因為你見你老公拎D餸太重, 想幫佢拎D, 點知俾佢當街好惡咁叫你 “放手啦! 行啦!”, 你嬲, 但佢嬲返你轉頭, 就算話佢知你嬲咩, 佢都話係你"搶"D嘢在先係你錯, 佢發脾氣無問題, 依家佢仲自己煮完自己食, 你會點?
唔只一次, 次次發脾氣都係對方錯, 自己無錯… 所以次次都要老婆先低聲下氣講和…
你哋有無小朋友？
我老公都會咁，生左個亞氏保加兒子後發現老公應該都是ASD,只是被社會化後佢地會識在外人前隱藏，婚前都隱藏得好好，到你成為家人後，就會將情緒表露無遺
1個讚
聽落係會唔開心，但日常相處係咪有野未解決？或者其實佢有第二d野嬲緊？
另一諗法係，如果明知佢唔會比你幫手，咁你咪由佢囉
我哋無小朋友
我都覺得佢有輕度燥狂, 好小事都會發晒脾氣, 成日喺街同人嘈
佢有無咩嬲緊我唔知, 但幾分鐘前仲笑晒口, 幾分鐘後就發惡, 我就係估唔到佢會突然發惡先至諗住幫佢
未解決… 就係佢成日無端端黑面, 曾經無數次因為咁鬧交, 但佢話佢唔係黑面, 係攰或身體唔舒服, 我話我唔識讀心, 有咩可以同我講, 如果唔想講, 我唔會逼佢, 俾空間佢… 兩日後佢又為餐廳嘅嘢食唔得而黑面, 我唔出聲由得佢, 然後佢正常返… 估唔到唔夠幾日又發癲, 今次唔係黑面, 係鬧我, 遲早到我有抑鬱症…
1個讚
今日大家一齊去買嘅海鮮, 佢自己煮完自己食晒… 心好痛, 點解個老公可以咁對自己…
成日係咁真係唔係路喎，我睇字都覺得好大壓力
結婚之前可唔可以咁㗎？
1個讚
結婚前我同佢都大脾氣, 我選擇自己改先, 見佢都有心改, 先肯同佢行落去, 但依10年唔容易行…
1個讚
有無試過好好坐低傾下？同佢傾到底佢會咁樣？如果佢話唔知點解，無察覺自己係咁，咁試下佢肯唔肯去睇下？或者真係有燥鬱都唔知
傾過無數咁多次, 次次都話唔會再係咁, 但有眼見, 不斷重複… 都提意過見醫生或婚姻輔導, 但佢唔覺自己有需要, 唔肯去
如果係咁，你試照顧好自己心情先，有好多方法令自己平靜，我都學緊，想知就問我啦。
最後通碟，無改善我會放生自己
我都係人，有感覺，會想被尊重同愛錫
7個讚
可以教我嗎?
你pm我呀
自己煮自己食。。。。。我。。。我。。。唔識講
唔想影響你
我會落街行下買下野，那怕只係買個麵包
加油
3個讚
我有, 我洗好晒D 海鮮佢依然黑口黑面, 我就出咗去飲咖啡俾自己唞唞氣, 中途我whatsapp佢講件事, 佢就發悔氣 “你覺得我錯咪我錯囉, 你想點就點啦”…
返到屋企, 佢仲黑緊面, 又大力閂門閂櫃, 我入房開電腦做公司嘢, 佢就開門好悔氣講句"你食唔食㗎?", 我話唔食, 佢就自己煮晒D 海鮮食晒佢…
過咗陣, 我去廚房睇到咩都無晒, 個心淡到… 我返入房發呆, 佢開門又係好悔氣咁問 “你肚餓我煮俾你啦”, 我無應佢, 佢就好嬲咁閂門出廳… 直到到依家…
以上兩次主動但悔氣嘅問我嘢, 算係佢下咗低威俾大家和解嗎? 你哋會原諒嗎? 還是係我太執著? 真心求教…
衰到自己煮自己食，我會發脾氣鬧佢一穫，之後我會即刻走落街，自己落街嘆番餐，話之佢。自己慢慢想下，有冇得同佢傾下，講下，仍然幾日一癲，我會自己諗下將來，佢幾日一癲，到時唔係佢痴，係自己痴，放生自己，好好過下人生！
2個讚
如果我鬧佢一鑊, 佢就大條道理話我發脾氣鬧佢, 試過好多次啦… 依間屋我係唔可以有脾氣…只有佢可以, 而每次佢都有佢嘅理由
如果婚姻係帶嚟負面情緒嘅 帶嚟委屈嘅 仲要嚟仲乜？
3個讚
簡直係無意思，樓主應該無仔女？比較易解決。
諗清楚仲好唔好受佢幾十年嘅氣，點解要咁委屈自己？
1個讚