你係響邊區㗎？
我本身有車牌，來到英國後唔太習慣個路面環境
男人仲喺度講講講
我嬲到發脾氣落車叫佢揸
佢之後唔敢再講
1個讚
會唔搵啲駕駛學校有多啲師傅既，a請假可以有b頂檔咁？
男人天生就睇唔起女人揸車
一定勁多批評 仲要句句難聽
學車靠C6真係死得
剩係陪練泊車次次我都黑面離場
但有好處係可以坐佢車叫佢喺試場附近不停兜，等我可以熟啲試場範圍嘅路面情況
我雖然好彩pass到
但我做司機C6坐隔離一樣嗌交收場
除咗C6有冇其他人陪到你練車？
同意車要keep住練，我試過隔個星期至上堂就揸到馬路炸彈咁
兩公婆教/練車鬧硬交，就算平時幾溫和朋友都係一樣，我都唔鍾意揸車老公坐隔離，勁煩
你先生會唔會怕你考到，成日飛左去唔知邊度玩，或者係咪鍾意你需要佢，個種既存在感，唔鍾意你太獨立
我都有少少懷疑係咁
如果我都識揸車，心理上安全感會大啲，唔使全家靠晒佢一個，我都可以做back up司機
我覺得啲佬唔會諗到咁複雜
純粹覺得教你又唔聽，講你又唔明，又要局住教一個手腳眼唔協調嘅人（佢覺得），跟住就會不自覺無耐性
好多男人都係對朋友外人好過對自己老婆，I mean態度上
如果supervise朋友揸車，嗰啲唔耐煩黑面肯定唔會表露出嚟
咁又係
搵個位呻下冇咁屈住，多謝大家
希望我可以早日考到車牌
4個讚
我情況同你極度相似，但地點係香港雪牌
我仲有藉口香港仲可以搭巴士，變咗架車係佢唯一個用家
因為香港駕駛人士態度完全令我提唔起勁同佢地係馬路互動
但我都唔想學咗個牌浪費晒
有時旅行都想揸下車chill下
唯有等待一個時機迫我再學番車
男人難得有一樣嘢叻過個老婆，當然玩型玩脾氣。香港女人個個咁打得，學歷高又搵到錢又料理到家務又進修又上進，邊會好似啲男嘅淨係識打機睇波玩玩具（概括，唔鍾意勿插）
3個讚
我而家搵朋友陪練，我衰左5次仲未pass
我老公又係勁嘈底
可唔可以講下係衰啲乜？
我覺得如果同老公練車會有磨擦，咁學車錢真係唔好慳，寧願出去搵師傅練車。即使要搵好師傅難，但係用時間和金錢，換自己既信心和獨立，點都值得嘅，加油！唔好灰心，過兩年期最多再考筆試，唔係乜嘢大件事。
我都交咗超過80小時既學費學自動波，好彩遇到個好既白人師傅。
頭一兩次其實系自己未ready
第三次最唔底
之後第四次都揸得唔好
第五次衰大小心揸得慢
幾慢呀？
另外第三次可以講多啲嗎？
揸得車，最緊要係接受批評，因為條路唔係得你用，係好多人用，揸得唔好撞車除咗會有金錢損失，仲可能有法律責任。
所以不妨認真d聽下你老公點講你，等佢對你有返d信心。
1個讚
今朝第六次終於成功passed,
第三次最後兩分鐘肥我
佢話我入roundabout 睇唔到有車
我自己入時系無車
我考5次，第一至三次同一個考管
第四次5次另一個考管
今日就未考過我嘅考管
佢勁好人
我覺得第一至三次果個考管有針對成分，因為我考親佢都要渣足50幾分鐘
第四，5次果個系新考管都係嚴
今日哩個系有經驗同勁好人
成功合格
13個讚
恭喜！！