樓主你感情生活都好多姿多采喎
不過好戥你開心, 甩左個計數王… 同個太計較既人一齊, 好難過人世啊~
新男友幾好丫, 有時可能真係成熟型男士會好D… 其實你地都只係一齊左無耐, 俾多D時間了解下先再review都未遲…
缺乏心靈交流 - 我覺得依種係佢既性格, 唔好唸住有一日佢會為你改, 無可能, 用時間睇下自己真係接唔接受到好過喇, 人係無完美丫ma
缺乏身體接觸 - 可能你地係由好朋友開始, 到拍拖會覺得接觸係感覺古怪既… 而且都係果句, 3個月都唔夠, 唔通對你飛禽大咬咩 
到時你又話佢變態佬喇
生活圈子不同 - 咁你都係同佢拍拖, 又唔係同佢D朋友, 你覺得同佢work到先係最重要, 其他野可以慢慢學
其實樓主仲好年輕, 仲有時間慢慢選擇, 人生好長既, 祝福你遇到一個真正合你既人 
要再update呀~~ 或者PM都可以的
恭喜晒呀!!!
可能佢比較少戀愛經驗同埋個人比較內歛?
同意, 樓主理智地甩左個斤斤計較既廢男真係戥佢高興, 祝福樓主
恭喜恭喜
我有個朋友都有類似，又係去到談婚論嫁先同拍左
好多年既男朋友分開，然後無幾耐有個識左好耐既
男性朋友表白。
我諗你現任可以同你做咁耐朋友而你唔知，
一定係好內斂，而且男人都甚少講內心想法，
可能真係無咩內心想法。
而且你地識左好耐，可能好多野都傾過。
係呀，我諗返轉頭我都覺得成件事呢幾年簡直鬼掩眼
多謝大家嘅支持同埋鼓勵！
都係呀，因為識佢呢幾年都唔知佢心意，比較收埋，有時唔知佢係情感冷漠，定係本身鍾意收埋
係呀，因為以往可能有少少曖昧感覺，但係都保持返朋友距離，開頭頭一個月係比較自然嘅，佢主動既，可能我而家都主動啲啲試下
好呀！多謝你好詳細的回覆！
多謝你呀！
以前都多嘅，不過近5年都單身咗，佢本身嘅經濟外型同埋條件係好多女仔好鍾意嘅，不過佢好似覺得未搵到個啱
個人唔鐘意表達情感係真嘅，我都唔知做唔做主動啲好，但係唔知會唔會會令佢唔舒服，都唔係太知40幾歲單身多時嘅男諗咩
係咪！我都有啲擔心呢啲case冇得做返好朋友！好朋友同情侶嘅要求唔同㗎嘛
佢就話欣賞我外型啦，心地啦，孝順，有計劃，專一，但係我都有啲冇安全感，逐漸覺得大家價值觀有啲唔似，但係又覺得冇人完美嘅，佢已經好多方面都好好。
同埋做朋友嘅時候，好多嘢都傾過，好難對大家保持好奇感所以分享嘅都係日常only，食飯以前都會間中食開，所以都冇乜話特別期待
係呀，過去佢完全都冇好主動地表示，只係默默地大家做朋友，都好忍得收到好埋佢話過話擔心我覺得佢年紀大唔接受佢！
咁當然我都有少少啦，但係當時有男朋友就唔會去回覆/太主動啦，都係靜靜地欣賞only。所以大家都對大家有情意結嘅
咁好朋友同情人混合是好事黎架，分手都無辦法
，結婚都可離婚，隨緣吧
價值觀有哪點不合？
可能可以約下去短途旅行，或者一齊試下未試過
的活動/一齊學野，了解下對方的生活習慣或其他面向，
又為你們帶來新鮮感。