請各位俾下意見，或者分享下健康關係最重要的元素？有時亦自責自己是否不夠包容，要求太高？又或是初戀不是很明白需要什麼？但的確很相愛會很不捨，但也擔心長久下去生活，也擔心找不到更適合的。
與男友拍拖數年，用心用力陪伴他走過很多低谷，抑鬱症、自殺、失業、家庭糾紛等等等，以為現在稍為穩定，想著能享受成果，但仍有很多不安
大家很甜蜜很多話聊，從來沒有悶的時候，一起開心時覺得非常有意義，會細心聆聽我的大小事，專一內向，事事報備，很真誠的人，會幫忙做家務，感覺到他世界上只重視我一人，朋友圈子也很純正，但感覺是好的時候很好，一有狀況他就逃避冷暴力。
-金錢觀不一。我們收入相約，也沒太大負擔，他要求均真AA，有excel計算雙方支出，平日食飯也要求AA，希望他買禮物見我家長，買200會嫌貴，但對朋友則大方，我倆生日/間中節日會互送禮物。我也不介意AA，只是太均真有不舒服感覺
-計較付出，不太懂欣賞我付出。比如家務的付出程度，他希望我學習砌櫃/洗冷氣等他認為難度較高的工作，而不是只做洗碗洗衫等簡單的，旅行亦希望我考車，否則不自駕遊，好讓他沒有那麼辛苦
-責任感一般。希望承擔責任時要求他幫忙處理，很多時不會想他人感受/利益/後果。我有情緒時，認為他不上心，他就會發脾氣，指責我，冷暴力，亦試過我拋在街上說要時間冷靜，時不時會說分手
-吹毛求疵脾氣一般。我煮飯，嫌我煮飯不好食，處理食材不細心，沒有自省能力，連不夠好地方也答不出，比他學習能力差，要求我自己上堂學，做事不小心會嫌我不夠認真醒目，令他大壓力，有時玩遊戲按錯鍵也會被罵被人身攻擊，每每都是我道歉我改正
-有抑鬱症。長期食藥，曾有自殺，有時認為生活麻木，但說認識我後有改變了很多
-結婚目標不一。他說可妥協但認為無聊
-想移民，但冇計劃。我在香港工作穩定，不太想，移民也做不了什麼，要重新讀書，不肯定他是否心甘情願暫時擔當。
-未來藍圖沒有我們。藍圖有他自己，或他也不清晰，但是不是大部分人都沒有，我要體諒？
1個讚
問心你自己包容到對方嗎？一生一世嘅承諾做唔到就唔好考慮結婚，如果佢都冇求婚就更加唔好諗咁多。你自己想結婚生小朋友？如果係的話早啲分，搵另一個更好嘅人啦。
4個讚
淨係金錢觀不一已好難行落去，對朋友都唔會開個excel將一分一毫計到足吧？生活就係柴米油鹽，甜言蜜語捱唔到一世的，及早離場好過。
18個讚
如果我係你就～～～分手
你男朋友以要搵一個識搵錢、照顧埋佢嘅人。
自己唔想付出，搵你嚟做嚟學，對金錢計較，你係咪想成世人活係別人指令下生存？
22個讚
咁多嘢想法不一, 婚後只會變成好難頂.
我係你的話拍拖冇幾耐已經分左.
3個讚
加加埋埋，感建分
唔係你地唔夾，只係緣份唔夠深，即使結婚，個關係都好難走到好遠。咁呢家放手更好。
不過放手前，約出黎好好講清楚，個男仔本身對你好，唔好比佢不明不白咁離開。
3個讚
老實講，睇完你後半部份嘅問題，前面提及嘅都不再係啲咩優點了。
你多唔多時候覺得委屈？呢種感覺到老你甘心嗎？
13個讚
我覺得唔應該結婚。未結婚已經有咁多hesitation同你講既都係嚴重價值觀唔同既問題，隔硬結只會辛苦自己。
同我覺得你都唔洗因為30歲已擔心，我個陣都係臨30歲前同拍左好長拖既男友分手，一年後已經搵到好好既老公結婚。宜家睇返轉頭覺得好幸運。宜家既老公各方面都對我好好。30歲係自己set比自己既壓力黎，雖然我當時都有好擔心。
如果你有keep好自己，有打扮，30歲都仲有好多market。
同埋真係愛你，非你不可既男人，一定會好想同你結婚。
27個讚
比我會搵另一個，excel 計到咁盡好辛苦，而家先拍拖，第日結咗婚每樣 同你計，你就會感覺好痛苦
4個讚
睇落佢重視自己多過你，感覺所謂想你學嘅嘢，就係因為佢唔想做
同埋我覺得買禮物俾你父母$200都嫌貴，我覺得有保留，唔係話要買$2000先叫好，而係唔算一個好大嘅數都咁計較，第時雙親有咩頭暈身㷫，佢都未必願意同你分擔
再加埋咩都AA制，第時生仔可能逐樣同你計，錢、照顧bb嘅時間等等，到時真係連你都抑鬱呀
我好多朋友3x後分手，有啲仲有埋細路仔，都搵到第二春
我就覺得唔好驚自己冇人要，而將就自己未來嘅人生
22個讚
sorry 講直接 d , 佢好自私，只有佢著數，佢唔會 蝕畀你，你接受可以繼續，否則，慢慢抽身， 擴闊自己生活圈子， 迎接 Mr right!
7個讚
mgugu
17
其實你post得出嚟即係自己都覺得有問題，想搵人support
記住，婚姻唔係投資，唔係你付出咗幾多年青春感情就會得返幾多回報
唔好諗你付出咗幾多，一齊行咗幾多，然後就要勉強自己行落去
行到咁上下換個伴繼續行，或者一個人自己行都得架嘛
唔好俾30歲呢樣嘢束縛住自己啦
俾你有90歲命，你認為同呢個人一齊行多60年都冇問題？
14個讚
佢嘅缺點會太fundamental, 呢啲優點補唔到。對我來講好肯定唔應該繼續
1個讚
我有朋友個前夫都係咁
當初諗住點都要嫁一次、就結咗婚
最慘係生完小朋友s先話頂唔順、最後離婚
好彩男家都冇同佢爭細路、比埋層樓佢地住、前夫自己搬走
最慘係細仔遺存咗爸爸嘅性格
仲要愈大愈似爸爸、加埋有自閉傾向
我朋友呢傢有抑鬱咁制
就算唔心熄點都想結一次婚
都唔好生小朋友
3個讚
我路過見到你嘅情況都覺得攰
其實你自己都應該覺得有問題先會上嚟問
如果兩個人一齊唔係比單身咁好，咁不如單身好過
而且三十歲其實仲算後生，萬一同個唔適合嘅人結咗婚再拖幾年就真係太遲！！！
4個讚
網上問得都忍無可忍，現在香港30歲女性係盛年華，及早放手仲好 ! 不過相信同佢分手都唔易，小心冷暴力變真暴力，話哂佢都有情緒問題，相信妳想分手佢一定唔肯 
4個讚
感情嘅嘢好難理性分析
不過同另一半生活要feel comfortable
3個讚