我自小好少唔見野，鍾意用完就放回原位。但係老公鍾意呢度擺果度擺，工人姐姐又係咁，間屋變到好混亂，一時唔見鎖匙一時唔見銀包一時唔見眼鏡，（係呀，老公同工人一齊會唔見野），搞到呀仔d野又周圍散落，呢度執到一件果度執到一件……我同老公一齊9年，一丁點都改變唔到佢，個工人姐姐做左2年，又係糾正極都失敗。
成家係得個2歲幾既仔仔做到，睇完書會擺好，玩完玩具會執好，用完顏色筆會入盒。
其實係咪對某d人黎講，有手尾係一件咁困難既事？因為對於我嚟講，用完即刻放返原位係好簡單嘅事，我真係理解唔到……
學埋冇手尾，一家人齊上齊落
係，我老公都係咁
同一個壞習慣講咗10年都改唔到，發脾氣發過，黑面又黑過，又試過每一次見到即刻提佢𢴇番好，真係咩方法都試過
所以我已經投降了，啲嘢唔見就由佢唔見，搵唔到就由佢搵唔到，我冇氣理佢
改唔到~
最多最好DD 但都只係改DD, 仲要自覺地先改到 果DD
同埋要年紀大先叫有DD自覺~
因為我就係咁 
係呀,可以話係改唔到
男人多數係咁,因為同腦部結構有關
細心的男人係稀有動物,但亦會較情緒化
當然亦會有唔細心的女人,但都係少數
所以樓主都係放棄啦,咁你會輕鬆啲
1個讚
係，我後生就係咁，好亂又大頭蝦，我老公用十幾年用不停地鬧我/話我/挑骨頭嘅方式去「糾正」我，連洗個碗塊百潔布放唔好都鬧，但其實一向都唔駛佢洗。
呢個方法係work的，但我玻璃心，自問十幾年心理壓力好大，日日返到屋企都心驚膽跳唔知幾時又比人捉，慘過返工。
到而家有個女我變得整潔企理，我老公越來越冇手尾，但我選擇幫佢執手尾，因為我好討厭佢每日捉我EE哦哦，我唔想報復佢，忍咗去就算
不停ee哦哦佢係得既，但要時間，同埋你會變成訓導主任咁，你會好辛苦。
老公無得換，我會換過工人，或者對現有工人好似訓導主任咁，一唔順眼就監察住佢做過，俾佢知道你的標準，唯有做嫦娥咁，常常哦佢哋
1個讚
我都係咁
跟住有似一次屋、掉左8成野
同埋睇收納書學擺野
我呢類天生冇手尾嘅
擺野要方便、即係眼鏡、最好就放枱頭（比個固定位）、一係拉開櫃桶就拎到
如果要放入個盒又再攞入櫃桶
咁就好快會冇手尾
最緊要係、當事人要有意識去有手尾
2個讚
要完全改變習慣好難，試吓分階段做，例如將key,紙巾、雨傘、購物袋呢啲要帶出街既嘢放近門口位置，一返到屋企要放低先可以做其他嘢，情況就好似一入屋要除鞋一樣，當成為習慣後，再改善其他地方
1個讚
唔可以話改唔到，但必須要經歷一段長時間自己對自己負責任，佢而家都有老婆有工人啦，無架喇！
反而小朋友有無限可能。
你老公工作上係咪又係咁？虎頭蛇尾、咩都甩漏？
習慣難改，我媽媽都係無手尾，之前同住幫佢執，有時都會話佢
我自己無手尾左好多年
我老公由好勞氣變到無我咁好氣
小朋友出左世後情況有好轉嘅
不過距離有手尾仲有好大差距咁囉
我好努力改架，改唔到之嘛
其實我對住我老公已經半放棄狀態，因為用過乜嘢方法都冇咩成效，佢自己都有心改，但係發現改唔到。而家加埋個同類型工人姐姐，又係發現點樣都冇咩成效……
所以就開始諗：係咪佢哋腦袋個構造好唔同？定係同性格有關？
我平時觀察所得，佢哋隨手拎起一樣嘢，就隨手放一二邊，完全冇經過思考，唔會諗之後搵唔搵得返。我都發現佢哋處事呢度一忽嗰度一忽，完全冇系統，唔會有一個好完整嘅picture。
係
無手尾嘅人比較創意一啲 （即係亂嚟）
我係無手尾 亦唔想改 
係，我改唔到
好在我有個好處，會記得自己放左去邊
點都好過我老公，佢自己啲嘢勁有手尾咁一袋一袋收好但經常唔記得自己收左去邊
最大鑊係佢好鍾意將我既嘢攝埋收埋咁，到問佢時佢腦仲會一片空白狀態，我成日要捐窿捐la做咕哩去摷返出來
別人性格同習慣係改唔到，只可以改變你自己
係好難改，我會由得佢唔會幫佢執，佢唔見得多嘢就會自然擺番好
係
自覺算有手尾
都會比老公話我冇手尾
大家個標準唔同 冇得話改
都換得架
我屋企都有3個咁嘅人，同你打和！
當我發現點提點逼都改變唔到佢地之後，又試下由得佢地，等佢地自己經歷搵唔到嘢帶來嘅不便，甚至承擔唔見左重要嘢嘅後果（例如功課、公司嘢…etc)佢地就會汲取教訓，慢慢成長。
係會有嘅，但改善往往係短暫同非常緩慢嘅，而未等到佢地有明顯改善果日，佢地已經首先會埋怨你點解唔幫手呀、冷血、唔關心佢唔錫佢…
佢地玩晒架。
所以都係一開始就唔好諗住改變佢地。