲性格都好好。佢地話有朋友直頭識左個醫生結埋婚生埋仔
真, 感覺玩app/ 交友網既人九成都係想盡快(識左唔夠一星期) 就約出黎見面/ 食飯 (當然有d 更加猴禽, 假設左你肯出黎, 佢就可以同你上床)
認真想識朋友, 有耐性先同你傾多d, 了解下, 再決定出唔出街既人, 可能得一成
贊成, 只有block 晒佢所有既關連同資訊, 你先可以真正重新開始
樓主你係筍盤黎, 要小心! 我都贊成可以上下興趣班識下人先, 你有無咩興趣班想上??
但又確實有真case識到認真嘅人結婚又美滿喎
1個讚
佢要搵一個生活嘅拍檔 不是要搵伴侶
如果事事計到足 乜都冇引 買個禮物$200都牙痛咁聲
仲結到婚？
Block左重新開始啦。
唔想block嘅，snooze/archieve左佢。
樣樣都斤斤計較，點睇都唔應該返轉頭。
可以玩apps分散注意力，但齋傾解悶唔好搭沉船就得。
如果認真搵人，可考慮有啲要俾錢嘅dating apps，起碼個男仔有付出應該會認真啲。
如果只係門當戶對，30+先識人結婚例子大把，
朋友介紹、apps識都有成功例子。
年紀真係冇咩咁大不了，外在內在條件先係重點。
我覺得應該block咗ex，愈睇愈放唔低
唔好再俾佢影響你生活喇，如果係我乾脆del埋佢
我都識朋友交友app識，而家已經結婚生埋小朋友
不過我覺得交友app危機四伏，好多呃人嘅高手，而家嘅你好易會傾多幾句就沉船，所以記得唔好咁快出嚟見，同時間搵多幾個傾，唔好傾死一個….同時間幾個傾，你會慢慢辨識到咁d係為搵食，邊d可以再傾耐啲
1個讚
我估一個交友app肯同你傾幾個月都算係幾好，係咪？
1個讚
俾樓主參考下，我朋友係傾左一排，約幾次見面，男方終於表白，然後個女嘅話考慮下。結果考慮左幾個月，男方再問先得米。中間無任何性關係。呢啲咪搵到啲真心嘅囉
6個讚
wah 好正喎
小丸公問足我一年我小丸子先肯落㗳
2個讚
放生自己，你可以打到咁多字出黎都已經有自己的想法，不能勉強
有朋友點會孤單，有冇去個旅行開心下，多d諗下自己想做乜就唔會得閑諗個ex
玩下app都無妨，咁大個人自己知要d乜，想開心嘅就開心，想認真嘅先認真
1個讚
我覺得如果係相處咗五六個月、自己覺得準備好發生關係都好正路，係衰嘅就算係真人識都可以落咗床就冇咗件事。
我覺得人有時都係無個樣就想要個樣嫁咋。
我之前好恨結婚。宜家結咗諗返起個陣可以話去旅行就同fd去成個月旅行幾自由。
你襯宜家去多啲旅行識多啲人啦。有時唔一定要以拍拖去識人。識多個朋友都好。
樓主, 你地依家點呀?
都好精彩呢幾個月
舊男朋友就正式分手了，錢銀當然同我Excel計足，有時候話會想起我，但係我已經完全冇感覺了。Close File!
呢幾個月都有男仔追求，結果喺二月有位相識多時嘅朋友向我表白，都好surprised
咁當然都想試吓啦。
不過最近一齊咗兩個多月，都同佢相處都有幾個問題，都好糾結。
佢外在條件就非常之好嘅，成熟穩重，對我都好大方好照顧，大我10多年，4x歲，經濟職業外型都係一流。唔知大家有冇聽過 5 love languages，個人感覺佢就係鍾意offer act of service同quality time。但係我自己就比較鍾意physical touch同word of affirmation。
1）缺乏心靈交流：佢唔係好鍾意表達內心想法，亦都唔係好鍾意表達自己情感。我哋通常都係傾傾吓生活瑣事，另外佢唔會好好回應我嘅分享，我覺得我係一個聆聽者，多過被佢聆聽。當大家都咁保留嘅時候，我都覺得好難溝通。感覺反而以前係朋友嘅時候會更加放鬆地傾偈。當然我知道溝通好重要啦，但係感受到佢比較封閉，我真係覺得好難啟齒，而且佢又大我10多年，我自己都會有啲怯
2）缺乏身體接觸：開頭一個月會比較多，但係始終相識多時係有啲尷尬，之後到而家已經冇乜，我唔知係唔係大家都唔敢去主動，但有時我去主動少少，佢亦唔係話好享受攬攬錫錫呢類。
3）生活圈子不同：唔係太融入到佢生活朋友圈子，行業關係，佢嘅朋友多數都係鍾意討論經濟時事或者係名牌，而且年紀同我都相差一個距離，基本上我都溝通唔到。
3個讚