要用匿名先敢講，呢度太多姜濤死忠fans, 唔想俾人鬧
呢期咪嘴風波，有fans喺網上批評姜濤。姜濤文字反駁解釋都OK，但係佢貼批評佢嘅人張相，有埋人哋IG條link。仲拎對方做嘅工作嚟講，話個批評者做心理健康工作，就要以身作則（意思係唔好發表一啲評論影響姜濤心理健康）
佢作為偶像身份，又咁多fans，權力同份量比一般人大。做呢啲動作有可能對批評者帶來極大傷害。 咁樣仲叫唔叫「善良」？
唔管理好自己肥瘦，回應又滿不在乎。 呢排佢俾人批評得多，見到佢一係就話會努力，一係就搵藉口反駁批評，或者怪責批評者。 佢都出道5年，唔係新人，已經冇藉口。我以前都喜歡姜濤 ，不過對佢越嚟越失望。覺得佢同以前唔同咗。
新會員？
有啊～匿名先敢回
其實我都想開post 好耐
講真，佢又唔算有實力，身為偶像連自我嘅身材管理都做得唔好，我都唔明佢仲有啲咩可以吸引到人去粉佢
佢造星果時係好靚仔好有星味，係吸引到人
，但依家越黎越大份，實力又唔見有增長到，中二病爆燈（整天都有的沒的），好似就黎想自我放棄定拚曬䠋咁
其實我覺得佢情緒應該出現咗問題，好似叱咤咁，似係想做啲好爆好特別好有型嘅行為動作出黎，點知就過曬火；又好似最近咪咀事件咁，大佬咪咀都要專業架，冇啦啦係咁笑，笑到停唔到，仲要成個事正常人黎講係冇笑點可言
有啊～不過唔係對姜濤愈來愈失望，係對呢個平台嘅會員質素愈來愈失望
曾經以為呢度係forum界中難得一見嘅清泉，可惜⋯
連咩登啊，咁耐先得哩一個姜濤post
好心姜糖就唔好咁敏感，接受下偶像啲唔好嘅野，等你偶像都睇下啲批評，改進下自己，唔通仲下下都停留係自己世界，以為自己係唯一嘅清泉咩
好似晴天林咁，個post擺到明係俾人睇姜糖幾咁橫蠻，唔通你以為佢真係單純正視聽，墊底聲太大聲
我想問下佢係真係有出過依個story? 我set alert 追住佢啲story 嚟睇都唔見嘅？
只要係網民，你踩到幾盡都冇問題
只要係偶像，係香港就冇資格，只有韓國英美先有（曲）
可以不愛，但請不要傷害
ps韓國以前都有藝人頂唔順網民毒舌而自殺，唔好同我講食得咸魚抵得渴，佢有努力，唔好睇到段片就好似專家咁。我今朝睇突然諗，如果黎明都係呢段時間出道會點
利申：鏡嬸一名
我唔需要匿名，做糖光明正大
如果黎明係呢個年代出道，網民同對家fans可能捉緊一次走音機會，日日上網口誅筆伐
韓國藝人自殺，部分因為抵受唔到網上攻擊而尋短見，有時一句毒舌已經足以殺人
佢做得唔好唔夠資格紅，就會自然被淘汰，何必鬧佢鬧到想佢死咁
不嬲冇期望過佢d咩 所以失望唔到
同埋唔明點解有咁多人鐘意
anyway 佢地鐘意係佢地嘅事啦
唔鐘意係ok 架，就好似我啲fds 唔明點解我會追佢哋，大家互相尊重就得
真心呢幾年嚟，佢哋既歌俾左好多力量我，特別係無得走既我
其實佢冇後台，唔係夾硬谷紅佢，啲fans 又唔係請返嚟，仲要大部分都係長輩，高層，有學識嘅人，班fans 日日留意住佢都不離不棄，自然有原因㗎啦。唔了解唔明咪算，唔明白點解要笑埋佢啲fans，do 姐都鍾意佢㗎，你覺得do姐又係盲粉? 咁多人鍾意佢你估個個都係傻㗎咩。
唔鍾意佢嘅人唔明點解佢值得人鍾意，好正常呀！
所以專心鍾意自己嗰個就夠，唔需要去質疑點解咁多人鍾意佢
人善被人欺
唔講姜濤，我講我自己。
我係ftm,晌我產後抑鬱期間，c6因工作壓力唔返屋企（大半年），6299係會要我去體諒，話我縱壞佢地個仔……有次比62晌街手指指大鬧話我唔比c6休息（就係明明我有比c6休息，我d生活先唔好），我當街大喊，喊到街外人都望住。之後暫時兩老都無再話我。
我係ftm,疫情期間幫親人照顧小朋友。點知親人反轉豬肚，親人晌我背後話我無錢就唔好做ftm,話我成日懶晌屋企。
我想表達嘅係：我明明有努力，有去遷就別人，但別人總會話我，恰我。我晌外人眼中是叻的，忍耐力高的，但局內人總要唔滿意，想我要更犧牲自己搶安樂 。要我發火發癲佢地先收斂一下。人善被人欺。
當你一隻手指指向別人時，有三隻手指正指向你自己
好同意呢一點…有時係現實生活, 你對人善良就係對自己殘忍, 有D人好奇怪, 你明明對佢好係一個額外嘅bonus, 但受惠者就覺得理所當然, 你唔對佢好先係你嘅錯… 人要心善, 害人之心不可有, 但對某D人, 行為態度絕不可友善…
Sorry笑咗
呢度啲人批評其他人嘅生活模式嗰時，又唔需要諗起呢句說話㗎喎，哪怕別人嘅生活根本冇影響到任何人
Exact7ly
我唔係姜糖，對mirror 十二子嘅認識只係一兩個認到個樣咁。
對於偶像，其實鍾意就鍾意，唔鍾意咩唔鍾意囉。我幾奇怪點解對佢嘅批評都好harsh 下，連登尤其是
不過我覺得ian 嘅歌係真係正 可以comfort到我
我叻過你，呢幾年認得晒全部人
我唔係姜糖，更唔係鏡粉。總有D人為批評而批評。
又有D人話講出嚟為佢好。講真，為佢好就善意批評，用詞溫和D。做藝人唔係代表所有人講嘅嘢受晒。
又話佢藝人唔管理自己身形。肥到咩咁？其實而家咩年代？好多外國藝人都肥㗎啦。以前欣宜初出道都係咁俾人批評。佢努力咗咁多年，拎埋女歌手，終於得到好多人認同。今年呢幾個月抑鬱症復發要休息。
唔知大家想見到咩畫面。有時上網打幾個字，真係可以影響到人。打之前，諗吓呢番說話若果有人咁持續長期咁話你，你是否受到？
唱歌唔好聽，咁唔啱聽咪唔好聽囉。我相信姜濤有搵歌唱老師掛？(我估) 咁多網友批評嘅話，公司見到相信都會要佢繼續改善。咁咪再俾多少少時間人囉。
我見身邊以前都多人追鏡仔，都有人脫咗粉。若果佢哋做得唔好，始終有一日Fans都會離開。
