嚟咗英國2年多，居住、工作、學校都算settle down得ok，唯獨一直未考到車牌，出入要好依賴老公
學車考車3波4折已經好沮喪，fail咗2次之後就冇再跟師傅，因為學費貴之餘仲好難book到時間，成日被師傅放飛機。之後就開始用老公架車練，亦都係佢提出嘅，但我每次叫佢陪我練都不情不願咁，陪練時佢郁少少就黑面同鬧，搞到好唔開心
其實都唔知佢想點，明明我識揸車最受益嗰個係佢，佢可以唔使再成日做司機車我同2個小朋友出出入入，但偏偏好似最唔想我考到車牌嗰個係佢咁，不停扁低我之餘，仲要擺高姿態要做到我有求於佢咁
唉，好難受，係香港時我慣咗好獨立，即使佢唔配合亦冇所謂，我自己一個亦搞得掂，但依家⋯⋯
多謝大家聽我呻下
應該有個全巿教車師傅list, 搵一個華人姓氏師傅睇下識唔識中文，我先生呢度考，第一個印度師傅臨考試話放假，延期考肥左，跟住搵一個華人姓氏師傅學、雖然講得唔正，但至少有咩問題可以問，清晰番好多，第二次就pass左
你收番係期待佢會幫你嘅心，當自己一個人去面對考車問題，平靜自己先。你目標係考到車，過程唔重要，閒言面色都唔重要。
黎到呢度我學識左只向目標走，其他事都唔重要，個人睇得淡左，心情反而係好咗架！
老公係唔可以教老婆揸車，傷感情～你搵啲香港人師傅？
如果你學極都無信心揸得好, 不如停下先, 尤得你老公繼續車出車入. 到你想再學返先至搵師傅教, 唔好再叫你老公教啦, 佢識揸唔代表識教, 同埋教人都有壓力, 可能佢唔想受壓但又唔知點同你講, 咪對你態度差.
我嗰區只得幾個師傅教自動波，好full好難約，加上我要返工，難上加難
唔見有華人名嘅師傅，我第一個local白人師傳成日放飛機，第二個南亞師傅成日唔足鐘，遲到早退蝕15-30分鐘，同埋教得好hea，我揸車佢㩒電話，所以先令我唔想再跟師傅，其實要學嘅嘢都學晒，只差了點運氣未pass到
因為theory test就快到2年會過期，我好想儘力係到期前考到，否則又要再考過theory test
你有冇入香港人師傅谷啊
冇
其實有時可以自己去就算啦
如果係咁、應該唔使再搵老公陪練都得啦….
如果老公態度咁差就唔好再揾佢陪練，呢個練車過程會好傷夫妻感情
佢老公係監察住個學神、都唔係教……
我都做緊 supervisor, so far so good ah.
唔可以停揸太耐，我會生疏晒，要keep住揸先揸得好，嗰時學車師傅放假一個月，我再上堂好似唔記得晒點揸咁，如果唔搵佢陪我揸下，我冇信心去考試呀
我有時會搭巴士返工或行45分鐘返屋企，不過長遠係英國生活識揸車會方面好多，冇車亦局限了我搵工的選擇
我意思係你自己去學車
其實之前年半一直都係我自己出去學車，因為師傅太唔可靠我先冇再跟，第一次臨考前先話放假一個月，隔硬要我延期，第二次臨考前突然話壞車，冇車借我考，又要我改期，咁就俾佢拖咗我一年有多
我見朋友同網上分享不少人都係用自己車考，唔使俾師傅牽著個鼻走，所以我都想今次試下用自己車考
畢竟你老公都唔係專業, 又覺得你練來練去都係咁, 咪冇心機囉…
我好明白，因為我都係跟師傅學咗好耐，呢度啲師傳又拖住教又成日放飛機，真係貼錢買難受，fail之後把心一橫用自己車練再考
我老公又係態度勁差鬧鬧鬧，每次練車後大家都唔開心，不過為咗考到牌唯有要睇佢面色受佢氣，我同自己講考到就唔駛再忍佢㗎啦
男人一上到車就覺得自己主場。
我一考到就黎，我先生無學過無車牌都可以對我指手劃腳。那裏來的自信
我後來幾驚寧願自己揸都唔要佢傍住我，
佢又唔係專業教車，淨係識彈，彈完又無建議，
除左令我越揸越驚，零好處。
你望下隔離鎮有冇華人師傅，遠啲都去學番兩三堂，你有番自信就得架啦！
由原本生活上可以好獨立，到依家要迫住依賴老公的確係唔好受，尤其老公態度唔好就更加
我都面對緊差不多情況，搬屋後距離超市同返工地方遠咗，一至五都要依賴老公車出入，好多時係要我就晒佢嘅時間，不論佢忙定唔忙，但無計啦，鬼叫自己唔識揸車咩