我估你老公好要面，所以佢開門好悔氣問你食唔食喺佢心目中已經認咗低威，咁你話唔食佢心諗唔通仲要艾你食？所以激氣自己食哂佢比你睇！因為我同我老公以前嘈交我都試過，叫佢食又話唔食！我咪夾硬食哂佢唔留比佢
8個讚
係
其實我好易氹, 一句真誠嘅對唔住已經得, 佢好清楚, 但就死要面
所以有次嘈完, 我要佢承諾我, 無論邊個對邊個錯, 都要氹返我先, 佢答應咗… 唔係無做, 好間唔中都會主動道歉話自己語氣太重, 依個就係我咁多年都仲未放棄依段婚姻嘅理由
佢平時唔發脾氣時係對我好好, 管接管送, 重D嘅嘢都唔俾我拎, 但一發起脾氣上嚟, 面子排第一, 平時講到點愛我點剩都唔記得晒…
今次又係拎重嘢, 驚佢辛苦, 提意返上車先, 聽日再去買其他嘢, 佢堅持要去, 但去到佢已經一臉埋怨嘅樣, 我再提意走佢先肯走, 然後就係上面所講嘅"想幫佢拎D 嘢而俾佢鬧"… 想表現大男人有承擔? 點解佢硬係要搞到自己咁辛苦而令自己燥? 我真係唔明
我老公都係咩重嘢都要自己拎哂，背脊又要幫個女咩書包又拎餸又環保袋⋯如果想幫佢拎佢會好唔鐘意，我認為係大男人主意！近呢幾年我直頭一樣嘢都唔拎，既然佢咁鐘意拎我又輕鬆啲咪由佢！
1個讚
我屋企果個有d類似，潮州佬仲要魔羯座，硬頸脾氣大，同佢冷戰係會頂唔順架。每次都係我行第1步和解（都係扮無野家常便飯咁講野當無事）
如果我出得去透氣，我就唔會搵佢，自己消完氣就算，當無野無事發生。同呢d性格既人傾，唔可以響佢生氣時講，佢地火燒中就唔會理性，傾唔到架
我明知佢d脾氣衰，所以當佢開口問食唔食時我會平靜地答：煮囉或食，然後當無野就算。我當train自己EQ, 學習同呢d性格有 “障礙”既人打交道。
我已經唔會問點解次次都係我軟化先
我會諗返佢對我既照顧，無限放大佢既好，安慰自己
可能響佢眼中，我有問你係你自己話唔食，點會係我錯
我屋企果個一定係咁諗，不過我屋企果個如果想和好或要下台階，佢唔會氹佢係唔會氹我。。。但多數會煮野,煲湯，然後直接叫我食，或者夜晚掂下我攪下我借d e 除衫褲之類。
如果錯過左呢d機會就真係有排冷戰。
我學識左接受佢呢d叫 “道歉”。（或者叫妥協吧）
嫁得比佢就想同佢行埋下半生。。。你要諗值唔值得為呢d時放棄
5個讚
我屋企都有個硬頸但唔大脾氣，從來都唔會氹我，嬲緊嘅時候點會諗佢嘅好呢？
咁唔得喎，屋企應該係自己嘅避風港，出面風大雨大返到屋企仲要壓抑無咗自己？
如果真係要俾機會大家，就一齊去見下婚姻輔導，婚姻入面得一個人在努力，咁不如一個人仲自在…
1個讚
講過, 佢唔肯
最討厭係又要拎晒但又要黑晒面或勁燥
我已經係咁, 先可以忍到10年…
以佢諗嘢嘅角度, 如果我答食 佢會覺得"你發脾氣我都煮俾你食呀, 你應該慶幸有個咁好嘅老公啦"
我以前EQ同佢一樣咁低, 已經俾佢train到今日咁, 但真係好辛苦
咁又難頂啲
我可能畀你幸運少少 嘅情況係 我同佢都唔鍾意嘈交 大家都知道 大家 都係脾氣臭火星撞地球 所以我哋 好多時候 只要拆出火藥味 就會 點到即止 大家轉身冷靜一下 就會無事
我哋好少會 令到事情一發不可收拾進入冷戰
所以第一步係自己先行開下冷靜下落街飲杯咖啡又好買個麵包都好行一個圈 自己先消消氣
可能年紀大咗 婚姻經歷多咗 可能諗嘢會睇開啲 人無完美
自己啖氣消到冷靜到再去面對對方嘅負面情緒 我覺得會豁達好多
當然我都會有想放棄嘅時候 但冷靜落嚟 再諗下 兩人相處 嘅日常事情 有時微不足道嘅嘢 其實都可能係對方嘅付出
試下囉 唔容易㗎 都係睇呢段關係同對方值唔值得你咁樣做
3個讚
啱呀，維持一段婚姻唔容易，好多學問。分開好易，難係點樣大家搵到個方法維繫，話係忍又好，遷就又好，有時無得諗咁多點解要自己忍，話唔定對方都忍左你好多野。
我覺得直情可以開另一個post講點同大男人老公相處。
3個讚
我pm覆左你啦
多謝各位, 我諗我要喺"令自己冷靜"依點著手…
明明佢錯仲要下下要個老婆氹，連呢啲嘢都唔肯做，即係面子重要過個老婆。我就唔會屈就自己了
2個讚
佢都肯講呢啲我其實ok，笑笑口話食，然後嗲住話你咁悪我下次唔理你之類。
男人要Train，要用方法，大前提你要明白佢本身脾氣就係差，你唔可以動氣，如果接受唔到令你非常之困擾咪分開，no big deal。
俾個期限大家，你會發覺Train得好之後佢就會乖乖任你魚肉。
同意, 所以要先train我自己…
明白你難受呀，以柔制剛試吓
佢想做大男人，咁你做小女人，好似氹小朋友咁，例如同佢講：我明呀，啲嘢係難食，下次我地搵間好架啦，唔好唔開心啦，好唔好呀老公？（揸佢手嗲佢）～～
「柔情似水」好有用，佢要鬧都洩氣咗幾分，慢慢削減佢啲脾氣（但如果你好攰就抖吓，唔洗太屈住自己，有啲人係渡唔到，就唔好勉強）
我同你情況好似，加上去左外地，佢脾氣更古怪。
我選擇叫佢返香港，一來佢有工作個人無咁無聊，發埋啲無謂脾氣，二來揾個錢。
佢返左去一個月，我簡直成個人鬆晒。以前每日返屋企好大壓力，超低壓糟，而家好舒服。
其實反而諗係咪放生大家，唔好一齊仲開心。
早兩日佢話十二月返嚟，我立即心情低落。我呢排無佢係身邊超開心同自在。
我係屋企經濟支柱，基本上養埋佢，所以生活上完全無問題。有時淰點解放工返屋企仲要受氣，壓力仲大過返工。
4個讚