證明仍然係流量密碼
我想佢地keep 耐啲，自從悲劇發生之後，依家好似有啲後繼不力。
Jer Edan Ian 出少咗歌
Al 又走火入魔搞到自己越黎越膠
唔好提紅啲哩幾個
大表哥好似冇劇出咁，Alton 出完電單車
之後冇咗影，虎仔好似變左做幕後咁，Frankie 隱咗形咁
Error 每個都平穩向上
反觀Mirror 急升之後而家條線係向緊下
4個讚
我期待你講AK, 睇完都無既
好似我老公咁夠鍾意林明禎（證明佢係正常男人）我由得佢，佢想我妒忌我先唔會。但佢又唔扺得我有十二個老公，特別係我提起小姜時笑到初戀咁甜
，佢踩佢我都冇理佢，我不知幾大方
我都知姜B唱歌冇MC Jay Fung咁正，又唔係話無限實力，但追星要下下講實力？下下講性格要好？有冇咁L天真呀，追星喎唔係寫論文喎
特首已經冇得揀，人又喺外地就快食藥咁滯，揀個明星都要入紙連登批准，我咪慘L過住加沙？
hate 好批評好唔緊要啦，多謝佢哋批評同注意，我覺得都可取可接納嘅。我冇跟鏡安法，我就係鍾意鏡仔又型又有活力又團結又可愛
蔡楓華，娜娜都有fans 啦，有乜所謂啫
大家唔好傷和氣就真
7個讚
Edan 同Ian 出5隻都叫出少咗
Btw，我都覺得佢哋到樽頸位，我暫時覺得佢哋最好狀態係唱warrior
希望佢哋嚟緊演唱會更多時間閉關，會有更好表現
1個讚
佢係做錯咗，不過都叫做有認錯，原諒佢一次啦
2個讚
Ian 嚟緊仲有隻，我覺得佢今年狀態大勇
Alton 有韓國節目、大表去咗台灣拍劇、Frankie 啱啱先做完舞台劇。
絕對係，無論mv、演唱會都好正。
可惜唔可以再唱，都唔知觸動到邊條紅線。
但係solo 嚟講，我覺得姜濤、Ian AK 都有驚喜。
我諗姜今次忍無可忍先出post, 不過唔知點解只回應那個女人既post? 不過作為公衆人物，是否可以做好啲呢？遮一遮人地個名先呢？你被人bully, 但你明知你班糖號召力幾咁嚇人先得架？你一樣bully人。雖則班haters把口有時真係賤到我都想打佢地一把掌，有啲真係賤到好似殺佢全家咁，衰啲講，你在明，佢在暗，你做咩都蝕比佢地，今年唔知佢行咩衰運，做咩都比人鬧，仲有個半月，捱埋佢，出年就係新一年，Mirror綜藝，演唱會，唔好衰比人睇，我繼續撐 Mirror！
3個讚
睇左少少post
我覺得呢度啲人尚算理性，而呢度是開放的。
但亦因為任何人都可發帖，所以一定咩都有。
值得留意的是現在娛樂圈是一門生意
要成功，要有藝人，金主，關公，海量帶風向打手…
另外，爆紅可以靠運氣，但長紅一定少不了努力努力努力
Eden 話齋，追星求開心。希望大家日日都咁開心。
1個讚
佢屬兔，今年兔年，
犯太歲⋯⋯
我好想講但唔敢講
去到邊都唔敢
最紅嗰幾個嘅粉絲都好有鬥心，睇依家嘅走勢都仲有段時間玩
Mirror有幾個已開始有啲老態，玩多幾年都差不多了
1個讚
AK好似又係叱咤，黑面之後都好似冇曬鬥心咁。
我覺得Mirror 嘅通病係，佢地個個都好似覺得自己紅唔耐咁，最紅果刻個個唔係諗住點樣可以繼續紅落去，而係走去開鋪做生意
4個讚
我覺得佢唱歌好咗，拍劇都多喎。
拉闊佢表現好有驚喜。
100%
希望佢經一事蔡一智
AK我有睇佢演唱會表演，佢係ok
但唔知佢近期去左邊。除左薑，佢係第2個因情緒而有新聞既鏡
美國拍完mv 出咗兩集旅遊特輯，七月返歸、冰上火花播緊，一路都有出嚟宣傳
無睇一日，原來呢度都咁熱鬧，姜濤真係流量密碼
首先，回應番開post 樓主先，我係姜糖
從造星到而家已經5年，對姜從來冇失望過，仲越嚟越愛，果種愛就好似親人一樣，只是痛心佢今年咁多是非，由年初叱吒、年中泥生到年尾呢單，究竟佢做錯乜嘢會有咁多haters想置佢於死，世界有種叫口德、口業會隨身，今世唔報下世都會報，因果報應循環不息，所以其他我唔鍾意嘅我唔會睇亦都唔會留惡言做毒舌。
至於點解佢咁紅咁多人鍾意？緣份吧！可能好多haters打手就係妒忌佢，其實睇過佢今年演唱會都知佢唱歌進步左好多，佢背後真係努力有成績比人睇到，佢今年演唱會講過要望多D粉絲，之後嘅Event 佢真係有做到，佢好努力改變自己迎合熱情嘅粉絲，因為經過今年，姜同共度過患難，大家都互相珍惜。
大家追星都係求開心
鍾意就鍾意，唔需要咁多規限，想佢點點點，佢應該點點點，唔鍾意佢嘅人就算佢做到100分都係會唔鍾意，一切都隨緣冇得勉強
12個讚
無論啲人講咩，我都會好堅持自己對姜濤嘅睇法
就係無特別鍾意，亦都無特別唔鍾意
我唔會咁易比人「帶風向」嘅
1個讚
係諗住做亞洲第一但三十歲退休