有人話唔明點解粉絲仲對佢不離不棄，因為糖對佢嘅愛就正如家人一樣。如果佢有做錯，作為家人想佢可以從錯誤中學習，可以改善不足嘅地方，希望佢可以挺過難關變得更強大，而唔會因為佢有失誤而對佢失望，更加唔會放棄佢
我唔覺得呢種係盲撐，因為冇將錯都說成岩，糖只係係佢需要有人比力量佢時，選擇陪伴佢一齊行落去
8個讚
宜家輪到啲haters狂炸姜既ig
開鋪又話，退休又話
遲下長袖話佢扮型，短袖話佢冇手肌咪學人show； 同阿媽出街扮孝順，自己出街話佢毒L孤獨精 ； 去旅行話佢大花筒，留港話佢見識少；講英文話佢唔識字扮嘢，講廣東話話佢鄉下仔，講普通話話佢奶共
2個讚
佢連企係到放屁都會比人話無品。
又唔係殺人放火，點解要失望。
2個讚
啲人傳可能係隔離台網軍出動，因為佢地個大陸男團節目就快出，所以不斷追擊姜及Anson Lo
1個讚
真呀，起碼由年頭開始我識嘅
同間接知道嘅糖大概幾十個都冇聴過話脫粉，而且仲齊心好多，團結就是力量，患難見真情，加上姜真係進步好多，希望佢經一事長一智，日後處理得好D
6個讚
係咪見到Rain個樣黎宣傳咁？
1個讚
我21年入坑，老實講22年中後係有失望少少，但今年覺得佢好爭氣，進步咗好多，仲一直正面面對自己問題同批評。
呢單嘢，反正KT已經道左歉，如果對方沒受太大影響同損失，其實咁就算啦，得饒人處且饒人，唔需要捉住錯處咬實唔放。
不過當初泥生鬧完KT，即刻上升到公眾人物要以身作則唔好教壞細佬。佢之後道歉，仲要被批評無誠意，完全係想踩到佢沉。
如今KT貼一個非公眾人物IG出來，所造成傷害肯定不亞於泥生當初鬧人。但係Fans首先幫佢搵理由（例如壓力大、得24歲），跟住檢討對方（例如對方批評KT先），繼而話批評佢嘅係haters帶風向，最後總結批評可以但唔好惡意攻擊。最後，就變成檢討批評KT嘅人。
作為旁觀者，重申返我覺得KT本身道完歉就OK啦，人誰無過，無論鍾唔鍾意佢技巧或作品都好。
但係好多fans只係盲撐佢所有行為，而調轉邊個搞著佢要置之死地，呢D先係影響圈子嘅觀感。對比上次泥生事件，好多RB粉哪怕支持RB同泥生，都不認同佢嘅言論，而唔係盲撐所有行為。
其實兩次事件，KT處理得算唔錯。泥生事件大方回應，今次出post道歉，起碼表現得體。奈何fans對於前者咬住唔放，對於後者搵盡理由，甚至鼓勵向批評者反擊洩憤。呢D反而可能偏離左佢本人處理嘅方式，影響左其他人嘅觀感。
6個讚
冇對佢失望，佢又唔係做咗啲乜傷天害理野，佢今次係衝動咗處理上有錯，但佢冇死撐唔認錯，對該位女士作出道歉，冇含糊其詞
鍾意上佢算係一種緣份，係我人生低潮時偶然聽到孤獨病，係心靈上幫咗我不少。如果重視珍惜一個人，唔會因為佢一次過失而離開佢，反而希望可以俾到支持佢，俾佢知道有不少粉絲繼續陪住佢
佢同粉絲過去都一起經歷了不少高低，關係只會更緊密，有憂一起承擔，有喜一起分享
7個讚
無，無失望，只會支持佢
5個讚
都唔奇，鏡仔出現真係將傳統娛樂圈利益板塊完全郁過晒，仲有咩牌子搵上一代藝人？相反上一代藝人而家爭住搵鏡仔合作，所以搵網軍搞佢哋都唔奇
3個讚
有好多新acc響各大谷玩呢啲宣傳，check下佢幾時註冊再睇下佢D寫法風向，黎黎去去都係咁，當然都有舊人但數量少，大家不妨再深入觀察佢哋D行為就可以自行分析，唔會人云亦云果D下三流宣傳手法！
4個讚
AK幾個月前係街見到佢拍緊戲，同埋（三小辣），我估係拍緊⋯ （打天下2），
真係唔奇，跟本而家就係有人「帶風向」，有某啲haters谷吹風出嚟，攪到本來neutral嘅人都開始講Mirror壞話
前幾日我家姐先同我講，問我鍾唔鍾意Mirror，話有個谷專講佢哋啲衰嘢，好明顯佢都跟人風走，人哋講佢又講
至於點解會有人帶風向，咁咪諗吓咩人會有得益囉，Mirror近年搶咗咁多廣告，以前好似係某個老人台獨大，而家比人分咗大半塊餅喎…
6個讚
我覺得fans成日講到陰謀論，但事實係姜濤自己都有好大問題，處事手法極唔成熟，唔係新人但行為似新人。
我追開韓團，只能講如果係韓團咁樣掛人地個ig出黎俾自己fans攻擊素人，輿論會好嚴重，香港粉絲已經算好錫住姜濤。
我冇入咩GP，所以唔係咩俾人洗腦帶風向，今次姜濤道歉左，希望佢有吸取教訓。我冇話失唔失望因為我本身就唔係Fans，但會由路人有好感，到而家持觀望態度。
粉絲可能會覺得唔啱聽，但我身邊大部分唔追星既人都覺得明星咁樣掛人出黎呢個行為唔好，就算唔係姜濤其他人都係話咁，唔存在淨係針對姜濤。
18個讚
所以佢已佔盡天時地利人和架啦，自己唔爭氣唔長進，一出事d fans就 「他只是姜濤/素人/孩子」式護航，仲要話其他人haters，帶風向，仲自圓其說到係marketing 既testing check 流量，d借口真係好creative ga。
成班人都唔面對現實，活係自己對姜濤既假想bubbles 入面，藉口幫佢諗埋，promo 幫佢做埋，仲要叫自己人團結去拱固個bubbles，唔好比佢爆，出面有反對聲音就係haters，妒忌佢地，就要一齊對抗出面既人。
然後一來一往討論咁都叫有流量，香港真係悶到咁。
12個讚
非常同意，但不得不承認佢有能力令粉絲咁盲撐係有佢的能耐 
你岩呀！ 香港就係悶到咁
大想頭