呢樣真係仲衰，我呀媽就係咁，屋企長期好多一袋袋，佢覺得執好晒，但係袋入邊啲嘢係勁亂，每次佢都搵唔返啲嘢
唔會囉，我老公同個工人會笑笑口，話：之後實搵得返既！（然後冇左下文）
我老公當刻覺得好有需要改正，但轉個頭就故態復萌，我見佢個腦好似加唔到有手尾呢個意識落去。
我對佢已經半放棄狀態，所以我好多嘢都買咗兩份俾佢，連眼鏡都有3副，費事一陣門都出唔到（已經試過）……….
我之前好想代入我老公嘅角色，思考下點解會咁冇手尾？最後我覺得冇手尾既人係完全唔同類型既人，代入唔到
我有個朋友都係咁，佢話佢好努力改，但係都係冇成效。真係唔知係先天定係後天嘅問題
但都唔一定有創意，起碼我老公同工人姐姐係冇創意
每日過一模一樣刻板既生活都好ok，平時唔會有新主意
我發覺佢哋用開嘅位置係非常混亂，好似張工作枱，隨手就會將啲嘢疊上去，越疊越高….張枱係會有好多個「小山丘」……仲要發現差唔多類型嘅人都有呢個行為……
我都唔明D人點解可以咁亂/咁無手尾，我就一定係受阿媽影響，屋企幾乎五常法，每樣野都有個屋企/專屬位置。
順手問左你地，你地屋企鎖匙用完係咪即時放返入手袋?
我係既，我屋企人全部都係，入左屋就放返入手袋，所以我地從來都無出現過唔記得帶鎖匙依個問題。
同99住左幾年，佢次次出門口都要通屋搵鎖匙，我發現過佢抽鎖匙出現過既地方有廚房檯面，廚櫃入面，洗手間洗手盤，洗手間洗衣機面，掛毛巾個勾，食物櫃入面，雜物櫃桶入面…
而佢唔記得帶鎖匙/銀包既機會都半年內兩三次。
好野嫁，99家姐住附近，無鎖匙就去人地度打躉，完全無受到教訓
2個讚
美化好事
我老公同仔都係冇手尾，啲嘢周圍放，成日搵唔到。開完或衣櫃門又唔閂返。啲遙控成日東一個西一個
我諗我係其中之一，我係好手尾嘅人，我老婆係相反，而我咁多年都係執佢手尾。
只要試過有一次大教訓，就會有改善。
我個女係咁，要成日提醒先有改善。
佢就搵得返既，要啲時間，佢大約會記得收左喺邊個箱度，然後要從一堆疊起既箱抽返出來，再打開個箱逐袋搵，好彩既一兩個鐘會搵到
有次佢仲話透明膠箱好用可以睇得見入邊，我話你啲嘢搵一個個垃圾袋裝好，個箱透明又有咩意思？
我同我老公都係選擇性無手尾但會記得自己啲嘢放邊同知其實要做。同大家會自動自覺幫對方執手尾。
例如佢成日用淨一格廁紙唔會換，我就會換左佢。但我唔鍾意換垃圾袋但佢會換。但佢成日覺得佢做多過我 
我都無手尾，仔同老公都係，個女好少少。
我會選擇每晚執屋，將散落四周嘅野擺返原位就算。但一定唔會用完即執，改唔到。
我認同無手尾係改唔到。我家姐就係咁
同佢搬咗出嚟咁多年，經常執佢手尾，然後去到我眼不見為乾淨。但有時我自己衰又忍唔到
著完嘅衫成日除出嚟扔喺廳
佢都成日唔見嘢，朝朝都搵嘢
職員證都唔見過幾次
每次聽到佢唔見嘢就火
飲完嘅湯壺4日都可以唔洗
D杯成個星期都可以放喺廳
垃圾都可以周圍扔
食完嘢由個廳行去廚房扔唔使10秒，佢都可以直接入房瞓照扔喺廳度
佢除咗無手尾，個人仲好污糟邋遢
我－家三口都少少冇手尾，但唔嚴重，因為會有其他家人幫手執，所以搞成咁，但最近不約而同大家一起改善咗。
我最大問題係成日開完櫃桶唔記得推返入去，老公話左我好多次但都改唔到，最近－個月亞女開始靜靜幫我推返，唔知點解我覺得好幸福，應該仲難改到，不過我會努力改
我有朋友似你家姐
佢直接係食完野
啲碗唔洗、臨訓前放入雪櫃
不過結婚後冇再咁做
我覺得有手尾係個trait 嚟, 即係天生既 後天可以learn 但冇呢個gene事倍功半咁
嘩，好醒
2個讚
唔好咁勞氣，我都係冇手尾呀好難改
我就係開始懷疑有冇手尾係先天因素多！！！
1個讚
我老公後生果陣好無手尾，比我鍛煉好多年後，宜家有時話翻我轉頭，係可以改到的。
1個讚
掉去回收箱